ਭਾਰਤ ਖਿਲਾਫ ਗੇਂਦਬਾਜ਼ੀ ''ਚ ਗ੍ਰੀਨ ਅਤੇ ਮਾਰਸ਼ ਨੂੰ ਜ਼ਿਆਦਾ ਜ਼ਿੰਮੇਵਾਰੀ ਨਿਭਾਉਣੀ ਪਵੇਗੀ : ਕਮਿੰਸ

ਮੈਲਬੌਰਨ, (ਭਾਸ਼ਾ) ਆਸਟ੍ਰੇਲੀਆ ਦੇ ਟੈਸਟ ਕਪਤਾਨ ਪੈਟ ਕਮਿੰਸ ਨੂੰ ਉਮੀਦ ਹੈ ਕਿ ਇਸ ਸਾਲ ਦੇ ਅੰਤ ਵਿਚ ਹੋਣ ਵਾਲੀ ਬਾਰਡਰ-ਗਾਵਸਕਰ ਟਰਾਫੀ ਟੈਸਟ ਸੀਰੀਜ਼ ਦੌਰਾਨ ਹਰਫਨਮੌਲਾ ਕੈਮਰੂਨ ਗ੍ਰੀਨ ਅਤੇ ਮਿਸ਼ੇਲ ਮਾਰਸ਼ ਗੇਂਦਬਾਜ਼ੀ ਦੀ ਜ਼ਿਆਦਾ ਜ਼ਿੰਮੇਵਾਰੀ ਸੰਭਾਲਣਗੇ। ਕਮਿੰਸ ਚਾਹੁੰਦੇ ਹਨ ਕਿ ਇਹ ਦੋਵੇਂ ਆਲਰਾਊਂਡਰ ਨਵੰਬਰ 'ਚ ਸ਼ੁਰੂ ਹੋਣ ਵਾਲੀ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ 'ਚ ਟੀਮ ਦੇ ਪ੍ਰਮੁੱਖ ਤੇਜ਼ ਗੇਂਦਬਾਜ਼ਾਂ ਦੇ ਕੰਮ ਦਾ ਬੋਝ ਸਾਂਝਾ ਕਰਨ। 

ਕਮਿੰਸ ਨੇ ਇੱਥੇ ਇੱਕ ਈਵੈਂਟ ਦੌਰਾਨ ਕਿਹਾ, “ਟੀਮ ਵਿੱਚ ਇੱਕ ਆਲਰਾਊਂਡਰ ਦਾ ਹੋਣਾ ਫਾਇਦੇਮੰਦ ਹੁੰਦਾ ਹੈ। ਸਾਲਾਂ ਦੌਰਾਨ ਅਸੀਂ ਉਨ੍ਹਾਂ ਦੀ ਓਨੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹੋਏ ਜਿੰਨਾ ਅਸੀਂ ਸੋਚਿਆ ਸੀ।।'' ਉਨ੍ਹਾਂ ਕਿਹਾ, ''ਪਰ ਇਸ ਗਰਮੀ ਦੇ ਸੈਸ਼ਨ ਵਿੱਚ ਕੁਝ ਵੱਖਰਾ ਹੋ ਸਕਦਾ ਹੈ। ਅਸੀਂ ਗੇਂਦਬਾਜ਼ੀ 'ਚ ਗ੍ਰੀਨ ਅਤੇ ਮਾਰਸ਼ ਨੂੰ ਥੋੜ੍ਹੀ ਜ਼ਿਆਦਾ ਜ਼ਿੰਮੇਵਾਰੀ ਦੇ ਸਕਦੇ ਹਾਂ, ਆਸਟ੍ਰੇਲੀਆ ਦੇ ਕਪਤਾਨ ਨੇ ਕਿਹਾ, 'ਗ੍ਰੀਨ ਵਰਗੇ ਖਿਡਾਰੀ ਨੇ ਸ਼ੀਲਡ ਕ੍ਰਿਕਟ 'ਚ ਗੇਂਦਬਾਜ਼ ਦੇ ਤੌਰ 'ਤੇ ਸ਼ੁਰੂਆਤ ਕੀਤੀ ਸੀ, ਪਰ ਉਸ ਨੂੰ ਟੈਸਟ ਮੈਚਾਂ 'ਚ ਜ਼ਿਆਦਾ ਗੇਂਦਬਾਜ਼ੀ ਨਹੀਂ ਕਰਨੀ ਪਈ। ਹੁਣ ਉਹ ਪਹਿਲਾਂ ਨਾਲੋਂ ਜ਼ਿਆਦਾ ਸਿਆਣਾ ਹੋ ਗਿਆ ਹੈ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਉਸ 'ਤੇ ਥੋੜ੍ਹਾ ਹੋਰ ਨਿਰਭਰ ਕਰਾਂਗੇ।'' 

