ਜਾਣੋ ਅਕਾਲੀ ਦਲ ਦੀ ਰੈਲੀ ਦੀਆਂ ਦਿਲਚਸਪ ਗੱਲਾਂ
Monday, Oct 08, 2018 - 04:43 PM (IST)
ਪਟਿਆਲਾ (ਵੈੱਬ ਡੈਸਕ) : 'ਸੁਪਰ ਸੰਡੇ' ਕਹੇ ਜਾਣ ਵਾਲੇ 7 ਅਕਤੂਬਰ ਨੂੰ ਸੱਤਾਧਾਰੀ ਕਾਂਗਰਸ ਅਤੇ ਅਕਾਲੀ ਦਲ ਦੇ ਮਹਾਰਥੀ ਇਕ ਦੂਜੇ 'ਤੇ ਖੂਬ ਵਰ੍ਹੇ। ਦੋਵੇਂ ਪਾਰਟੀਆਂ ਵੱਲੋਂ ਸ਼ਕਤੀ ਪ੍ਰਦਰਸ਼ਨ ਕੀਤਾ ਗਿਆ। ਅਕਾਲੀ ਦਲ ਦੇ ਸਰਪ੍ਰਸਤ ਪ੍ਰਕਾਸ਼ ਸਿੰਘ ਬਾਦਲ ਨੇ ਕਮਾਨ ਸੰਭਾਲਦਿਆਂ ਕੈਪਟਨ 'ਤੇ ਤਿੱਖੇ ਵਾਰ ਕੀਤੇ ਅਤੇ ਅਮਰਿੰਦਰ ਸਿੰਘ ਨੂੰ ਹਿਟਲਰ ਤਕ ਕਹਿ ਦਿੱਤਾ। ਉਥੇ ਹੀ ਸੁਖਬੀਰ ਬਾਦਲ ਅਤੇ ਬਿਕਰਮ ਮਜੀਠੀਆ ਵੀ ਪਿੱਛੇ ਨਹੀਂ ਹਟੇ। ਅਕਾਲੀ ਦਲ ਦੇ ਮਹਾਰਥੀਆਂ ਨੇ ਇਕ ਦੂਜੇ ਤੋਂ ਵੱਧ ਕੇ ਕੈਪਟਨ ਦੇ ਕਿਲੇ 'ਚ ਵੜ ਕੇ ਵਾਰ ਕੀਤੇ। ਇਸ ਰੈਲੀ 'ਚ ਕੀ ਰਹੀਆਂ ਵੱਡੀਆਂ ਅਤੇ ਖਾਸ ਗੱਲਾਂ, ਤੁਹਾਨੂੰ ਜਾਣੂ ਕਰਵਾਉਂਦੇ ਹਾਂ ਇਸ ਖਾਸ ਰਿਪੋਰਟ 'ਚ-
* ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਕਿ ਕਾਂਗਰਸ ਗੁਰਧਾਮਾਂ 'ਤੇ ਕਬਜ਼ਾ ਕਰਨਾ ਚਾਹੁੰਦੀ ਹੈ। ਇਸ ਤੋਂ ਬਾਅਦ ਪ੍ਰਕਾਸ਼ ਸਿੰਘ ਬਾਦਲ ਨੇ ਕੈਪਟਨ ਨੂੰ ਹਿਟਲਰ ਤੱਕ ਵੀ ਕਹਿ ਦਿੱਤਾ। ਪ੍ਰਕਾਸ਼ ਸਿੰਘ ਬਾਦਲ ਨੇ ਇਹ ਵੀ ਐਲਾਨ ਕੀਤਾ ਕਿ ਅਕਾਲੀ ਦਲ ਦੀ ਅਗਲੀ ਰੈਲੀ ਮਾਝਾ ਅਤੇ ਦੁਆਬਾ 'ਚ ਹੋਵੇਗੀ।
* ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਕਿਹਾ ਕਿ ਕਾਂਗਰਸ ਪੰਥਕ ਨਹੀਂ ਹੈ। ਪੰਜਾਬੀਆਂ ਦਾ ਖਜ਼ਾਨਾ ਖਾਲੀ ਨਹੀਂ ਹੋ ਸਕਦਾ, ਇਨ੍ਹਾਂ ਦੀ ਨੀਅਤ ਖਾਲੀ ਹੈ ਪਰ ਖਜ਼ਾਨਾ ਖਾਲੀ ਨਹੀਂ ਹੈ।
* ਸਾਬਕਾ ਮੰਤਰੀ ਬਿਕਰਮ ਮਜੀਠੀਆ ਨੇ ਸਿੱਧੂ 'ਤੇ ਤਿੱਖੇ ਵਾਰ ਕੀਤੇ। ਮਜੀਠੀਆ ਨੇ ਕਿਹਾ ਕਿ ਹੁਣ ਇਸ ਤਰ੍ਹਾਂ ਦਾ ਸਮਾਂ ਆ ਗਿਆ ਹੈ ਕਿ ਕਾਂਗਰਸ ਦੀ ਰੈਲੀ 'ਚ ਗੀਤ ਚੱਲਣ ਲੱਗ ਪਏ ਹਨ। ਮਜੀਠੀਆ ਨੇ ਖਹਿਰਾ ਦੀ ਤੁਲਨਾ ਊਠ ਨਾਲ ਵੀ ਕਰ ਦਿੱਤੀ।
