ਕ੍ਰਿਸ ਲਿਨ ਨੇ ਖੇਡੀ ਧਮਾਕੇਦਾਰ ਪਾਰੀ, 55 ਗੇਂਦਾਂ 'ਚ ਬਣਾਈਆਂ 154 ਦੌੜਾਂ

ਮੈਲਬੋਰਨ- ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.)-13 ਸੈਸ਼ਨ ਖਤਮ ਹੋ ਗਿਆ ਹੈ। ਮੁੰਬਈ ਇੰਡੀਅਨ ਦੀ ਟੀਮ ਖਿਤਾਬ ਜਿੱਤ ਚੁੱਕੀ ਹੈ ਪਰ ਫਿਰ ਵੀ ਮੁੰਬਈ ਦੀ ਟੀਮ ਨੇ ਆਸਟਰੇਲੀਆ ਦੇ ਦਿੱਗਜ ਬੱਲੇਬਾਜ਼ ਕ੍ਰਿਸ ਲਿਨ ਨੂੰ ਪਲੇਇੰਗ ਇਲੈਵਨ 'ਚ ਮੌਕਾ ਨਹੀਂ ਦਿੱਤਾ ਪਰ ਉਸ ਨੇ ਹੁਣ ਆਸਟਰੇਲੀਆ 'ਚ ਕਵੀਂਸਲੈਂਡ ਪ੍ਰੀਮੀਅਰ ਕ੍ਰਿਕਟ ਟੀ-20 ਦੇ ਇਕ ਮੈਚ 'ਚ ਸਿਰਫ 55 ਗੇਂਦਾਂ 'ਤੇ 154 ਦੌੜਾਂ ਬਣਾਈਆਂ। ਇਸ ਪਾਰੀ 'ਚ ਉਸ ਨੇ 20 ਧਮਾਕੇਦਾਰ ਛੱਕੇ ਵੀ ਲਗਾਏ ਤੇ 5 ਚੌਕੇ ਲਗਾਏ। ਕ੍ਰਿਸ ਲਿਨ ਨੇ ਆਖਰੀ 115 ਦੌੜਾਂ ਸਿਰਫ 34 ਗੇਂਦਾਂ 'ਚ ਬਣਾਈਆਂ ਤੇ ਸਿਰਫ 38 ਗੇਂਦਾਂ 'ਚ ਸੈਂਕੜਾ ਲਗਾਇਆ।

Chris Lynn out of quarantine with 154 from 55 balls vs Sunshine Coast. #SeeingItWell pic.twitter.com/t5EkYROA1q

— Michael Crutcher (@MJCrutcher) November 29, 2020

ਲਿਨ ਦੀ ਇਸ ਪਾਰੀ ਦੇ ਦਮ 'ਤੇ ਉਸਦੀ ਟੀਮ ਟੂਮਬੁਲ ਨੇ 20 ਓਵਰਾਂ 'ਚ 6 ਵਿਕਟਾਂ 'ਤੇ 226 ਦੌੜਾਂ ਬਣਾਈਆਂ। ਲਿਨ ਨੇ ਇਹ ਦੌੜਾਂ 338 ਤੋਂ ਜ਼ਿਆਦਾ ਸਟ੍ਰਾਈਕ ਨਾਲ ਬਣਾਈਆਂ ਹਨ।