ਸਾਬਕਾ ਸਰਪੰਚ ਸਮੇਤ 9 ਵਿਅਕਤੀ ਇਰਾਦਾ ਕਤਲ ਕੇਸ ’ਚ ਨਾਮਜ਼ਦ, ਦੋ ਗ੍ਰਿਫਤਾਰ

ਝਬਾਲ,   (ਨਰਿੰਦਰ)-  ਮਾਣਯੋਗ ਅਦਾਲਤ ਦੇ ਹੁਕਮਾਂ ’ਤੇ ਕਾਰਵਾਈ ਕਰਦਿਆਂ ਥਾਣਾ ਝਬਾਲ ਦੀ ਪੁਲਸ ਨੇ ਸਾਬਕਾ ਅਕਾਲੀ ਸਰਪੰਚ ਜਸਬੀਰ ਸਿੰਘ ਸਵਰਗਾਪੁਰੀ ਸਮੇਤ 9 ਵਿਅਕਤੀਆਂ ਖਿਲਾਫ ਇਰਾਦਾ ਕਤਲ ਦਾ ਕੇਸ ਦਰਜ ਕਰਕੇ ਸਾਬਕਾ ਸਰਪੰਚ ਸਮੇਤ ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ ਵਿਚ ਪੇਸ਼ ਕਰ ਦਿੱਤਾ ਹੈ ਜਦੋਂਕਿ ਬਾਕੀਆਂ ਨੂੰ ਫਡ਼ਨ ਲਈ ਪੁਲਸ ਵੱਲੋਂ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਮੁਖੀ ਮਨੋਜ ਕੁਮਾਰ ਨੇ ਦੱਸਿਆ ਕਿ 31/1/2011 ਨੂੰ ਸਰਪੰਚ ਮੁਨੀਸ਼ ਕੁਮਾਰ ਮੋਨੂੰ ਚੀਮਾ ਦੇ ਬਿਆਨਾਂ ’ਤੇ  ਥਾਣਾ ਝਬਾਲ ਵਿਖੇ ਇਕ ਪਰਚਾ 3 ਵਿਅਕਤੀਆਂ ਵਿਰੁੱਧ ਸਰਪੰਚ ਮੁਨੀਸ਼ ਕੁਮਾਰ ਨੂੰ ਗੋਲੀ ਮਾਰ ਕੇ ਗੰਭੀਰ ਜ਼ਖਮੀ ਕਰਨ ਦਾ ਦਰਜ ਹੋਇਆ ਸੀ। ਜਿਸ ’ਤੇ ਮੋਨੂੰ ਚੀਮਾ ਨੇ ਮਾਣਯੋਗ ਅਦਾਲਤ ’ਚ ਦਰਖਾਸਤ ਦੇ ਕੇ ਇਹ ਦੋਸ਼ ਲਾਇਆ ਕਿ ਪੁਲਸ ਨੇ ਉਸ ਵਕਤ ਸਿਆਸੀ ਦਬਾਅ ਕਾਰਨ ਅਸਲ ਬੰਦਿਆਂ ਨੂੰ ਛੱਡ ਕੇ ਨਾਜਾਇਜ਼ ਬੰਦਿਆਂ ’ਤੇ ਕੇਸ ਦਰਜ ਕਰ ਦਿੱਤਾ ਹੈ। ਜਿਸ ’ਤੇ ਹੋਈ ਇਨਕੁਆਰੀ ਤੋਂ ਬਾਅਦ ਮਾਣਯੋਗ ਏ.ਸੀ.ਜੀ.ਐੱਮ. ਤਰਨਤਾਰਨ ਏ.ਐੱਸ. ਬਰਦਾ ਦੀ ਅਦਾਲਤ ਦੇ ਹੁਕਮਾਂ ’ਤੇ ਸਰਪੰਚ ਮੁਨੀਸ਼ ਕੁਮਾਰ ਮੋਨੂੰ ਚੀਮਾ ਦੇ ਬਿਆਨਾਂ ਦੇ ਅਾਧਾਰ ’ਤੇ ਸਾਬਕਾ ਅਕਾਲੀ ਸਰਪੰਚ ਜਸਬੀਰ ਸਿੰਘ ਸਵਰਗਾਪੁਰੀ ਪੁੱਤਰ ਗੁਰਬਚਨ ਸਿੰਘ, ਪੂਰਨ ਸਿੰਘ ਪੁੱਤਰ ਤਰਲੋਕ ਸਿੰਘ, ਅਰਵਿੰਦਰ ਸਿੰਘ ਪੁੱਤਰ ਕੁੰਨਣ ਸਿੰਘ ਅੱਡਾ ਝਬਾਲ, ਦਿਲਬਾਗ ਸਿੰਘ ਪੁੱਤਰ ਦਾਰਾ ਸਿੰਘ ਚੀਮੇ, ਸਰਵਣ ਸਿੰਘ ਪੁੱਤਰ ਤਰਲੋਕ ਸਿੰਘ, ਇੰਦਰਜੀਤ ਸਿੰਘ ਪੁੱਤਰ ਨਰਿੰਦਰ ਸਿੰਘ ਵਾਸੀ ਫਤਾਹਪੁਰ, ਹਰਪਾਲ ਸਿੰਘ ਪੁੱਤਰ ਦੇਸਾ ਸਿੰਘ ਤਖਤ ਮੱਲ, ਸਾਹਿਬ ਸਿੰਘ ਪੁੱਤਰ ਦਾਰਾ ਸਿੰਘ, ਮਨਦੀਪ ਸਿੰਘ ਪੁੱਤਰ ਅਵਤਾਰ ਸਿੰਘ ਅੱਡਾ ਝਬਾਲ ਆਦਿ ਵਿਅਕਤੀਆਂ ਖਿਲਾਫ ਇਰਾਦਾ ਕਤਲ ਕੇਸ ਦਰਜ ਕਰਕੇ ਸਾਬਕਾ ਸਰਪੰਚ ਜਸਬੀਰ ਸਿੰਘ ਅਤੇ ਪੂਰਨ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਬਾਕੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।