SBI ਬਰਾਂਚ ਦੇ ਕਰਮਚਾਰੀਆਂ ਨੇ ਕੀਤਾ ਕਾਂਡ ; ਭੋਲੇ-ਭਾਲੇ ਗਾਹਕਾਂ ਨਾਲ ਮਾਰੀ ਕਰੋੜਾਂ ਦੀ ਠੱਗੀ

ਬਠਿੰਡਾ (ਵਰਮਾ)- ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਐੱਸ.ਬੀ.ਆਈ. ਦੀ ਸ਼ੇਖੂਪੁਰਾ ਬ੍ਰਾਂਚ 'ਚ ਬੈਂਕ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੀ ਮਿਲੀਭੁਗਤ ਨਾਲ ਗਾਹਕਾਂ ਨਾਲ ਧੋਖਾਧੜੀ ਦਾ ਧੰਦਾ ਲੰਬੇ ਸਮੇਂ ਤੋਂ ਚੱਲ ਰਿਹਾ ਹੈ। ਭੋਲੇ-ਭਾਲੇ ਅਤੇ ਅਨਪੜ੍ਹ ਗਾਹਕਾਂ ਦੇ ਜਾਅਲੀ ਦਸਤਖਤ ਅਤੇ ਅੰਗੂਠੇ ਦੇ ਨਿਸ਼ਾਨ ਲਗਾ ਕੇ ਨਕਦੀ ਕਢਵਾਉਣ ਦੇ ਨਾਲ-ਨਾਲ ਗਾਹਕਾਂ ਦੇ ਲਾਕਰ ਵੀ ਚੋਰੀ ਕਰ ਲਏ ਗਏ ਹਨ। ਕੁਝ ਲੋਕਾਂ ਦੇ ਲਾਕਰਾਂ 'ਚੋਂ ਸੋਨੇ-ਚਾਂਦੀ ਦੇ ਗਹਿਣੇ ਗਾਇਬ ਹੋ ਗਏ ਅਤੇ ਏ.ਟੀ.ਐੱਮ ਦੀ ਮਦਦ ਨਾਲ ਨਕਦੀ ਵੀ ਕਢਵਾਈ ਗਈ।

ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਖਾਤਿਆਂ ਵਿੱਚੋਂ 39,41,400 ਰੁਪਏ ਗਾਇਬ ਪਾਏ ਗਏ। ਜਦੋਂਕਿ ਬੈਂਕ ਦੇ ਲਾਕਰ 'ਚੋਂ 342 ਗ੍ਰਾਮ ਸੋਨੇ ਸਮੇਤ ਏ.ਟੀ.ਐਮ. 'ਚੋਂ 15 ਲੱਖ 84 ਹਜ਼ਾਰ ਰੁਪਏ ਕਢਵਾ ਲਏ ਗਏ। 2 ਕਰੋੜ ਰੁਪਏ ਦੇ ਸੋਨੇ ਦੇ ਨਾਲ-ਨਾਲ ਕਰੀਬ 70 ਲੱਖ ਰੁਪਏ ਹੋਰ ਤਰੀਕਿਆਂ ਨਾਲ ਕਢਵਾ ਲਏ ਗਏ।

ਇਹ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਬੈਂਕ ਦੇ ਹੈੱਡ ਕੈਸ਼ੀਅਰ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ, ਜਦਕਿ ਗਾਹਕਾਂ ਦੀ ਸ਼ਿਕਾਇਤ ਤੋਂ ਬਾਅਦ ਮੈਨੇਜਰ ਦੇ ਖਿਲਾਫ ਵੀ ਕਾਰਵਾਈ ਸੰਭਵ ਹੈ। ਪਿੰਡ ਸੰਦੋਹਾ ਦੇ ਵਸਨੀਕ ਪਿਆਰਾ ਸਿੰਘ ਅਤੇ ਤਾਰਾ ਸਿੰਘ ਨੇ ਇਸ ਦੀ ਸ਼ਿਕਾਇਤ ਐੱਸ.ਐੱਸ.ਪੀ. ਬਠਿੰਡਾ ਨੂੰ ਕੀਤੀ ਜਿਸ ’ਤੇ ਉਨ੍ਹਾਂ ਜਾਂਚ ਦੇ ਹੁਕਮ ਜਾਰੀ ਕੀਤੇ।

