CWC 2019 : ਮੈਚ ਹਾਰਨ ਤੋਂ ਬਾਅਦ ਵਿੰਡੀਜ਼ ਕਪਤਾਨ ਹੋਲਡਰ ਨੇ ਦਿੱਤਾ ਇਹ ਬਿਆਨ

ਸਪੋਰਟਸ ਡੈੱਕਸ— ਸ਼੍ਰੀਲੰਕਾ ਵਿਰੁੱਧ ਸੋਮਵਾਰ ਨੂੰ ਖੇਡੇ ਗਏ ਆਈ. ਸੀ. ਸੀ. ਵਿਸ਼ਵ ਕੱਪ ਮੈਚ ਦੇ ਦੌਰਾਨ ਵੈਸਟਇੰਡੀਜ਼ ਨੂੰ 23 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਮੈਚ ਤੋਂ ਬਾਅਦ ਵੈਸਟਇੰਡੀਜ਼ ਦੇ ਕਪਤਾਨ ਜੇਸਨ ਹੋਲਡਰ ਨੇ ਕਿਹਾ ਕਿ ਅਸੀਂ ਵਧੀਆ ਸਥਿਤੀ 'ਚ ਸੀ ਪਰ ਫੀਲਡਿੰਗ ਦੇ ਦੌਰਾਨ 30 ਤੋਂ 40 ਦੌੜਾਂ ਜ਼ਿਆਦਾ ਦੇ ਦਿੱਤੀਆਂ। ਇਸ ਤਰ੍ਹਾਂ ਨਾਲ ਫਾਰਮੈੱਟ 'ਚ ਇਹ ਗੱਲ ਮਾਈਨੇ ਰੱਖਦੀ ਹੈ। ਸਾਨੂੰ ਇਸ ਤੋਂ ਵਧੀਆ ਪ੍ਰਦਰਸ਼ਨ ਕਰਨਾ ਹੋਵੇਗਾ।

ਕਪਤਾਨ ਹੋਲਡਰ ਨੇ ਕਿਹਾ ਕਿ ਗਰਾਊਂਡ ਗਿੱਲਾ ਹੋਣ ਦੀ ਵਜ੍ਹਾ ਕਾਰਨ ਅਸੀਂ ਜ਼ਿਆਦਾ ਦੌੜਾਂ ਦਿੱਤੀਆਂ। ਉਨ੍ਹਾਂ ਨੇ ਕਿਹਾ ਕਿ ਇਹ ਟੀਚਾ ਜ਼ਿਆਦਾ ਵੱਡਾ ਸੀ। ਫ੍ਰੀ-ਸਕੋਰਿੰਗ ਵਿਕਟ ਸੀ, ਥੋੜਾ ਧੀਮਾ ਸੀ ਪਰ ਫਿਰ ਵੀ ਸਟ੍ਰੋਕਪਲੇ ਦੇ ਲਈ ਇਕ ਵਧੀਆ ਟ੍ਰੈਕ ਸੀ। ਸ਼੍ਰੀਲੰਕਾਈ ਖਿਡਾਰੀ ਅਵਿਸ਼ਕਾ ਫਰਨਾਂਡੋ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਉਸ ਨੇ ਵਧੀਆ ਖੇਡ ਖੇਡਿਆ। ਹਾਲਾਂਕਿ ਸੈਂਕੜੇ ਵਾਲੀ ਪਾਰੀ ਖੇਡਣ ਦੇ ਲਈ ਉਹ ਪੂਰਨ ਦੀ ਸ਼ਲਾਘਾ ਕਰਨ ਤੋਂ ਵੀ ਪਿੱਛੇ ਨਹੀਂ ਰਹੇ। ਹੋਲਡਰ ਨੇ ਕਿਹਾ ਕਿ ਅਸੀਂ ਟੀਚੇ ਨੂੰ ਹਾਸਲ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ ਪਰ ਫੀਲਡਿੰਗ ਦੇ ਦੌਰਾਨ 30 ਤੋਂ 40 ਦੌੜਾਂ ਜ਼ਿਆਦਾ ਦੇ ਦਿੱਤੀਆਂ। ਅਸੀਂ ਵਧੀਆ ਸਥਿਤੀ 'ਚ ਸੀ ਪਰ ਆਖਰ 'ਚ ਸਭ ਕੁਝ ਖਰਾਬ ਹੋ ਗਿਆ ਤੇ ਮੈਚ ਸ਼੍ਰੀਲੰਕਾ ਦੀ ਝੋਲੀ 'ਚ ਚੱਲ ਗਿਆ। 

