ਮਹਿੰਗੀਆਂ ਗੱਡੀਆਂ ਤੇ ਕਰੋੜਾਂ ਦੀਆਂ ਘੜੀਆਂ ! ਪੂਰੀ ਸ਼ਾਹੀ ਜ਼ਿੰਦਗੀ ਜਿਊਂਦੈ ਪੰਡਯਾ, ਜਾਣੋ ਕਿੰਨੀ ਹੈ ਨੈੱਟਵਰਥ

ਸਪੋਰਟਸ ਡੈਸਕ- ਭਾਰਤੀ ਆਲਰਾਊਂਡਰ ਹਾਰਦਿਕ ਪੰਡਯਾ ਨਾ ਸਿਰਫ਼ ਮੈਦਾਨ 'ਤੇ ਧਮਾਲ ਮਚਾਉਂਦੇ ਹਨ, ਸਗੋਂ ਆਪਣੀ ਸ਼ਾਨਦਾਰ ਕਮਾਈ ਅਤੇ ਲਗਜ਼ਰੀ ਲਾਈਫਸਟਾਈਲ ਲਈ ਵੀ ਚਰਚਾ ਵਿੱਚ ਰਹਿੰਦੇ ਹਨ। ਮੀਡੀਆ ਰਿਪੋਰਟਾਂ ਅਨੁਸਾਰ, ਉਨ੍ਹਾਂ ਦੀ ਕੁੱਲ ਨੈੱਟ ਵਰਥ (ਸੰਪਤੀ) ਲਗਭਗ 90–95 ਕਰੋੜ ਦੇ ਵਿਚਕਾਰ ਦੱਸੀ ਜਾਂਦੀ ਹੈ। ਪੰਡਯਾ ਦੀ ਆਰਥਿਕ ਸਥਿਤੀ ਬੀ.ਸੀ.ਸੀ.ਆਈ. ਦੀ ਤਨਖਾਹ, ਆਈ.ਪੀ.ਐੱਲ. ਕੰਟਰੈਕਟ, ਬ੍ਰਾਂਡ ਡੀਲਜ਼ ਅਤੇ ਮਹਿੰਗੀਆਂ ਕਾਰਾਂ ਤੋਂ ਮਜ਼ਬੂਤ ਹੋਈ ਹੈ।

ਕਮਾਈ ਦੇ ਮੁੱਖ ਸਰੋਤ 
BCCI ਕੰਟਰੈਕਟ ਤੋਂ ਕਮਾਈ
• ਹਾਰਦਿਕ ਪੰਡਯਾ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੇ ਗ੍ਰੇਡ-ਏ (Grade A) ਕੰਟਰੈਕਟ ਵਿੱਚ ਸ਼ਾਮਲ ਹਨ।
• ਇਸ ਕੰਟਰੈਕਟ ਦੇ ਤਹਿਤ, ਉਨ੍ਹਾਂ ਨੂੰ ਸਾਲਾਨਾ 5 ਕਰੋੜ ਰੁਪਏ ਮਿਲਦੇ ਹਨ।
• ਇਸ ਤੋਂ ਇਲਾਵਾ, ਹਰ ਮੈਚ ਖੇਡਣ 'ਤੇ ਉਨ੍ਹਾਂ ਨੂੰ ਵੱਖਰੇ ਤੌਰ 'ਤੇ ਮੈਚ ਫੀਸ ਵੀ ਮਿਲਦੀ ਹੈ, ਭਾਵੇਂ ਉਹ ਟੈਸਟ, ਵਨਡੇ ਜਾਂ ਟੀ-20 ਹੋਵੇ। ਕਿਉਂਕਿ ਪੰਡਯਾ ਮੁੱਖ ਤੌਰ 'ਤੇ ਟੀ-20 ਅਤੇ ਵਨਡੇ ਫਾਰਮੈਟਾਂ ਵਿੱਚ ਸਰਗਰਮ ਹਨ, ਇਸ ਲਈ ਆਮਦਨੀ ਦਾ ਵੱਡਾ ਹਿੱਸਾ ਇਨ੍ਹਾਂ ਫਾਰਮੈਟਾਂ ਤੋਂ ਆਉਂਦਾ ਹੈ।

