ਚੋਰਾਂ ਨੇ ਰੇਡੀਮੇਡ ਦੀ ਦੁਕਾਨ ਨੂੰ ਬਣਾਇਆ ਨਿਸ਼ਾਨਾ
02/27/2020 4:58:48 PM
ਬਰਨਾਲਾ (ਵਿਵੇਕ) : ਕਸਬਾ ਭਦੌੜ 'ਚ ਅਜੇ ਚੋਰੀਆਂ ਦੀਆਂ ਖਬਰਾਂ ਦੀ ਸਿਆਹੀ ਵੀ ਨਹੀਂ ਸੁੱਕੀ ਸੀ ਕਿ ਹੁਣ ਅਣਪਛਾਤੇ ਚੋਰ ਰੇਡੀਮੇਡ ਦੀ ਕੱਪੜੇ ਦੀ ਦੁਕਾਨ 'ਚੋਂ ਪੈਂਟਾਂ, ਸ਼ਰਟਾਂ ਅਤੇ ਹੋਰ ਸਮਾਨ ਚੋਰੀ ਕਰਕੇ ਲੈ ਗਈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਭਦੌੜ ਦੇ ਪੁਲਸ ਅਧਿਕਾਰੀ ਸੰਤੋਖ ਸਿੰਘ ਨੇ ਦੱਸਿਆ ਕਿ ਪੁਲਸ ਕੋਲ ਗੁਰਪ੍ਰੀਤ ਸਿੰਘ ਵਾਸੀ ਸ਼ਹਿਣਾ ਨੇ ਬਿਆਨ ਦਰਜ ਕਰਵਾਏ ਕਿ ਉਹ 24 ਫਰਵਰੀ ਨੂੰ ਪਿੰਡ ਸੰਧੂ ਕਲਾਂ ਵਿਖੇ ਆਪਣੀ ਦੁਕਾਨ ਨੂੰ ਜਿੰਦਾ ਲਾ ਕੇ ਚਲਾ ਗਿਆ।
25 ਫਰਵਰੀ ਨੂੰ ਰਿਸ਼ਤੇਦਾਰੀ 'ਚ ਮੌਤ ਹੋਣ ਕਰਕੇ ਉਹ ਦੁਕਾਨ 'ਤੇ ਨਹੀਂ ਗਿਆ। ਜਦੋਂ ਅਗਲੇ ਦਿਨ ਉਹ ਦੁਕਾਨ 'ਤੇ ਗਿਆ ਤਾਂ ਦੁਕਾਨ ਦੇ ਰੌਸ਼ਨਦਾਨ ਤੋੜ ਕੇ ਅਣਪਛਾਤੇ ਚੋਰ 32 ਲੋਅਰ, 40 ਪੀਸ ਪੈਂਟਾਂ, 30 ਪੀਸ ਟੋਪੀ, 200 ਪੀਸ ਟੀ-ਸ਼ਰਟ,150 ਸ਼ਰਟਾਂ, ਪਰਸ, ਐਨਕਾਂ ਅਤੇ ਬੈਲਟਾਂ ਚੋਰੀ ਕਰਕੇ ਲੈ ਗਏ, ਜਿਸ ਦੀ ਕੁੱਲ ਕੀਮਤ 97 ਹਜ਼ਾਰ ਰੁਪਏ ਦੇ ਕਰੀਬ ਸੀ। ਮੁਦਈ ਦੇ ਬਿਆਨਾਂ ਦੇ ਆਧਾਰ 'ਤੇ ਅਣਪਛਾਤੇ ਚੋਰਾਂ ਖਿਲਾਫ ਕੇਸ ਦਰਜ ਕਰਕੇ ਉਨ੍ਹਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।