ਜ਼ਿਕਰਯੋਗ ਹੈ ਕਿ ਬੱਲੇਬਾਜ਼ ਅਵਿਸ਼ਕਾ ਫਰਨਾਂਡੋ ਦੇ ਕਰੀਅਰ ਦੇ ਪਹਿਲੇ ਸੈਂਕੜੇ ਤੋਂ ਬਾਅਦ ਵਿਰੋਧੀ ਹਾਲਾਤ ਵਿਚ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸ਼੍ਰੀਲੰਕਾ ਨੇ ਨਿਕੋਲਸ ਪੂਰਣ ਦੇ ਸੈਂਕੜੇ 'ਤੇ ਪਾਣੀ ਫੇਰਦੇ ਹੋਏ ਵਿਸ਼ਵ ਕੱਪ ਲੀਗ ਮੈਚ ਵਿਚ ਸੋਮਵਾਰ ਨੂੰ ਇੱਥੇ ਵੈਸਟਇੰਡੀਜ਼ ਨੂੰ 23 ਦੌੜਾਂ ਨਾਲ ਹਰਾ ਦਿੱਤਾ ਤੇ ਨਾਲ ਹੀ ਸੈਮੀਫਾਈਨਲ ਵਿਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਬਰਕਰਾਰ ਰੱਖਿਆ। ਸ਼੍ਰੀਲੰਕਾ ਦੀ 8 ਮੈਚਾਂ ਵਿਚੋਂ ਇਹ ਤੀਜੀ ਜਿੱਤ ਹੈ ਤੇ ਉਸਦੇ 8 ਅੰਕ ਹੋ ਗਏ ਹਨ। ਸ਼੍ਰੀਲੰਕਾ ਨੂੰ ਹੁਣ ਆਪਣਾ ਆਖਰੀ ਮੈਚ ਭਾਰਤ ਨਾਲ ਖੇਡਣਾ ਹੈ ਤੇ ਉਸ ਨੂੰ ਜਿੱਤਣ ਦੇ ਨਾਲ ਹੀ ਦੂਜੀਆਂ ਟੀਮਾਂ ਦੇ ਨਤੀਜਿਆਂ 'ਤੇ ਵੀ ਨਜ਼ਰ ਰੱਖਣੀ ਪਵੇਗੀ। ਵਿੰਡੀਜ਼ ਨੂੰ 8 ਮੈਚਾਂ ਵਿਚ ਛੇਵੀਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸ਼੍ਰੀਲੰਕਾ ਦੀਆਂ 339 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਵੈਸਟਇੰਡੀਜ਼ ਦੀ ਟੀਮ ਨਿਕੋਲਸ ਪੂਰਣ (118) ਦੇ ਕਰੀਅਰ ਦੇ ਪਹਿਲੇ ਸੈਂਕੜੇ ਤੇ ਫਾਬਿਆਨ ਐਲਨ (51) ਨਾਲ ਉਸਦੀ 7ਵੀਂ ਵਿਕਟ ਦੀ 83 ਦੌੜਾਂ ਦੀ ਸਾਂਝੇਦਾਰੀ ਦੇ ਬਾਵਜੂਦ 9 ਵਿਕਟਾਂ 'ਤੇ 315 ਦੌੜਾਂ ਹੀ ਬਣਾ ਸਕੀ।