ਡਰੱਗਜ਼ ਤੇ ਧਰਮ ਪਰਿਵਰਤਨ ਦੇ ਨਾਲ ਪੰਜਾਬ ਨੂੰ ਕੀਤਾ ਜਾ ਰਿਹੈ ਬਰਬਾਦ : ਸਾਧਵੀ ਪ੍ਰਾਚੀ

ਜਲੰਧਰ (ਜਗ ਬਾਣੀ ਟੀਮ)-ਸੂਬੇ ’ਚ ਚੋਣ ਪ੍ਰਚਾਰ ਜ਼ੋਰਾਂ ’ਤੇ ਹੈ। ਚੋਣਾਂ ’ਚ ਹੁਣ ਸਿਰਫ ਕੁਝ ਹੀ ਦਿਨ ਬਾਕੀ ਹਨ। ਇਸ ਦੌਰਾਨ ਫਾਇਰ ਬਰਾਂਡ ਨੇਤਾ ਸਾਧਵੀ ਪ੍ਰਾਚੀ ਵੱਲੋਂ ਸੂਬੇ ’ਚ ਨਸ਼ੇ, ਧਰਮ ਪਰਿਵਰਤਨ ’ਤੇ ਖੁੱਲ੍ਹ ਕੇ ਗੱਲਬਾਤ ਕੀਤੀ ਗਈ। ਪੇਸ਼ ਹਨ ਗੱਲਬਾਤ ਦੇ ਪ੍ਰਮੁੱਖ ਅੰਸ਼ :
ਪੰਜਾਬ ’ਚ ਚੋਣਾਂ ਦਾ ਮਾਹੌਲ ਹੈ, ਤੁਸੀਂ ਕਿਵੇਂ ਵੇਖਦੇ ਹੋ? ਸੂਬੇ ’ਚ ਚੋਣਾਂ ਦਾ ਮਾਹੌਲ ਹੈ, ਚੋਣ ਸਰਗਰਮੀਆਂ ਕਾਫ਼ੀ ਤੇਜ਼ੀ ਨਾਲ ਵਧ ਰਹੀਆਂ ਹਨ। ਪੰਜਾਬ ਸ਼ੁਰੂ ਤੋਂ ਹੀ ਕ੍ਰਾਂਤੀਕਾਰੀਆਂ ਦੀ ਧਰਤੀ ਰਹੀ ਹੈ, ਜਿਸ ’ਚ ਭਗਤ ਸਿੰਘ, ਬਾਬਾ ਫਤਿਹ ਸਿੰਘ ਅਤੇ ਬਾਬਾ ਜ਼ੋਰਾਵਰ ਸਿੰਘ ਵਰਗੇ ਮਹਾਨ ਕ੍ਰਾਂਤੀਕਾਰੀਆਂ ਨੇ ਜਨਮ ਲਿਆ ਹੈ। ਇਸ ਧਰਤੀ ’ਚ ਡਰੱਗਜ਼ ਅਤੇ ਧਰਮ ਪਰਿਵਰਤਨ ਬੜੀ ਤੇਜ਼ੀ ਨਾਲ ਵਧ ਰਹੇ ਹਨ। ਲੋਕਾਂ ਨੂੰ ਸਿਰਫ ਇਕ ਅਧਿਕਾਰ ਮਿਲਿਆ ਹੈ ਉਹ ਹੈ ਵੋਟ ਪਾਉਣ ਦਾ ਅਧਿਕਾਰ, ਜਿਸ ਦੀ ਚੋਣਾਂ ’ਚ ਸਹੀ ਵਰਤੋਂ ਹੋਣੀ ਚਾਹੀਦੀ ਹੈ ਅਤੇ ਸੂਬੇ ’ਚ ਸਹੀ ਸਰਕਾਰ ਬਣਨੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ :ਪਾਕਿ 'ਚ ਘੱਟ-ਗਿਣਤੀ ਦੀ ਸੁਰੱਖਿਆ 'ਚ ਖਾਮੀਆਂ ਨੂੰ ਲੈ ਕੇ ਇੰਡੀਅਨ ਵਰਲਡ ਫੋਰਮ ਨੇ ਗੁਟੇਰੇਸ ਨੂੰ ਲਿੱਖੀ ਚਿੱਠੀ