ਸ਼ਿਕਾਇਤਕਰਤਾ ਨੂੰ ਕਾਲਜ ਵੱਲੋਂ ਫੀਸ ਭਰਨ ਲਈ ਪੱਤਰ ਮਿਲਿਆ ਤਾਂ ਜਦੋਂ ਅਸੀਂ ਕਾਲਜ ਦੀ ਫੀਸ ਭਰਨ ਲਈ ਬੈਂਕ ਗਏ ਤਾਂ ਬੈਂਕ ਅਧਿਕਾਰੀਆਂ ਨੇ ਕਿਹਾ ਕਿ ਗ੍ਰਾਹਕ ਨੇ ਫਰਵਰੀ ਮਹੀਨੇ ਵਿੱਚ ਬੈਂਕ ਵਿੱਚੋਂ 13,32,000 ਰੁਪਏ ਕਢਵਾਏ ਸਨ, ਇਸ ਲਈ ਹੁਣ ਸਾਰੀ ਫੀਸ ਇਸ ਰਕਮ ਨਾਲ ਅਦਾ ਨਹੀਂ ਕੀਤੀ ਜਾ ਸਕਦੀ।

ਸ਼ਿਕਾਇਤਕਰਤਾ ਨੇ ਬੈਂਕ ਵਿੱਚੋਂ ਕੋਈ ਪੈਸਾ ਨਹੀਂ ਕਢਵਾਇਆ ਸੀ। ਜਾਂਚ ਕਰਨ 'ਤੇ ਪਤਾ ਲੱਗਾ ਕਿ ਬੈਂਕ 'ਚ ਤਾਇਨਾਤ ਕੈਸ਼ੀਅਰ ਹਰਵਿੰਦਰ ਸਿੰਘ ਅਤੇ ਬੈਂਕ ਮੈਨੇਜਰ ਨੇ ਮਿਲੀਭੁਗਤ ਨਾਲ ਪੈਸੇ ਟਰਾਂਸਫਰ ਕੀਤੇ ਸਨ। ਇਸ ਦੌਰਾਨ ਅੰਗੂਠੇ ਦੇ ਨਕਲੀ ਨਿਸ਼ਾਨ ਅਤੇ ਦਸਤਖਤ ਬਣਾਏ ਗਏ। ਇਸ ਤਰ੍ਹਾਂ ਜਾਅਲੀ ਦਸਤਾਵੇਜ਼ ਤਿਆਰ ਕਰ ਕੇ ਨਜਾਇਜ਼ ਤੌਰ ’ਤੇ ਪੈਸੇ ਦੀ ਗਬਨ ਕੀਤੀ ਗਈ ਹੈ।

ਇਸ ਤੋਂ ਬਾਅਦ ਗਾਹਕ ਨੂੰ ਪਤਾ ਲੱਗਾ ਕਿ ਉਕਤ ਵਿਅਕਤੀ ਪਿਛਲੇ ਕਈ ਸਾਲਾਂ ਤੋਂ ਜਾਅਲੀ ਦਸਤਾਵੇਜ਼ਾਂ ਦੇ ਆਧਾਰ ’ਤੇ ਲੋਕਾਂ ਦੇ ਖਾਤਿਆਂ 'ਚੋਂ ਪੈਸੇ ਕਢਵਾ ਰਹੇ ਹਨ ਅਤੇ ਉਸ ਦੀ ਸ਼ਿਕਾਇਤ ਦੇ ਬਾਵਜੂਦ ਉਕਤ ਹੈੱਡ ਕੈਸ਼ੀਅਰ ਦੀ ਸਿਰਫ ਸੀਟ ਹੀ ਬਦਲੀ ਗਈ ਪਰ ਕੋਈ ਕਾਰਵਾਈ ਨਹੀਂ ਕੀਤੀ ਗਈ।

ਇਹ ਵੀ ਪੜ੍ਹੋ- 24 ਸਾਲ ਤੋਂ ਲਿਬਨਾਨ 'ਚ ਫਸੇ ਵਿਅਕਤੀ ਦੀ ਸੰਤ ਸੀਚੇਵਾਲ ਨੇ ਕਰਵਾਈ ਘਰ ਵਾਪਸੀ, ਹੱਡਬੀਤੀ ਸੁਣ ਕੰਬ ਜਾਵੇਗੀ ਰੂਹ

