ਭਾਂਬਰੀ-ਗੈਲੋਵੇ ਦੀ ਜੋੜੀ ਬੌਸ ਓਪਨ ਤੋਂ ਬਾਹਰ

ਸਟਟਗਾਰਟ- ਭਾਰਤ ਦੇ ਨੰਬਰ ਇੱਕ ਡਬਲਜ਼ ਖਿਡਾਰੀ ਯੂਕੀ ਭਾਂਬਰੀ ਅਤੇ ਅਮਰੀਕਾ ਦੇ ਰਾਬਰਟ ਗੈਲੋਵੇ ਨੂੰ ਬੌਸ ਓਪਨ ਟੈਨਿਸ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਯੂਕੀ ਅਤੇ ਗੈਲੋਵੇ ਦੀ ਜੋੜੀ ਮੈਕਸੀਕੋ ਦੇ ਸੈਂਟੀਆਗੋ ਗੋਂਜ਼ਾਲੇਜ਼ ਅਤੇ ਅਮਰੀਕਾ ਦੇ ਆਸਟਿਨ ਕ੍ਰਾਜੀਸੇਕ ਤੋਂ 6-7, 6-7 ਨਾਲ ਹਾਰ ਗਈ। 

ਭਾਰਤ ਦੇ ਰੋਹਨ ਬੋਪੰਨਾ ਅਤੇ ਐਨ ਸ਼੍ਰੀਰਾਮ ਬਾਲਾਜੀ ਵੀ ਆਪਣੇ-ਆਪਣੇ ਸਾਥੀਆਂ ਨਾਲ ਇਹ ਟੂਰਨਾਮੈਂਟ ਖੇਡ ਰਹੇ ਹਨ। ਬਾਲਾਜੀ ਅਤੇ ਮੈਕਸੀਕੋ ਦੇ ਮਿਗੁਏਲ ਰੇਅਸ ਵਾਰੇਲਾ ਦਾ ਸਾਹਮਣਾ ਫਰਾਂਸ ਦੇ ਦੂਜੇ ਦਰਜੇ ਦੇ ਸਾਦੀਓ ਡੌਂਬੀਆ ਅਤੇ ਫੈਬੀਅਨ ਰੇਬੋਲ ਨਾਲ ਹੋਵੇਗਾ। ਦੂਜੇ ਪਾਸੇ, ਬੋਪੰਨਾ ਅਤੇ ਬੈਲਜੀਅਮ ਦੇ ਸੈਂਡਰ ਗਿਲਸ ਦਾ ਸਾਹਮਣਾ ਜਰਮਨੀ ਦੇ ਜੈਕਬ ਸ਼ਨਾਈਟਰ ਅਤੇ ਮਾਰਕ ਵਾਲਨਰ ਨਾਲ ਹੋਵੇਗਾ।