ਨਸ਼ੇ ਲਈ ਕੌਣ ਜ਼ਿੰਮੇਵਾਰ ਹਨ, ਹੱਲ ਕੀ ਹੈ?
ਨਸ਼ੇ ਲਈ ਸਿੱਧੇ ਤੌਰ ’ਤੇ ਕਾਂਗਰਸ ਸਰਕਾਰ ਜ਼ਿੰਮੇਵਾਰ ਹੈ। ਉੱਤਰ ਪ੍ਰਦੇਸ਼ ’ਚ ਇੰਨੇ ਅਪਰਾਧ ਸਨ, ਨਸ਼ਾ ਵੀ ਸੀ ਪਰ ਯੋਗੀ ਜੀ ਨੇ ਜਿਵੇਂ ਹੀ ਸੱਤਾ ਸੰਭਾਲੀ, ਮੁਲਜ਼ਮਾਂ ਦੇ ਹੌਸਲੇ ਢਹਿ-ਢੇਰੀ ਹੋ ਗਏ। ਮੁਲਜ਼ਮਾਂ ਨੂੰ ਸਰੰਡਰ ਕਰਨਾ ਪਿਆ। ਅਪਰਾਧਾਂ ਨੂੰ ਹੱਲਾਸ਼ੇਰੀ ਸਰਕਾਰਾਂ ਹੀ ਦਿੰਦੀਆਂ ਹਨ। ਸਿੱਧੇ ਤੌਰ ’ਤੇ ਕਾਂਗਰਸ ਸਰਕਾਰ ਨੇ ਨਸ਼ੇ ਨੂੰ ਹੱਲਾਸ਼ੇਰੀ ਦਿੱਤੀ ਹੈ। ਸੂਬੇ ’ਚ ਸੱਤਾ ਤਬਦੀਲੀ ਜ਼ਰੂਰੀ ਹੈ, ਯੂ. ਪੀ. ਵਾਂਗ ਪੰਜਾਬ ’ਚ ਵੀ ਨਸ਼ਾ ਖਤਮ ਹੋ ਸਕਦਾ ਹੈ। ਪੰਜਾਬ ਦੇ ਲੋਕ ਕਾਂਗਰਸ ਪਸੰਦ ਨਹੀਂ ਕਰ ਰਹੇ ਹਨ। ਇਸ ਲਈ ਭਾਜਪਾ ਸਰਕਾਰ ਦੇ ਆਉਣ ’ਤੇ ਹੀ ਸੂਬੇ ’ਚੋਂ ਨਸ਼ਾ ਖਤਮ ਕੀਤਾ ਜਾ ਸਕਦਾ ਹੈ।

ਸੂਬੇ ’ਚ ਵਧ ਰਹੇ ਧਰਮ ਪਰਿਵਰਤਨ ਨੂੰ ਲੈ ਕੇ ਤੁਸੀਂ ਕੀ ਕਹਿਣਾ ਚਾਹੋਗੇ
ਪੰਜਾਬ ਦੇ ਅੰਦਰ ਈਸਾਈ ਮਿਸ਼ਨਰੀਆਂ ਕੰਮ ਕਰ ਰਹੀਆਂ ਹਨ। ਧਰਮ ਪਰਿਵਰਤਨ ਬੜੀ ਤੇਜ਼ੀ ਨਾਲ ਵਧ ਰਿਹਾ ਹੈ। ਜੇਕਰ ਇੰਝ ਹੀ ਧਰਮ ਪਰਿਵਰਤਨ ਹੁੰਦਾ ਰਿਹਾ ਤਾਂ ਮੈਨੂੰ ਚਿੰਤਾ ਹੈ ਕਿ ਪੰਜਾਬ ’ਚ ਹਾਲਾਤ ਕਿਤੇ ਪੱਛਮੀ ਬੰਗਾਲ ਵਰਗੇ ਨਾ ਬਣ ਜਾਣ। ਪੰਜਾਬ ਦੇ ਲੋਕਾਂ ਲਈ ਭਾਜਪਾ ਹੀ ਇਕ ਬਦਲ ਹੈ, ਜਿਸ ਦੇ ਸੂਬੇ ’ਚ ਧਰਮ ਪਰਿਵਰਤਨ ਨੂੰ ਰੋਕਿਆ ਜਾ ਸਕਦਾ ਹੈ। ਕਾਂਗਰਸ ਨੇ ਸ਼ੁਰੂ ਤੋਂ ਇਹੀ ਕੰਮ ਕੀਤਾ ਹੈ। ਕਾਂਗਰਸ ਦਾ 70 ਸਾਲਾਂ ਦਾ ਇਤਿਹਾਸ ਖੋਲ੍ਹ ਕੇ ਵੇਖ ਲਓ, ਕਾਂਗਰਸ ਨੇ ਇਹੀ ਸਭ ਬੀਜਿਆ ਹੈ। ਪੱਛਮੀ ਬੰਗਾਲ ’ਚ ਜੋ ਹਾਲਾਤ ਹਨ, ਉਸ ਦੇ ਲਈ ਸਿੱਧੇ-ਸਿੱਧੇ ਕਾਂਗਰਸ ਜ਼ਿੰਮੇਵਾਰ ਹਨ। ਸੂਬੇ ’ਚ ਮੋਦੀ ਜੀ ਹੀ ਇਕ ਬਦਲ ਹਨ, ਲੋਕਾਂ ਕੋਲ ਇਸ ਵਾਰ ਭਾਜਪਾ ਦਾ ਹੀ ਵਧੀਆ ਬਦਲ ਹੈ। ਸੂਬੇ ’ਚ ਧਰਮ ਪਰਿਵਰਤਨ ਰੋਕਣ ਲਈ ਸੂਬੇ ਦੀ ਸਰਕਾਰ ’ਚ ਤਬਦੀਲੀ ਹੋਣਾ ਜ਼ਰੂਰੀ ਹੈ।