ਮੁਲਾਜ਼ਮਾਂ ਵਿਰੁੱਧ ਕਥਿਤ ਧੋਖਾਧੜੀ ਨੂੰ ਰੋਕਣ ਲਈ ਕੋਈ ਠੋਸ ਕਦਮ ਨਹੀਂ ਚੁੱਕੇ ਗਏ। ਸਾਫ਼ ਹੈ ਕਿ ਇਸ ਘਪਲੇ ਵਿੱਚ ਵੱਡੇ ਅਧਿਕਾਰੀ ਵੀ ਸ਼ਾਮਲ ਹਨ। ਇਸੇ ਤਰ੍ਹਾਂ ਈ.ਯੂ. ਵਿੰਗ ਦੀ ਮਿਤੀ 19 ਜੂਨ 2024 ਨੂੰ ਕੀਤੀ ਗਈ ਪੜਤਾਲ ਵਿਚ ਪਾਇਆ ਗਿਆ ਕਿ ਹਰਵੀਰ ਸਿੰਘ ਵਾਸੀ ਪਿੰਡ ਰਾਜਗੜ੍ਹ ਕੁੱਬੇ, ਜ਼ਿਲ੍ਹਾ ਬਠਿੰਡਾ, ਜੋ ਕਿ ਸਟੇਟ ਬੈਂਕ ਆਫ਼ ਇੰਡੀਆ ਬਰਾਂਚ ਸ਼ੇਖਪੁਰਾ ਜ਼ਿਲ੍ਹਾ ਬਠਿੰਡਾ ਵਿੱਚ ਬਤੌਰ ਹੈੱਡ ਕੈਸ਼ੀਅਰ ਤਾਇਨਾਤ ਸੀ। ਡਿਊਟੀ, ਆਪਣੇ ਅਹੁਦੇ ਅਤੇ ਸ਼ਕਤੀ ਦੀ ਦੁਰਵਰਤੋਂ ਕੀਤੀ ਅਤੇ ਡੈਬਿਟ ਮਿਤੀਆਂ 'ਤੇ ਵਾਊਚਰ ਰਾਹੀਂ ਗਾਹਕਾਂ ਦੇ ਖਾਤਿਆਂ ਤੋਂ ਨਕਦੀ ਕਢਵਾਈ। ਇਹ ਰਕਮ ਲਗਭਗ 39,41,400 ਰੁਪਏ ਬਣਦੀ ਹੈ।

20 ਮਾਰਚ, 2024 ਅਤੇ 26 ਮਾਰਚ, 2024 ਨੂੰ ਹਰਵੀਰ ਸਿੰਘ ਹੈੱਡ ਕੈਸ਼ੀਅਰ ਨੇ ਵੀ ਬੈਂਕ ਦੀ ਸੇਫ ਵਿੱਚੋਂ 342 ਗ੍ਰਾਮ 27 ਮਿਲੀਗ੍ਰਾਮ ਸੋਨਾ (34 ਗ੍ਰਾਮ 27 ਮਿਲੀਗ੍ਰਾਮ ਸੋਨਾ) ਕੱਢਿਆ, ਜੋ ਕਿ ਗਾਹਕਾਂ ਵੱਲੋਂ ਬੈਂਕ ਕੋਲ ਗਹਿਣੇ ਰੱਖਿਆ ਗਿਆ ਸੀ। ਇਸੇ ਬੈਂਕ ਵਿੱਚ ਏ.ਟੀ.ਐੱਮ. ਮਸ਼ੀਨ ਭਰਨ ਸਮੇਂ 15,84,000 ਰੁਪਏ ਦੀ ਰਾਸ਼ੀ ਦਾ ਗਬਨ ਹੋਣ ਦਾ ਵੀ ਖੁਲਾਸਾ ਹੋਇਆ ਹੈ।

