ਏਟੀਪੀ ਫਾਈਨਲਜ਼ : ਫ੍ਰਿਟਜ਼ ਦਾ ਸਾਹਮਣਾ ਫਾਈਨਲ ''ਚ ਸਿਨਰ ਨਾਲ

ਟੂਰਿਨ (ਇਟਲੀ)- ਅਮਰੀਕਾ ਦੇ ਟੇਲਰ ਫ੍ਰਿਟਜ਼ ਨੇ ਸ਼ਨੀਵਾਰ ਨੂੰ ਇੱਥੇ ਅਲੈਗਜ਼ੈਂਡਰ ਜ਼ਵੇਰੇਵ ਨੂੰ ਹਰਾ ਕੇ ਏਟੀਪੀ ਫਾਈਨਲਜ਼ ਟੈਨਿਸ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਥਾਂ ਬਣਾਈ। ਯੂਐਸ ਓਪਨ ਦੇ ਉਪ ਜੇਤੂ ਫਰਿਟਜ਼ ਨੇ ਸੈਮੀਫਾਈਨਲ ਵਿੱਚ ਜ਼ਵੇਰੇਵ ਨੂੰ ਤਿੰਨ ਸੈੱਟਾਂ ਵਿੱਚ 6-3, 3-6, 7-6 ਨਾਲ ਹਰਾਇਆ। 

ਐਤਵਾਰ ਨੂੰ ਹੋਣ ਵਾਲੇ ਫਾਈਨਲ 'ਚ ਫ੍ਰਿਟਜ਼ ਦਾ ਸਾਹਮਣਾ ਯਾਨਿਕ ਸਿੰਨਰ ਨਾਲ ਹੋਵੇਗਾ, ਜਿਸ ਦੇ ਖਿਲਾਫ ਉਸ ਨੂੰ ਯੂਐੱਸ ਓਪਨ ਦੇ ਫਾਈਨਲ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਸਿਨਰ ਨੇ ਦੂਜੇ ਸੈਮੀਫਾਈਨਲ ਵਿੱਚ ਕੈਸਪਰ ਰੂਡ ਦੇ ਖਿਲਾਫ ਸਿੱਧੇ ਸੈੱਟਾਂ ਵਿੱਚ 6-1, 6-2 ਨਾਲ ਆਰਾਮਦਾਇਕ ਜਿੱਤ ਦਰਜ ਕੀਤੀ। 2006 ਦੇ ਫਾਈਨਲ ਵਿੱਚ ਜੇਮਸ ਬਲੇਕ ਰੋਜਰ ਫੈਡਰਰ ਤੋਂ ਹਾਰਨ ਤੋਂ ਬਾਅਦ ਫਰਿਟਜ਼ ਇਸ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਪਹੁੰਚਣ ਵਾਲਾ ਪਹਿਲਾ ਅਮਰੀਕੀ ਖਿਡਾਰੀ ਹੈ। ਚੋਟੀ ਦੇ ਅੱਠ ਖਿਡਾਰੀਆਂ ਵਿਚਕਾਰ ਇਸ ਟੂਰਨਾਮੈਂਟ ਦਾ ਪਿਛਲਾ ਅਮਰੀਕੀ ਜੇਤੂ ਪੀਟ ਸੈਂਪਰਾਸ ਸੀ, ਜਿਸ ਨੇ 1999 ਵਿਚ ਹਮਵਤਨ ਆਂਦਰੇ ਅਗਾਸੀ ਨੂੰ ਹਰਾਇਆ ਸੀ।