ਇਹ ਵੀ ਪੜ੍ਹੋ :ਭਾਰਤ ਕਵਾਡ ਨੂੰ ਅਗੇ ਵਧਾਉਣ ਵਾਲੀ ਤਾਕਤ ਹੈ : ਵ੍ਹਾਈਟ ਹਾਊਸ

ਇਸ ਤੋਂ ਪਹਿਲਾਂ ਅਕਾਲੀ-ਭਾਜਪਾ ਗਠਜੋੜ ਸਰਕਾਰ ’ਚ ਵੀ ਨਸ਼ਾ ਵਧਿਆ-ਫੁੱਲਿਆ, ਤੁਸੀਂ ਕੀ ਕਹੋਗੇ?
ਇਹ ਹਿੱਸੇਦਾਰੀ ਦੀ ਗੱਲ ਹੈ। ਸੂਬੇ ’ਚ ਪੂਰਨ ਬਹੁਮਤ ’ਚ ਸਰਕਾਰ ਬਣੇ ਉਦੋਂ ਯਕੀਨੀ ਤੌਰ ’ਤੇ ਚੰਗੇ ਫ਼ੈਸਲੇ ਆਉਣਗੇ। ਗਠਜੋੜ ਦੇ ਨਾਲ ਮਿਲ ਕੇ ਨਸ਼ੇ ’ਤੇ ਰੋਕ ਲਗਾਉਣਾ ਮੁਸ਼ਕਿਲ ਹੈ। ਜਿਵੇਂ ਯੂ. ਪੀ. ’ਚ ਪੂਰਨ ਬਹੁਮਤ ਦੇ ਨਾਲ ਯੋਗੀ ਜੀ ਆਏ, ਉਦੋਂ ਚੰਗੇ ਫ਼ੈਸਲਾ ਆਏ ਅਤੇ ਯੂ. ਪੀ. ’ਚ ਅਪਰਾਧ ਅਤੇ ਨਸ਼ਾ ਘੱਟ ਹੋਇਆ।

ਪੰਜਾਬ ’ਚ ਤੁਸੀਂ ਕਨਵਰਸ਼ਨ ਨੂੰ ਕਿਸ ਤਰ੍ਹਾਂ ਵਲੋਂ ਵੇਖਦੇ ਹੋ?
ਇਹ ਕਾਂਗਰਸ ਦੀ ਬਹੁਤ ਪੁਰਾਣੀ ਨੀਤੀ ਹੈ, ਕਾਂਗਰਸ ਜੋ ਬੀਜ ਬੀਜੇਗੀ, ਪਾਣੀ ਦੇਵੇਗੀ, ਜਦੋਂ ਫਲ ਆਵੇਗਾ ਤਾਂ ਹੱਲਾ ਮਚਾਏਗੀ। ਸਰਹੱਦੀ ਖੇਤਰਾਂ ’ਚ ਖੁਲ੍ਹੇਆਮ ਧਰਮ ਪਰਿਵਰਤਨ ਕਰਾ ਰਹੇ ਹਨ। ਈਸਾਈ ਮਿਸ਼ਨਰੀਆਂ ਵੱਲੋਂ ਭੋਲ਼ੇ-ਭਾਲੇ ਲੋਕਾਂ ਨੂੰ ਮੁੱਠੀ ਭਰ ਚੌਲ ਦੇ ਕੇ ਧਰਮ ਪਰਿਵਰਤਨ ਕਰਵਾਇਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਰਾਮ-ਕ੍ਰਿਸ਼ਨ ਦਾ ਨਾਂ ਲੈਣ ਨਾਲ ਗੱਡੀ ਨਹੀਂ ਚੱਲੇਗੀ। ਇਹ ਉਦੋਂ ਖਤਮ ਹੋਵੇਗਾ, ਜਦੋਂ ਸੂਬੇ ਦੀ ਸਰਕਾਰ ’ਚ ਤਬਦੀਲੀ ਹੋਵੇਗੀ ਅਤੇ ਸਖਤ ਤੋਂ ਸਖਤ ਕਾਨੂੰਨ ਬਣੇਗਾ।