25 ਸਾਲਾ ਗ੍ਰੀਨ ਨੇ ਹੁਣ ਤੱਕ ਆਪਣੇ ਕਰੀਅਰ 'ਚ 28 ਟੈਸਟ ਮੈਚਾਂ 'ਚ 35.31 ਦੀ ਔਸਤ ਨਾਲ 35 ਵਿਕਟਾਂ ਹਾਸਲ ਕੀਤੀਆਂ ਹਨ। ਕਮਿੰਸ ਨੇ ਕਿਹਾ, "ਪਹਿਲਾ ਮੁੱਦਾ ਇਹ ਹੈ ਕਿ ਕੀ ਉਹ (ਗ੍ਰੀਨ ਅਤੇ ਮਾਰਸ਼) ਦੋਵੇਂ ਇਕੱਲੇ ਆਪਣੀ ਬੱਲੇਬਾਜ਼ੀ ਦੇ ਆਧਾਰ 'ਤੇ ਸਿਖਰਲੇ ਛੇ 'ਚ ਥਾਂ ਬਣਾਉਂਦੇ ਹਨ ਜਾਂ ਨਹੀਂ।' ਲਿਓਨ ਵਰਗਾ ਗੇਂਦਬਾਜ਼ ਹੈ ਜਿਸ ਨਾਲ ਅਸੀਂ ਕਈ ਓਵਰ ਸੁੱਟ ਸਕਦੇ ਹਾਂ।" ਅਜਿਹੇ 'ਚ ਜ਼ਰੂਰੀ ਨਹੀਂ ਹੈ ਕਿ ਤੁਹਾਡੇ ਕੋਲ ਆਲਰਾਊਂਡਰ ਹੋਵੇ, ਪਰ ਪੰਜਵਾਂ ਗੇਂਦਬਾਜ਼ੀ ਵਿਕਲਪ ਹੋਣ ਨਾਲ ਵੱਡਾ ਫਰਕ ਪੈਂਦਾ ਹੈ। ਕਮਿੰਸ ਨੇ ਕਿਹਾ, ''ਸਾਡੇ ਕੋਲ ਗ੍ਰੀਨ ਅਤੇ ਮਾਰਸ਼ ਦੇ ਰੂਪ 'ਚ ਗੇਂਦਬਾਜ਼ੀ ਦੇ ਛੇ ਵਿਕਲਪ ਹਨ। ਇਹ ਚੰਗੀ ਗੱਲ ਹੈ ਪਰ ਬੱਲੇਬਾਜ਼ੀ 'ਚ ਚੋਟੀ ਦੇ ਛੇ ਬੱਲੇਬਾਜ਼ਾਂ ਨੂੰ ਆਪਣੀ ਬੱਲੇਬਾਜ਼ੀ ਦੇ ਆਧਾਰ 'ਤੇ ਹੀ ਟੀਮ 'ਚ ਜਗ੍ਹਾ ਬਣਾਉਣੀ ਚਾਹੀਦੀ ਹੈ।''