ਟੀਮ ਇੰਡੀਆ ਨੂੰ ਵੱਡਾ ਝਟਕਾ, ਸਟਾਰ ਕ੍ਰਿਕਟਰ ਦੇ ਲੱਗੀ ਸੱਟ, ਇੰਗਲੈਂਡ ਦੌਰੇ ਤੋਂ ਬਾਹਰ ਹੋਣ ਦਾ ਖਤਰਾ

ਸਪੋਰਟਸ ਡੈਸਕ- ਟੀਮ ਇੰਡੀਆ ਨੇ ਇੰਗਲੈਂਡ ਵਿਰੁੱਧ ਪਹਿਲਾ ਵਨਡੇ ਮੈਚ 6 ਵਿਕਟਾਂ ਨਾਲ ਜਿੱਤਿਆ। ਇੰਗਲੈਂਡ ਦੌਰਾ ਹੁਣ ਤੱਕ ਟੀਮ ਇੰਡੀਆ ਲਈ ਮੁਸ਼ਕਲਾਂ ਭਰਿਆ ਰਿਹਾ ਹੈ। ਟੀਮ ਇੰਡੀਆ ਨੂੰ ਟੀ-20 ਸੀਰੀਜ਼ ਵਿੱਚ 4-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਦੋਂ ਕਿ ਦੌਰੇ ਦੌਰਾਨ ਕਈ ਮੁੱਖ ਖਿਡਾਰੀ ਜ਼ਖਮੀ ਹੋਏ ਸਨ। ਟੀ-20 ਸੀਰੀਜ਼ ਵਿੱਚ ਵਰੁਣ ਚੱਕਰਵਰਤੀ ਅਤੇ ਹਰਸ਼ਿਤ ਰਾਣਾ ਜ਼ਖਮੀ ਹੋ ਗਏ ਸਨ। ਇਸ ਕਾਰਨ ਰਾਣਾ ਦੀ ਜਗ੍ਹਾ ਪ੍ਰਿੰਸ ਯਾਦਵ ਨੂੰ ਵਨਡੇ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ। ਹੁਣ, ਗੁਰਨੂਰ ਬਰਾੜ ਦੀ ਸੱਟ ਨੇ ਟੀਮ ਇੰਡੀਆ ਦੀਆਂ ਚਿੰਤਾਵਾਂ ਨੂੰ ਵਧਾ ਦਿੱਤੀਆਂ ਹਨ।

ਗੁਰਨੂਰ ਬਰਾੜ ਪਹਿਲੇ ਵਨਡੇ ਵਿੱਚ ਜ਼ਖਮੀ
ਗੁਰਨੂਰ ਬਰਾੜ ਨੇ ਇੰਗਲੈਂਡ ਵਿਰੁੱਧ ਪਹਿਲੇ ਵਨਡੇ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਉਸਨੇ 9 ਓਵਰਾਂ ਵਿੱਚ 61 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। ਕਪਤਾਨ ਸ਼ੁਭਮਨ ਗਿੱਲ ਨੇ ਪਾਰੀ ਦੇ 48ਵੇਂ ਓਵਰ ਵਿੱਚ ਬਰਾੜ ਨੂੰ ਗੇਂਦ ਸੌਂਪੀ। ਹਾਲਾਂਕਿ, ਦੌੜਦੇ ਸਮੇਂ, ਉਸਨੂੰ ਆਪਣੀ ਲੱਤ ਵਿੱਚ ਸਮੱਸਿਆ ਆਈ ਅਤੇ ਤੁਰੰਤ ਡਰੈਸਿੰਗ ਰੂਮ ਵੱਲ ਚਲਾ ਗਿਆ। ਭਾਰਤੀ ਟੀਮ ਦੇ ਫਿਜ਼ੀਓ ਨੇ ਆ ਕੇ ਗੁਰਨੂਰ ਦੀ ਜਾਂਚ ਕੀਤੀ।

ਕੁਝ ਮਿੰਟਾਂ ਤਕ ਫਿਜ਼ੀਓ ਨੇ ਪਿੰਨੀ ਅਤੇ ਹੈਮਸਟ੍ਰਿੰਗ ਦੀ ਸਟ੍ਰੈਚਿੰਗ ਕਰ ਗੁਰਨੂਰ ਦੀ ਤਕਲੀਫ ਘੱਟ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਤੋਂ ਬਾਅਦ ਭਾਰਤੀ ਤੇਜ਼ ਗੇਂਦਬਾਜ਼ ਨੂੰ ਮੈਦਾਨ ਤੋਂ ਬਾਹਰ ਲਿਜਾਇਆ ਗਿਆ। ਅਕਸ਼ਰ ਪਟੇਲ ਨੇ ਉਨ੍ਹਾਂ ਦੀ ਜਗ੍ਹਾ 48ਵਾਂ ਓਵਰ ਸੁੱਟਿਆ। ਭਾਰਤੀ ਟੀਮ ਨੇ ਅਜੇ ਤੱਕ ਬਰਾੜ ਦੀ ਸੱਟ ਬਾਰੇ ਕੋਈ ਅਪਡੇਟ ਨਹੀਂ ਦਿੱਤੀ ਹੈ।

ਟੀਮ ਇੰਡੀਆ ਦੀ ਵਧੀ ਟੈਨਸ਼ਨ!
ਗੁਰਨੂਰ ਬਰਾੜ ਦੀ ਸੱਟ ਟੀਮ ਇੰਡੀਆ ਲਈ ਚੰਗੀ ਖ਼ਬਰ ਨਹੀਂ ਹੈ। ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਕਈ ਮੁੱਖ ਭਾਰਤੀ ਖਿਡਾਰੀ ਜ਼ਖਮੀ ਹੋਏ ਹਨ। ਹਰਸ਼ਿਤ ਰਾਣਾ, ਨਿਤੀਸ਼ ਕੁਮਾਰ ਰੈਡੀ ਅਤੇ ਹਾਰਦਿਕ ਪੰਡਯਾ ਸੱਟਾਂ ਕਾਰਨ ਪਹਿਲਾਂ ਹੀ ਇੰਗਲੈਂਡ ਵਿਰੁੱਧ ਵਨਡੇ ਸੀਰੀਜ਼ ਵਿੱਚ ਹਿੱਸਾ ਨਹੀਂ ਲੈ ਸਕੇ ਸਨ। ਗੁਰਨੂਰ ਦੀ ਸੱਟ ਵੀ ਟੀਮ ਇੰਡੀਆ ਦੇ ਤਣਾਅ ਵਿੱਚ ਵਾਧਾ ਕਰ ਸਕਦੀ ਹੈ, ਕਿਉਂਕਿ ਪੰਜਾਬ ਦੇ ਗੇਂਦਬਾਜ਼ ਨੇ ਆਪਣੇ ਡੈਬਿਊ ਤੋਂ ਬਾਅਦ ਲਗਾਤਾਰ ਪ੍ਰਭਾਵਿਤ ਕੀਤਾ ਹੈ। ਸੰਭਾਵਨਾ ਹੈ ਕਿ ਬਰਾੜ ਦੀ ਸੱਟ ਦੀ ਜਾਂਚ ਕੀਤੀ ਜਾਵੇਗੀ। ਇਹ ਨਿਰਧਾਰਤ ਕਰੇਗਾ ਕਿ ਉਹ ਅਗਲੇ ਦੋ ਮੈਚ ਖੇਡ ਸਕੇਗਾ ਜਾਂ ਸੀਰੀਜ਼ ਤੋਂ ਬਾਹਰ ਕਰ ਦਿੱਤਾ ਜਾਵੇਗਾ।