ਹਸੀਨ ਜਹਾਂ ਨੇ ਦਿੱਤੀ ਖੁਸ਼ਖਬਰੀ! ਮੁਹੰਮਦ ਸ਼ਮੀ ਨੂੰ ਲੈ ਕੇ ਹੁਣ ਆਖ''ਤੀ ਇਹ ਗੱਲ

ਸਪੋਰਟਸ ਡੈਸਕ- ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਦੀ ਪਤਨੀ ਹਸੀਨ ਜਹਾਂ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਕੇ ਇਕ ਵੱਡੀ ਖੁਸ਼ਖਬਰੀ ਦਿੱਤੀ ਹੈ। ਹਸੀਨ ਜਹਾਂ ਨੇ ਨਾਲ ਹੀ ਆਪਣੇ ਪਤੀ ਮੁਹੰਮਦ ਸ਼ਮੀ 'ਤੇ ਇਕ ਹੋਰ ਗੰਭੀਰ ਦੋਸ਼ ਵੀ ਲਗਾਇਆ ਹੈ। ਹਸੀਨ ਜਹਾਂ ਨੇ ਸ਼ੰਮੀ ਨੂੰ ਲੈ ਕੇ ਦਾਅਵਾ ਕੀਤਾ ਹੈ ਕਿ ਉਹ ਦੂਜੀ ਔਰਤ ਦੇ ਬੱਚੇ ਨੂੰ ਤਾਂ ਵੱਡੇ ਸਕੂਲ 'ਚ ਪੜ੍ਹਾਉਂਦਾ ਹੈ ਪਰ ਆਪਣੀ ਧੀ ਨੂੰ ਉਸਨੇ ਵੱਡੇ ਸਕੂਲ 'ਚ ਦਾਖਲਾ ਹੋਣ ਤੋਂ ਰੋਕਿਆ। ਹਸੀਨ ਜਹਾਂ ਨੇ ਨਾਲ ਹੀ ਦੱਸਿਆ ਕਿ ਉਸਦੀ ਧੀ ਬੇਬੋ ਹੁਣ ਇਕ ਵੱਡੇ ਇੰਟਰਨੈਸ਼ਨਲ ਸਕੂਲ 'ਚ ਪੜ੍ਹਨ ਵਾਲੀ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਹਸੀਨ ਜਹਾਂ ਨੇ ਹੁਣ ਕੀ ਕਿਹਾ ਹੈ?

ਹਸੀਨ ਜਹਾਂ ਨੇ ਦਿੱਤੀ ਖੁਸ਼ਖਬਰੀ

ਹਸੀਨ ਜਹਾਂ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਦਿਆਂ ਲਿਖਿਆ, 'ਅੱਜ ਮੈਂ ਅੱਲ੍ਹਾ ਤਾਲਾ ਦੇ ਕਰਮ ਨਾਲ ਬਹੁਤ ਖੁਸ਼ ਹਾਂ। ਦੁਸ਼ਮਣ ਚਾਹੁੰਦੇ ਸਨ ਕਿ ਮੇਰੀ ਧੀ ਨੂੰ ਕਿਸੇ ਚੰਗੇ ਸਕੂਲ ਵਿੱਚ ਦਾਖਲਾ ਨਾ ਮਿਲੇ ਪਰ ਅੱਲ੍ਹਾ ਨੇ ਉਨ੍ਹਾਂ ਸਾਰਿਆਂ ਨੂੰ ਨਿਰਾਸ਼ ਕਰ ਦਿੱਤਾ ਅਤੇ ਮੇਰੀ ਧੀ ਨੂੰ ਇੱਕ ਚੰਗੇ ਅੰਤਰਰਾਸ਼ਟਰੀ ਸਕੂਲ ਵਿੱਚ ਦਾਖਲਾ ਮਿਲ ਗਿਆ। ਧੰਨਵਾਦ, ਅਲਹਮਦੁਲਿੱਲਾਹ।'