ਇਸ ਸਬੰਧੀ ਜਦੋਂ ਸ਼ੇਖਪੁਰਾ ਬ੍ਰਾਂਚ ਦੇ ਮੈਨੇਜਰ ਅਨੁਰਾਗ ਅਗਰਵਾਲ ਨੂੰ ਇਸ ਘੁਟਾਲੇ ਬਾਰੇ ਸਵਾਲ ਪੁੱਛਿਆ ਤਾਂ ਉਨ੍ਹਾਂ ਜਵਾਬ ਦਿੱਤਾ ਕਿ ਸੋਨੇ ਦੀ ਸੇਫ ਦੀਆਂ ਦੋ ਚਾਬੀਆਂ ਹਨ, ਇਕ ਹੈੱਡ ਕੈਸ਼ੀਅਰ ਕੋਲ ਅਤੇ ਇਕ ਮੈਨੇਜਰ ਕੋਲ। ਸੋਨੇ ਦੀ ਸੇਫ ਤਾਂ ਹੀ ਖੁੱਲ੍ਹਦੀ ਹੈ ਜਦੋਂ ਦੋ ਚਾਬੀਆਂ ਇਕੱਠੀਆਂ ਵਰਤੀਆਂ ਜਾਂਦੀਆਂ ਹਨ। ਸੇਫ ਨੂੰ ਕਿਸੇ ਹੋਰ ਕੁੰਜੀ ਨਾਲ ਨਹੀਂ ਖੋਲ੍ਹਿਆ ਜਾ ਸਕਦਾ।

ਬੈਂਕ ਮੈਨੇਜਰ ਅਨੁਰਾਗ ਅਗਰਵਾਲ ਦਾ ਇਹ ਫਰਜ਼ ਬਣਦਾ ਸੀ ਕਿ ਜੇਕਰ ਉਹ ਛੁੱਟੀ ’ਤੇ ਜਾਂਦਾ ਤਾਂ ਸੇਫ਼ ਦਾ ਚਾਰਜ ਹੱਥੀਂ ਅਗਲੇ ਮੈਨੇਜਰ ਨੂੰ ਸੌਂਪਦਾ ਅਤੇ ਛੁੱਟੀ ਤੋਂ ਪਰਤਣ 'ਤੇ ਉਹ ਖੁਦ ਹੀ ਚਾਬੀ ਦਾ ਚਾਰਜ ਸੰਭਾਲ ਲੈਂਦਾ ਪਰ ਅਨੁਰਾਗ ਅਗਰਵਾਲ ਨੇ ਅਜਿਹਾ ਨਹੀਂ ਕੀਤਾ। ਇਸ ਤੋਂ ਇਲਾਵਾ ਹਰਵੀਰ ਸਿੰਘ ਹੈੱਡ ਕੈਸ਼ੀਅਰ ਨੇ ਦੱਸਿਆ ਕਿ ਜਨਵਰੀ 2024 ਤੋਂ ਜਦੋਂ ਵੀ ਏ.ਟੀ.ਐੱਮ. ਵਿਚ ਨਕਦੀ ਜਮ੍ਹਾ ਕਰਵਾਈ ਜਾਂਦੀ ਸੀ ਤਾਂ ਮੈਨੇਜਰ ਅਨੁਰਾਗ ਅਗਰਵਾਲ ਦੀ ਹਾਜ਼ਰੀ ਵਿਚ ਜਮ੍ਹਾ ਕਰਵਾਈ ਜਾਂਦੀ ਸੀ।

ਇਹ ਵੀ ਪੜ੍ਹੋ-  ਪੋਤੇ ਦਾ ਮੁਕਾਬਲਾ ਦੇਖਣ ਆਏ ਦਾਦੇ ਨਾਲ ਹੋ ਗਈ ਅਣਹੋਣੀ, ਜਿੱਤਣ ਦੀ ਖੁਸ਼ੀ 'ਚ ਆ ਗਿਆ ਹਾਰਟ ਅਟੈਕ, ਮੌਤ