ਯੂ. ਪੀ. ’ਚ ਕੀ ਸਥਿਤੀ ਹੈ?
ਯੂ. ਪੀ. ਅਤੇ ਉੱਤਰਾਖੰਡ ਦੀ ਬਹੁਤ ਚੰਗੀ ਸਥਿਤੀ ਹੈ। ਦੋ ਪੜਾਵਾਂ ’ਚ ਚੋਣਾਂ ਹੋ ਚੁੱਕੀਆਂ ਹਨ। ਉੱਤਰ ਪ੍ਰਦੇਸ਼ ’ਚ ਭਾਰਤੀ ਜਨਤਾ ਪਾਰਟੀ ਦੀ ਹੀ ਸਰਕਾਰ ਬਣ ਰਹੀ ਹੈ। ਦੋਵਾਂ ਸੂਬਿਆਂ ’ਚ ਪੂਰਨ ਬਹੁਮਤ ਦੇ ਨਾਲ ਸਰਕਾਰ ਬਣੇਗੀ।

ਇਹ ਵੀ ਪੜ੍ਹੋ : ਅਮਰੀਕਾ 'ਚ ਮਹਿੰਗਾਈ ਦੀ ਮਾਰ, 40 ਸਾਲ ਦੇ ਨਵੇਂ ਉੱਚ ਪੱਧਰ 'ਤੇ ਪਹੁੰਚਣ ਦਾ ਅਨੁਮਾਨ

ਯੋਗੀ ਨੂੰ ਪੀ. ਐੱਮ. ਦੇ ਰੂਪ ’ਚ ਦੇਖਣ ’ਤੇ ਤੁਸੀਂ ਕੀ ਕਹੋਗੇ?
ਅਜੇ ਤਾਂ ਮੋਦੀ ਜੀ ਚੰਗੇ ਹਨ, ਯੋਗੀ ਜੀ ਦੀ ਅਜੇ ਉੱਤਰ ਪ੍ਰਦੇਸ਼ ’ਚ ਹੀ ਜ਼ਰੂਰਤ ਹੈ। ਉੱਤਰ ਪ੍ਰਦੇਸ਼ ਨੂੰ ਸੰਭਾਲਣ ਦਿਓ ਅਜੇ ਯੋਗੀ ਜੀ ਨੂੰ, ਕਿਉਂਕਿ ਉੱਥੇ ਉਨ੍ਹਾਂ ਦੀ ਅਜੇ ਬਹੁਤ ਜ਼ਰੂਰਤ ਹੈ।