ਸ਼ਮੀ 'ਤੇ ਹਸੀਨ ਜਹਾਂ ਦਾ ਵੱਡਾ ਦੋਸ਼

ਹਸੀਨ ਜਹਾਂ ਨੇ ਮੁਹੰਮਦ ਸ਼ਮੀ 'ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਧੀ ਦੀ ਸਿੱਖਿਆ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕੀਤੀ। ਹਸੀਨ ਜਹਾਂ ਨੇ ਦੋਸ਼ ਲਗਾਇਆ, 'ਧੀ ਦੇ ਪਿਤਾ ਨੇ ਬਹੁਤ ਕੋਸ਼ਿਸ਼ ਕੀਤੀ ਕਿ ਮੇਰੀ ਧੀ ਚੰਗੇ ਸਕੂਲ ਵਿੱਚ ਨਾ ਪੜ੍ਹੇ, ਪਰ ਪਿਤਾ ਖੁਦਾ ਨਹੀਂ ਹੁੰਦਾ। ਜਿਸ ਧੀ ਦਾ ਪਿਤਾ  ਅਰਬਪਤੀ ਹੋਵੇ, ਦੂਜੀਆਂ ਔਰਤਾਂ ਕਾਰਨ ਧੀ ਦੀ ਜ਼ਿੰਦਗੀ ਬਰਬਾਦ ਕਰ ਰਿਹਾ ਸੀ। ਉਹ ਦੂਜੀ ਔਰਤ ਦੇ ਬੱਚਿਆਂ ਨੂੰ ਵੱਡੇ ਸਕੂਲਾਂ ਵਿੱਚ ਪੜ੍ਹਾ ਰਿਹਾ ਹੈ। ਉਹ ਕੁਝ ਔਰਤਾਂ ਨੂੰ ਲੱਖਾਂ ਦੀਆਂ ਬਿਜ਼ਨਸ ਕਲਾਸ ਫਲਾਈਟਾਂ 'ਤੇ ਲੈ ਜਾ ਰਿਹਾ ਹੈ ਪਰ ਆਪਣੀ ਧੀ ਦੀ ਸਿੱਖਿਆ ਲਈ ਪੈਸੇ ਖਰਚ ਨਹੀਂ ਕਰ ਰਿਹਾ ਸੀ। ਅੱਲ੍ਹਾ ਦਾ ਸ਼ੁਕਰ ਹੈ ਕਿ ਦੇਸ਼ ਵਿੱਚ ਕਾਨੂੰਨ ਹੈ, ਨਹੀਂ ਤਾਂ ਪਤਾ ਨਹੀਂ ਸਾਡੇ ਨਾਲ ਕੀ ਹੁੰਦਾ।

ਸ਼ੰਮੀ ਦਿੰਦੇ ਹਨ 4 ਲੱਖ ਰੁਪਏ

ਤੁਹਾਨੂੰ ਦੱਸ ਦੇਈਏ ਕਿ ਮੁਹੰਮਦ ਸ਼ਮੀ ਹਰ ਮਹੀਨੇ ਹਸੀਨ ਜਹਾਂ ਨੂੰ 4 ਲੱਖ ਰੁਪਏ ਦਿੰਦੇ ਹਨ। ਕਲਕੱਤਾ ਹਾਈ ਕੋਰਟ ਦੇ ਹੁਕਮਾਂ ਅਨੁਸਾਰ, ਇਸ ਭੱਤੇ ਵਿੱਚੋਂ ਧੀ ਲਈ 2.5 ਲੱਖ ਰੁਪਏ ਅਤੇ ਹਸੀਨ ਜਹਾਂ ਲਈ 1.5 ਲੱਖ ਰੁਪਏ ਤੈਅ ਕੀਤੇ ਗਏ ਹਨ। ਹਾਲਾਂਕਿ, ਹਸੀਨ ਜਹਾਂ ਨੇ ਕਿਹਾ ਕਿ ਇਹ ਰਕਮ ਘੱਟ ਹੈ। ਉਨ੍ਹਾਂ ਦੇ ਅਨੁਸਾਰ, ਮਹਿੰਗਾਈ ਜ਼ਿਆਦਾ ਹੈ ਅਤੇ ਇਸ ਲਈ ਇਹ ਰਕਮ ਘੱਟ ਹੈ। ਹਸੀਨ ਜਹਾਂ ਨੇ 10 ਲੱਖ ਰੁਪਏ ਦੀ ਮੰਗ ਕੀਤੀ ਸੀ।