ਚੈਂਪੀਅਨ ਖਿਡਾਰੀ ਨੇ ਲਿਆ ਸੰਨਿਆਸ ! ਭਾਵੁਕ ਵੀਡੀਓ ਸੰਦੇਸ਼ ਜਾਰੀ ਕਰ ਲਿਆ ਫੈਸਲਾ

ਸਪੋਰਟਸ ਡੈਸਕ : ਬੈਡਮਿੰਟਨ ਜਗਤ ਦੀ ਦਿੱਗਜ ਖਿਡਾਰਨ ਤੇ ਸਪੇਨ ਦੀ ਸਟਾਰ ਕੈਰੋਲੀਨਾ ਮਾਰਿਨ ਨੇ 15 ਸਾਲਾਂ ਦੇ ਸ਼ਾਨਦਾਰ ਕਰੀਅਰ ਤੋਂ ਬਾਅਦ ਪੇਸ਼ੇਵਰ ਬੈਡਮਿੰਟਨ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। 32 ਸਾਲਾ ਮਾਰਿਨ ਨੇ ਇੱਕ ਭਾਵੁਕ ਵੀਡੀਓ ਸੰਦੇਸ਼ ਰਾਹੀਂ ਦੱਸਿਆ ਕਿ ਲਗਾਤਾਰ ਲੱਗ ਰਹੀਆਂ ਘੁਟਨੇ ਦੀਆਂ ਸੱਟਾਂ ਕਾਰਨ ਉਨ੍ਹਾਂ ਨੂੰ ਇਹ ਔਖਾ ਫੈਸਲਾ ਲੈਣਾ ਪਿਆ ਹੈ।
ਕੈਰੋਲੀਨਾ ਮਾਰਿਨ ਅਤੇ ਭਾਰਤੀ ਸਟਾਰ ਪੀ.ਵੀ. ਸਿੰਧੂ ਵਿਚਕਾਰ ਮੁਕਾਬਲਾ ਬੈਡਮਿੰਟਨ ਇਤਿਹਾਸ ਦੀਆਂ ਸਭ ਤੋਂ ਚਰਚਿਤ ਟੱਕਰਾਂ ਵਿੱਚੋਂ ਇੱਕ ਰਿਹਾ ਹੈ। 2016 ਦੀਆਂ ਰੀਓ ਓਲੰਪਿਕਸ ਦੇ ਫਾਈਨਲ ਵਿੱਚ ਮਾਰਿਨ ਨੇ ਸਿੰਧੂ ਨੂੰ ਹਰਾ ਕੇ ਸੋਨ ਤਮਗਾ ਜਿੱਤਿਆ ਸੀ। ਇਸ ਜਿੱਤ ਨਾਲ ਉਹ ਬੈਡਮਿੰਟਨ ਮਹਿਲਾ ਸਿੰਗਲਜ਼ ਵਿੱਚ ਓਲੰਪਿਕ ਗੋਲਡ ਜਿੱਤਣ ਵਾਲੀ ਪਹਿਲੀ ਗੈਰ-ਏਸ਼ੀਆਈ ਖਿਡਾਰਨ ਬਣੀ ਸੀ।

ਉਪਲਬਧੀਆਂ ਨਾਲ ਭਰਿਆ ਕਰੀਅਰ
 ਮਾਰਿਨ ਦਾ ਕਰੀਅਰ ਬੇਮਿਸਾਲ ਸਫਲਤਾਵਾਂ ਦਾ ਪ੍ਰਤੀਕ ਰਿਹਾ ਹੈ:
•ਉਹ 3 ਵਾਰ ਵਿਸ਼ਵ ਚੈਂਪੀਅਨ (2014, 2015, 2018) ਬਣੀ।
•ਉਨ੍ਹਾਂ ਨੇ 7 ਵਾਰ ਯੂਰਪੀਅਨ ਚੈਂਪੀਅਨਸ਼ਿਪ ਦਾ ਖਿਤਾਬ ਆਪਣੇ ਨਾਮ ਕੀਤਾ।
•ਮਾਰਿਨ 66 ਹਫਤਿਆਂ ਤੱਕ ਵਿਸ਼ਵ ਦੀ ਨੰਬਰ-1 ਖਿਡਾਰਨ ਰਹੀ।

ਸੱਟ ਕਾਰਨ ਅਧੂਰਾ ਰਿਹਾ ਸਪਨਾ
 ਮਾਰਿਨ ਦੇ ਕਰੀਅਰ ਨੂੰ ਸਭ ਤੋਂ ਵੱਡਾ ਝਟਕਾ 2024 ਪੈਰਿਸ ਓਲੰਪਿਕ ਦੇ ਸੈਮੀਫਾਈਨਲ ਦੌਰਾਨ ਲੱਗੀ ACL ਸੱਟ ਕਾਰਨ ਲੱਗਿਆ, ਜਿਸ ਕਾਰਨ ਉਹ ਲੰਬੇ ਸਮੇਂ ਤੱਕ ਕੋਰਟ ਤੋਂ ਦੂਰ ਰਹੀ। ਉਹ ਆਪਣਾ ਆਖਰੀ ਮੁਕਾਬਲਾ ਆਪਣੇ ਹੋਮਟਾਊਨ ਹਿਊਏਲਵਾ ਵਿੱਚ ਹੋਣ ਵਾਲੀ ਯੂਰਪੀਅਨ ਚੈਂਪੀਅਨਸ਼ਿਪ ਵਿੱਚ ਖੇਡਣਾ ਚਾਹੁੰਦੀ ਸੀ, ਪਰ ਸਿਹਤ ਅਤੇ ਫਿਟਨੈਸ ਕਾਰਨ ਉਨ੍ਹਾਂ ਦਾ ਇਹ ਸਪਨਾ ਅਧੂਰਾ ਰਹਿ ਗਿਆ। ਉਨ੍ਹਾਂ ਨੇ ਭਾਵੁਕ ਹੁੰਦਿਆਂ ਕਿਹਾ, "ਮੈਂ ਚਾਹੁੰਦੀ ਸੀ ਕਿ ਮੇਰਾ ਕਰੀਅਰ ਕਿਸੇ ਹੋਰ ਤਰ੍ਹਾਂ ਖਤਮ ਹੋਵੇ, ਪਰ ਜ਼ਿੰਦਗੀ ਹਮੇਸ਼ਾ ਉਸੀ ਤਰ੍ਹਾਂ ਨਹੀਂ ਹੁੰਦੀ ਜਿਵੇਂ ਅਸੀਂ ਚਾਹੁੰਦੇ ਹਾਂ"।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e