ਫਾਰੀਆ ਨੂੰ ਹਰਾ ਕੇ ਆਸਟ੍ਰੇਲੀਅਨ ਓਪਨ ਦੇ ਤੀਜੇ ਦੌਰ ਵਿੱਚ ਪਹੁੰਚੇ ਜੋਕੋਵਿਚ

ਮੈਲਬੌਰਨ- ਸਰਬੀਆਈ ਟੈਨਿਸ ਦਿੱਗਜ ਨੋਵਾਕ ਜੋਕੋਵਿਚ ਨੇ ਬੁੱਧਵਾਰ ਨੂੰ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਪੁਰਤਗਾਲ ਦੇ ਜੈਮੇ ਫਾਰੀਆ ਨੂੰ ਹਰਾ ਕੇ ਆਸਟ੍ਰੇਲੀਅਨ ਓਪਨ ਦੇ ਤੀਜੇ ਦੌਰ ਵਿੱਚ ਪ੍ਰਵੇਸ਼ ਕੀਤਾ। ਸਰਬੀਆਈ ਸਟਾਰ ਟੈਨਿਸ ਖਿਡਾਰੀ ਨੇ ਅੱਜ ਇੱਥੇ ਰਾਡ ਲੇਵਰ ਅਰੇਨਾ ਵਿੱਚ ਤਿੰਨ ਘੰਟੇ ਚੱਲੇ ਮੈਚ ਵਿੱਚ ਫਾਰੀਆ ਨੂੰ 6-1, 6-7, 6-3, 6-2 ਨਾਲ ਹਰਾਇਆ। ਫਾਰੀਆ ਨੇ ਮੈਚ ਦੌਰਾਨ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ ਅਤੇ ਜੋਕੋਵਿਚ ਨੂੰ ਕਈ ਵਾਰ ਮੁਸ਼ਕਲ ਵਿੱਚ ਪਾਇਆ। ਜੋਕੋਵਿਚ ਦਾ ਸਾਹਮਣਾ ਤੀਜੇ ਦੌਰ ਵਿੱਚ ਚੈੱਕ ਗਣਰਾਜ ਦੇ ਟੋਮਸ ਮਾਚਾਕ ਨਾਲ ਹੋਵੇਗਾ।