ਹਿਜਾਬ ਦੇ ਮੁੱਦੇ ’ਤੇ ਤੁਸੀਂ ਕੀ ਕਹੋਗੇ?
ਜਿੱਥੇ ਸਕੂਲ ਹੁੰਦਾ ਹੈ, ਉਹ ਇਕ ਸਿੱਖਿਆ ਦਾ ਮੰਦਰ ਹੈ, ਉਸ ਮੰਦਰ ’ਤੇ ਇੰਨੀ ਗੰਦੀ ਰਾਜਨੀਤੀ ਨਹੀਂ ਕਰਨੀ ਚਾਹੀਦੀ ਹੈ। ਸਕੂਲ ’ਚ ਡਰੈੱਸ ਕੋਡ ਇਕ ਹੋਣਾ ਚਾਹੀਦਾ ਹੈ। ਹੈਦਰਾਬਾਦੀ ਓਵੈਸੀ ਇਸ ਮੁੱਦੇ ਨੂੰ ਭੜਕਾਉਣਾ ਚਾਹੁੰਦੇ ਹਨ। ਇਹ ਉਨ੍ਹਾਂ ਦੀ ਗੰਦੀ ਮਾਨਸਿਕਤਾ ਹੈ। ਉਨ੍ਹਾਂ ਨੇ ਪਹਿਲਾਂ ਸ਼ਾਹੀਨ ਬਾਗ ਦੀਆਂ ਸ਼ੇਰਨੀਆਂ ਤਿਆਰ ਕੀਤੀਆਂ ਸੀ। ਓਵੈਸੀ ਨੂੰ ਤਾਂ ਇਸ ਗੱਲ ’ਤੇ ਸ਼ਰਮ ਆਉਣੀ ਚਾਹੀਦੀ ਹੈ ਕਿ ਸਿੱਖਿਆ ਦੇ ਮੰਦਰ ’ਚ ਡਰੈੱਸ ਕੋਡ ਦੀ ਗੱਲ ਕਰ ਰਹੇ ਹਨ। ਇਨ੍ਹਾਂ ਨੇ ਤਾਂ ਸਿੱਖਾਂ ਦੀ ਪਗਡ਼ੀ ’ਤੇ ਵੀ ਸਵਾਲ ਚੁੱਕਿਆ ਸੀ। ਜ਼ਿੱਦ ਕਰਨੀ ਹੈ ਤਾਂ ਮਸਜਿਦ ’ਚ ਜਾ ਕੇ ਕਰਨ। ਉੱਥੇ ’ਤੇ ਧੀਆਂ ਅਤੇ ਨੂਹਾਂ ਨੂੰ ਕਿਉਂ ਨਹੀਂ ਜਾਣ ਦਿੰਦੇ। ਹਿਜਾਬ ਵਾਲੀ ਬੇਟੀ ਨੂੰ ਪੀ. ਐੱਮ. ਦੀਆਂ ਗੱਲਾਂ ਕਰਦੇ ਹਨ, ਜ਼ਰਾ ਇਹ ਜਵਾਬ ਦੇਣ, ਅੱਜ ਤੱਕ ਹਿਜਾਬ ਵਾਲੇ ਕਿੰਨੇ ਸੰਸਦ ਮੈਂਬਰ ਤੁਸੀਂ ਬਣਾ ਦਿੱਤੇ। ਆਪਣੀ ਹੀ ਪਾਰਟੀ ’ਚ ਕਿੰਨੇ ਹਿਜਾਬ ਵਾਲਿਆਂ ਨੂੰ ਲਿਆਏ ਹਨ।

ਹਿਜਾਬ ਦੇ ਮੁੱਦੇ ’ਤੇ ਪੰਜਾਬ ’ਚ ਵੀ ਪ੍ਰਦਰਸ਼ਨ ਹੋਏ, ਤੁਸੀਂ ਕੀ ਕਹੋਗੇ
ਇਹ ਸਿਰਫ ਰਾਜਨੀਤੀ ਹੋ ਰਹੀ ਹੈ, ਇਸ ’ਚ ਕੋਈ ਦਮ ਨਹੀਂ ਹੈ। ਜਗ੍ਹਾ-ਜਗ੍ਹਾ ’ਤੇ ਇਸ ਤਰ੍ਹਾਂ ਦੇ ਪ੍ਰਾਪੇਗੰਡੇ ’ਚ ਕੋਈ ਦਮ ਨਹੀਂ ਹੈ।

ਰਾਮ ਮੰਦਰ ’ਤੇ ਤੁਸੀਂ ਕੀ ਕਹੋਗੇ
ਰਾਮ ਮੰਦਰ ਬਣ ਰਿਹਾ ਹੈ, ਨਿਰਮਾਣ ਕਾਰਜ ਸ਼ੁਰੂ ਹਨ। ਇਹ ਵਿਸ਼ਵ ਦਾ ਅਲੌਕਿਕ ਮੰਦਰ ਬਣੇਗਾ। ਇੰਝ ਹੀ ਹੌਲੀ-ਹੌਲੀ ਮਥੁਰਾ ਦਾ ਕ੍ਰਿਸ਼ਨ ਮੰਦਰ ਵੀ ਬਣ ਜਾਵੇਗਾ।

ਕਿਵੇਂ ਲੱਗਾ ਪੰਜਾਬ ਆ ਕੇ?
ਪੰਜਾਬ ਬਹੁਤ ਵਧੀਆ ਹੈ, ਸਿਰਫ ਤੇ ਸਿਰਫ ਰਾਜਨੀਤੀ ਸਾਜ਼ਿਸ਼ਾਂ ਨਾਲ ਇੱਥੋਂ ਦੇ ਭਵਿੱਖ ਖ਼ਰਾਬ ਨੂੰ ਖ਼ਰਾਬ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਦੁੱਖ ਸਿਰਫ ਇਸ ਗੱਲ ਦਾ ਹੁੰਦਾ ਹੈ ਕਿ ਇੱਥੇ ਧਰਮ ਪਰਿਵਰਤਨ ਅਤੇ ਨਸ਼ਾ ਵਧ ਰਿਹਾ ਹੈ, ਉਹ ਖਤਮ ਹੋਣਾ ਚਾਹੀਦਾ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।