ATM ਮਸ਼ੀਨ ’ਤੇ ਜਾਣ ਤੋਂ ਪਹਿਲਾਂ ਵਾਊਚਰ ਰਾਹੀਂ ਵੱਖ-ਵੱਖ ਤਰੀਕਾਂ 'ਤੇ ਰਕਮ ਕਢਵਾਈ ਗਈ ਹੈ। ਜਦੋਂ ਕਿ ਮੈਨੇਜਰ ਅਨੁਰਾਗ ਅਗਰਵਾਲ ਨੇ ਆਪਣੇ ਬਚਾਅ ਵਿੱਚ ਲਿਖਿਆ ਹੈ ਕਿ ਬੈਂਕ ਵਿੱਚ ਭੀੜ ਹੋਣ ਕਾਰਨ ਉਹ ਏ.ਟੀ.ਐੱਮ. ਮਸ਼ੀਨ ਖੋਲ੍ਹਦਾ ਸੀ ਅਤੇ ਹਰਵੀਰ ਸਿੰਘ ਹੈੱਡ ਕੈਸ਼ੀਅਰ ਇਕੱਲਾ ਹੀ ਪੈਸੇ ਦਿੰਦਾ ਸੀ ਪਰ ਉਸ ਸਮੇਂ ਉਸ ਦਾ ਉੱਥੇ ਖੜ੍ਹਾ ਹੋਣਾ ਵੀ ਜ਼ਰੂਰੀ ਹੈ। ਜੇਕਰ ਏ.ਟੀ.ਐੱਮ. ਮਸ਼ੀਨ ਵਿੱਚੋਂ 15,84,000 ਰੁਪਏ ਕਢਵਾਏ ਗਏ ਹਨ, ਇਸ ਬਾਰੇ ਉਨ੍ਹਾਂ ਕੋਲ ਕੋਈ ਪੁਖਤਾ ਜਵਾਬ ਨਹੀਂ ਸੀ।

ਮੈਨੇਜਰ ਅਨੁਰਾਗ ਅਗਰਵਾਲ ਦਾ ਇਹ ਫਰਜ਼ ਸੀ ਕਿ ਉਹ ਨਕਦੀ ਜਮ੍ਹਾ ਕਰਨ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਬਕਾਇਆ ਸਟੇਟਮੈਂਟ ਚੈੱਕ ਕਰੇ। ਇਸ ਸਬੰਧੀ ਮੈਨੇਜਰ ਅਨੁਰਾਗ ਅਗਰਵਾਲ ਵੱਲੋਂ ਅਜਿਹਾ ਕਰਨ ਸਬੰਧੀ ਕੋਈ ਤੱਥ ਸਾਹਮਣੇ ਨਹੀਂ ਆਏ। ਇਸ ਸਬੰਧੀ ਪੁਲੀਸ ਨੇ ਜਾਂਚ ਦੌਰਾਨ ਹੈੱਡ ਕੈਸ਼ੀਅਰ ਹਰਵੀਰ ਸਿੰਘ ਅਤੇ ਬਰਾਂਚ ਮੈਨੇਜਰ ਅਨੁਰਾਗ ਅਗਰਵਾਲ ਖ਼ਿਲਾਫ਼ ਧਾਰਾ 409, 381 ਆਈ.ਪੀ.ਸੀ. ਤਹਿਤ ਕੇਸ ਦਰਜ ਕਰਨ ਦੀਆਂ ਹਦਾਇਤਾਂ ਦਿੱਤੀਆਂ ਹਨ।

ਫਿਲਹਾਲ ਪੁਲਸ ਨੇ ਹੈੱਡ ਕੈਸ਼ੀਅਰ ਹਰਵੀਰ ਸਿੰਘ ਵਾਸੀ ਪਿੰਡ ਰਾਜਗੜ੍ਹ ਕੁੱਬੇ, ਜ਼ਿਲਾ ਬਠਿੰਡਾ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ, ਜਦਕਿ ਬ੍ਰਾਂਚ ਮੈਨੇਜਰ ਅਨੁਰਾਗ ਅਗਰਵਾਲ, ਸਟੇਟ ਬੈਂਕ ਆਫ ਇੰਡੀਆ ਬ੍ਰਾਂਚ ਸ਼ੇਖਪੁਰਾ, ਜ਼ਿਲਾ ਬਠਿੰਡਾ ਖਿਲਾਫ ਮਾਮਲਾ ਦਰਜ ਕਰਨ ਦੀ ਇਜਾਜ਼ਤ ਮੰਗੀ ਗਈ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e