ਗਾਵਾਂ ਨੂੰ ਬਚਾਉਂਦੇ ਹੋਏ ਖੰਭੇ ''ਚ ਜਾ ਵੱਜੀ ਕਾਰ, ਨੌਜਵਾਨ ਦੀ ਮਜਬੂਰੀ ਦਾ ਫ਼ਾਇਦਾ ਚੁੱਕ ਲੁਟੇਰੇ ਨੇ ਖੋਹ ਲਏ ਲੱਖਾਂ ਰੁਪਏ

ਮਲੋਟ (ਜੁਨੇਜਾ, ਗੋਇਲ) - ਥਾਣਾ ਲੰਬੀ ਦੀ ਪੁਲਸ ਨੇ ਇਕ ਵਿਅਕਤੀ ਤੋਂ 2 ਲੱਖ 67 ਹਜ਼ਾਰ ਖੋਹ ਕੇ ਫਰਾਰ ਹੋਣ ਦੇ ਮਾਮਲੇ ’ਚ ਮਾਮਲਾ ਦਰਜ ਕਰ ਕੇ ਨਾਮਜ਼ਦ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

ਇਸ ਸਬੰਧੀ ਮਹੇਸ਼ ਨੰਦ ਸਰਸਵਤੀ ਪੁੱਤਰ ਨਿਤਿਆ ਨੰਦ ਵਾਸੀ ਡਿੱਗੀ ਵਾਲਾ ਡੇਰਾ ਕੋਟਲੀ ਰੋਡ ਪਥਰਾਲਾ ਨੇ ਪੁਲਸ ਨੂੰ ਦਰਜ ਬਿਆਨਾਂ ’ਚ ਕਿਹਾ ਹੈ ਕਿ ਉਹ ਆਪਣੀ ਸਵਿਫ਼ਟ ਕਾਰ ’ਚ ਡੇਰੇ ਤੋਂ ਮੰਡੀ ਕਿੱਲਿਆਂਵਾਲੀ ਆ ਰਿਹਾ ਸੀ। ਜਦੋਂ ਉਸ ਦੀ ਗੱਡੀ ਪੱਪੂ ਤੂੜੀ ਵਾਲੇ ਦੇ ਗੋਦਾਮ ਕੋਲ ਪੁੱਜੀ ਤਾਂ ਸੜਕ ’ਤੇ ਗਾਵਾਂ ਨੂੰ ਬਚਾਉਂਦੇ ਹੋਏ ਕਾਰ ਖੰਬੇ ਨਾਲ ਟਕਰਾ ਗਈ।

ਇਹ ਵੀ ਪੜ੍ਹੋ- ਰੱਖੜੀ ਵਾਲੇ ਦਿਨ ਨੌਜਵਾਨ ਨੇ ਭੈਣ-ਭਰਾ ਦੇ ਰਿਸ਼ਤੇ ਨੂੰ ਕੀਤਾ ਦਾਗ਼ਦਾਰ, ਮਾਂ ਕਹਿੰਦੀ- 'ਕੋਈ ਗੱਲ ਨਹੀਂ...'

ਕਾਰ ਨਾ ਚੱਲਣ ਯੋਗ ਹੋਣ ਕਰ ਕੇ ਉਹ ਕਾਰ 'ਚੋਂ ਬਾਹਰ ਆ ਗਿਆ। ਉਸ ਦੇ ਹੱਥ ’ਚ ਥੈਲਾ ਸੀ ਜਿਸ ਵਿਚ ਬੈਂਕ ’ਚੋਂ ਕਢਾਏ ਪੈਸਿਆਂ ਸਮੇਤ ਕੁੱਲ 2 ਲੱਖ 67 ਹਜ਼ਾਰ ਰੁਪਏ ਸੀ। ਇੰਨੀ ਦੇਰ ’ਚ ਹੀ ਬਚਨਾ ਰਾਮ ਪੁੱਤਰ ਪਿਆਰਾ ਰਾਮ ਵਾਸੀ ਘੁੱਦਾ ਉਸ ਦੇ ਕੋਲ ਆਇਆ ਅਤੇ ਉਸ ਦੇ ਹੱਥ ’ਚੋਂ ਪੈਸਿਆਂ ਵਾਲਾ ਝੋਲਾ ਲੈ ਕੇ ਫਰਾਰ ਹੋ ਗਿਆ। ਇਸ ਮਾਮਲੇ ’ਤੇ ਪੁਲਸ ਨੇ ਮੁਦਈ ਦੇ ਬਿਆਨਾਂ ’ਤੇ ਬਚਨਾ ਰਾਮ ਵਿਰੁੱਧ ਮਾਮਲਾ ਦਰਜ ਕਰ ਕੇ ਉਸ ਨੂੰ ਕਾਬੂ ਕਰ ਲਿਆ ਹੈ।

ਇਹ ਵੀ ਪੜ੍ਹੋ- ਨਹੀਂ ਰਿਲੀਜ਼ ਹੋਵੇਗੀ ਕੰਗਨਾ ਦੀ Emergency ! ਸਿੱਖ ਜਥੇਬੰਦੀਆਂ ਨੇ ਕਰ'ਤਾ ਵੱਡਾ ਐਲਾਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e