IPL ਤੋਂ ਕਮਾਈ
• IPL ਪੰਡਯਾ ਲਈ ਕਮਾਈ ਦਾ ਇੱਕ ਬਹੁਤ ਮਹੱਤਵਪੂਰਨ ਸਰੋਤ ਹੈ।
• ਸਾਲ 2025 ਵਿੱਚ, ਮੁੰਬਈ ਇੰਡੀਅਨਜ਼ ਨੇ ਉਨ੍ਹਾਂ ਨੂੰ 16.35 ਕਰੋੜ ਰੁਪਏ ਵਿੱਚ ਰਿਟੇਨ ਕੀਤਾ ਸੀ ਅਤੇ ਉਨ੍ਹਾਂ ਨੂੰ ਕਪਤਾਨ ਵੀ ਬਣਾਇਆ ਸੀ। ਪਿਛਲੇ ਸੀਜ਼ਨਾਂ ਵਿੱਚ ਉਹ ਗੁਜਰਾਤ ਟਾਈਟਨਸ ਦੇ ਕਪਤਾਨ ਵੀ ਰਹੇ ਸਨ।

ਬ੍ਰਾਂਡ ਐਂਡੋਰਸਮੈਂਟ ਤੋਂ ਕਮਾਈ
• ਕ੍ਰਿਕਟ ਤੋਂ ਇਲਾਵਾ, ਹਾਰਦਿਕ ਪੰਡਯਾ ਨੇ ਬ੍ਰਾਂਡ ਐਂਡੋਰਸਮੈਂਟਸ ਰਾਹੀਂ ਆਪਣੀ ਆਮਦਨੀ ਵਧਾਈ ਹੈ।
• ਉਹ BOAT, Dream11, Hyundai, Van Heusen ਵਰਗੇ ਵੱਡੇ ਬ੍ਰਾਂਡਾਂ ਦੇ ਪ੍ਰਚਾਰ ਵਿੱਚ ਹਿੱਸਾ ਲੈ ਚੁੱਕੇ ਹਨ।
• ਰਿਪੋਰਟਾਂ ਅਨੁਸਾਰ, ਹਰੇਕ ਐਂਡੋਰਸਮੈਂਟ ਤੋਂ ਉਨ੍ਹਾਂ ਨੂੰ ਲਗਭਗ 2-3 ਕਰੋੜ ਰੁਪਏ ਮਿਲਦੇ ਹਨ।
• ਹਾਰਦਿਕ ਨੇ ਕਈ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਵੀ ਹਿੱਸੇਦਾਰੀ ਲਈ ਹੈ।
ਪੰਡਯਾ ਦਾ ਲਗਜ਼ਰੀ ਲਾਈਫਸਟਾਈਲ ਅਤੇ ਨਿਵੇਸ਼

ਸੰਪਤੀ ਅਤੇ ਨਿਵੇਸ਼
• ਪੰਡਯਾ ਕੋਲ ਮੁੰਬਈ ਵਿੱਚ ਲਗਭਗ 30 ਕਰੋੜ ਰੁਪਏ ਦਾ ਇੱਕ ਅਪਾਰਟਮੈਂਟ ਹੈ।
• ਰਿਪੋਰਟਾਂ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਉਨ੍ਹਾਂ ਕੋਲ ਵਡੋਦਰਾ ਵਿੱਚ ਇੱਕ ਪੈਂਟਹਾਊਸ ਅਤੇ ਬਾਂਦਰਾ ਵਿੱਚ ਇੱਕ ਅਪਾਰਟਮੈਂਟ ਵੀ ਹੈ।

ਕਾਰਾਂ ਦਾ ਕਲੈਕਸ਼ਨ
ਹਾਰਦਿਕ ਪੰਡਯਾ ਚਾਰ ਸ਼ਾਨਦਾਰ ਕਾਰਾਂ ਦੇ ਮਾਲਕ ਹਨ:
1. ਰੋਲਸ-ਰਾਇਸ (Rolls-Royce)
2. ਮਰਸਡੀਜ਼-AMG G63 (Mercedes-AMG G63)
3. ਰੇਂਜ ਰੋਵਰ ਵੋਗ (Range Rover Vogue)
4. ਪੋਰਸ਼ ਕੇਯੇਨ (Porsche Cayenne)

ਸ਼ਾਨਦਾਰ ਘੜੀਆਂ ਦਾ ਸ਼ੌਕ
ਹਾਰਦਿਕ ਨੂੰ ਘੜੀਆਂ ਦਾ ਬਹੁਤ ਸ਼ੌਕ ਹੈ। ਉਨ੍ਹਾਂ ਦੇ ਕਲੈਕਸ਼ਨ ਵਿੱਚ ਸ਼ਾਮਲ ਹਨ:
• ਰਿਸ਼ਾਰਡ ਮਿਲ RM 56-03 ਬਲੂ ਸਫਾਇਰ (Risha Mill RM 56-03 Blue Sapphire) ਜੋ ਲਗਭਗ 50 ਕਰੋੜ ਰੁਪਏ ਦੀ ਹੈ।
• ਰੋਲੇਕਸ ਡੇਟੋਨਾ (Rolex Daytona) ਦੀ ਘੜੀ।