ਰਵਿਦਾਸ ਘਾਟ ''ਤੇ ਗੰਗਾ ਇਸ਼ਨਾਨ ਕਰਦਿਆਂ ਰੁੜਿਆ ਪੰਜਾਬੀ ਮੁੰਡਾ

ਭਵਾਨੀਗੜ੍ਹ (ਵਿਕਾਸ)- ਸਥਾਨਕ ਅਜੀਤ ਨਗਰ ’ਚੋਂ ਆਪਣੇ ਦੋਸਤਾਂ ਨਾਲ ਉੱਤਰਾਖੰਡ ਗਏ 17 ਸਾਲਾ ਨੌਜਵਾਨ ਨਾਲ ਇਕ ਦੁਖਾਂਤ ਵਾਪਰ ਗਿਆ। ਹਰਿਦੁਆਰ ਨੇੜੇ ਰੁੜਕੀ ਵਿਖੇ ਇਕ ਘਾਟ ’ਤੇ ਗੰਗਾ ’ਚ ਨਹਾਉਂਦੇ ਸਮੇਂ ਨੌਜਵਾਨ ਨਦੀ ਦੇ ਤੇਜ਼ ਵਹਾਅ ’ਚ ਵਹਿ ਗਿਆ ਅਤੇ ਲਾਪਤਾ ਹੋ ਗਿਆ। ਘਟਨਾ ਸੋਮਵਾਰ ਸਵੇਰੇ 11 ਵਜੇ ਦੇ ਕਰੀਬ ਵਾਪਰੀ। ਨਦੀ ’ਚ ਡੁੱਬਣ ਕਾਰਨ ਨੌਜਵਾਨ ਦੀ ਮੌਤ ਦਾ ਖਦਸ਼ਾ ਜ਼ਾਹਿਰ ਕੀਤਾ ਜਾ ਰਿਹਾ ਹੈ। ਫਿਲਹਾਲ ਪਰਿਵਾਰ ਦੇ ਮੈਂਬਰ ਆਪਣੇ ਬੱਚੇ ਦੀ ਭਾਲ ਕਰਨ ’ਚ ਜੁਟੇ ਹੋਏ ਹਨ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ: ਕਾਂਗਰਸ ਪਾਰਟੀ ਨੇ 6 ਸਾਲਾਂ ਲਈ ਪਾਰਟੀ ਤੋਂ ਬਾਹਰ ਕੱਢੇ 2 ਲੀਡਰ

ਜਾਣਕਾਰੀ ਅਨੁਸਾਰ ਪੇਂਟ ਦਾ ਕੰਮ ਕਰਦੇ ਅਜੀਤ ਨਗਰ ’ਚ ਰਹਿਣ ਵਾਲੇ ਸਤੇਂਦਰ ਸਿੰਘ ਦਾ ਪੁੱਤਰ ਦੀਪਕ ਕੁਮਾਰ (17) ਲੰਘੀ 15 ਜੂਨ ਨੂੰ ਗੁਆਂਢ ’ਚ ਰਹਿਣ ਵਾਲੇ ਆਪਣੇ ਦੋ ਦੋਸਤਾਂ ਨਾਲ ਉੱਤਰਾਖੰਡ ਦੇ ਰੁੜਕੀ ਸ਼ਹਿਰ ਗਿਆ ਸੀ, ਜਿੱਥੇ ਦੀਪਕ ਅਤੇ ਉਸ ਦੇ ਦੋਸਤ ਸੋਮਵਾਰ ਨੂੰ ਰਵਿਦਾਸ ਘਾਟ ’ਤੇ ਗੰਗਾ ’ਚ ਇਸ਼ਨਾਨ ਕਰਨ ਗਏ ਸਨ। ਇਸ ਦੌਰਾਨ ਨਹਾਉਂਦੇ ਸਮੇਂ ਉਕਤ ਦੀਪਕ ਕੁਮਾਰ ਅਚਾਨਕ ਨਦੀ ਦੇ ਤੇਜ਼ ਵਹਾਅ ’ਚ ਵਹਿ ਗਿਆ ਅਤੇ ਕੁਝ ਹੀ ਪਲਾਂ ’ਚ ਪਾਣੀ ਵਿਚ ਲਾਪਤਾ ਹੋ ਗਿਆ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8