ਮੈਡ ਸੰਧੂ ਨੂੰ ਗੋਲ਼ੀਆਂ ਮਾਰਨ ਵਾਲਾ ਸ਼ੂਟਰ ਗ੍ਰਿਫ਼ਤਾਰ ! ਬਾਲੀਵੁੱਡ ਦਾ ਇਹ ਦਿੱਗਜ ਅਦਾਕਾਰ ਸੀ ਅਗਲਾ ਟਾਰਗੇਟ

ਨਵੀਂ ਦਿੱਲੀ (ਏਜੰਸੀ)- ਦਿੱਲੀ ਪੁਲਸ ਨੇ 2 ਸ਼ੱਕੀ ਸ਼ੂਟਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ, ਜੋ ਕਥਿਤ ਤੌਰ 'ਤੇ ਦਿੱਲੀ ਦੇ ਇੱਕ ਕਾਰੋਬਾਰੀ ਅਤੇ ਬਾਲੀਵੁੱਡ ਦੇ ਇੱਕ ਚੋਟੀ ਦੇ ਅਦਾਕਾਰ ਨੂੰ "ਵੱਖ-ਵੱਖ ਹਮਲਿਆਂ" ਵਿੱਚ ਨਿਸ਼ਾਨਾ ਬਣਾਉਣ ਦੀ ਯੋਜਨਾ ਬਣਾ ਰਹੇ ਸਨ। ਸੂਤਰਾਂ ਨੇ ਅਦਾਕਾਰ ਦੀ ਪਛਾਣ ਅਮਿਤਾਭ ਬੱਚਨ ਵਜੋਂ ਕੀਤੀ ਹੈ। ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮਾਂ ਵਿੱਚੋਂ ਇੱਕ, ਜਿਸ ਦੀ ਪਛਾਣ ਪੰਜਾਬ ਦੇ ਤਰਨਤਾਰਨ ਨਿਵਾਸੀ ਦੀਪ ਉਰਫ਼ ਦੀਪਕ (25) ਸਿੰਘ ਵਜੋਂ ਹੋਈ ਹੈ, ਕਥਿਤ ਤੌਰ 'ਤੇ ਅੰਮ੍ਰਿਤਸਰ (ਪੰਜਾਬ) ਵਿੱਚ ਸੋਸ਼ਲ ਮੀਡੀਆ ਇਨਫਲੂਐਂਸਰ ਮੈਡ ਸੰਧੂ ਦੇ 3 ਅਕਤੂਬਰ ਨੂੰ ਹੋਏ ਕਤਲ ਤੋਂ ਬਾਅਦ ਲਗਭਗ ਇੱਕ ਮਹੀਨੇ ਤੋਂ ਮੁੰਬਈ ਵਿੱਚ ਲੁਕਿਆ ਹੋਇਆ ਸੀ। ਪੁਲਸ ਦੇ ਸਪੈਸ਼ਲ ਸੈੱਲ ਨੇ ਦੀਪਕ ਨੂੰ ਮੁੰਬਈ ਤੋਂ ਅਤੇ ਜਲੰਧਰ ਨਿਵਾਸੀ ਵਿਕਾਸ ਠਾਕੁਰ ਉਰਫ਼ ਵਿੱਕੀ (25) ਨੂੰ ਦਿੱਲੀ ਤੋਂ ਗ੍ਰਿਫਤਾਰ ਕੀਤਾ ਹੈ।

ਇਹ ਵੀ ਪੜ੍ਹੋ: 50 ਸਾਲ ਦੀ ਉਮਰ 'ਚ ਕੰਮ ਲਈ ਤਰਸੇ ਸ਼ਰਦ ਕਪੂਰ; AICWA ਪ੍ਰਧਾਨ ਨੇ ਕਿਹਾ- "ਅੱਜ ਉਸ ਨੂੰ ਸਾਡੀ ਲੋੜ ਹੈ"

ਪੁਲਸ ਜਾਂਚ ਅਨੁਸਾਰ, ਦੀਪਕ ਮੁੰਬਈ ਦੇ ਮਲਾਡ ਇਲਾਕੇ ਵਿੱਚ ਇੱਕ ਕਿਰਾਏ ਦੇ ਮਕਾਨ ਵਿੱਚ ਰਹਿ ਰਿਹਾ ਸੀ ਅਤੇ ਆਪਣੇ ਰੋਜ਼ਾਨਾ ਖਰਚਿਆਂ ਲਈ QR ਕੋਡਾਂ ਰਾਹੀਂ ਪੈਸੇ ਪ੍ਰਾਪਤ ਕਰ ਰਿਹਾ ਸੀ। ਪੁਲਸ ਨੂੰ ਪਤਾ ਲੱਗਾ ਕਿ ਸਬਜ਼ੀ ਵੇਚਣ ਵਾਲਿਆਂ, ਪਾਨ ਦੀਆਂ ਦੁਕਾਨਾਂ ਅਤੇ ਰੈਸਟੋਰੈਂਟਾਂ ਦੇ QR ਕੋਡਾਂ ਦੀ ਵਰਤੋਂ ਉਸ ਨੂੰ ਪੈਸੇ ਭੇਜਣ ਲਈ ਕੀਤੀ ਜਾ ਰਹੀ ਸੀ। ਉਹ ਕਥਿਤ ਤੌਰ 'ਤੇ ਇੱਕ ਨਿੱਜੀ ਮੈਸੇਜਿੰਗ ਐਪਲੀਕੇਸ਼ਨ ਰਾਹੀਂ ਵਿਦੇਸ਼ ਵਿੱਚ ਬੈਠੇ ਆਪਣੇ 'ਹੈਂਡਲਰਾਂ' ਦੇ ਸੰਪਰਕ ਵਿੱਚ ਵੀ ਸੀ। 

ਇਹ ਵੀ ਪੜ੍ਹੋ: Indian ਦੇ ਹੱਥ ਆਵੇਗੀ Nvidia ਦੀ ਕਮਾਨ ! ਕੰਪਨੀ ਦਾ CEO ਬਣਨ ਦੀ ਦੌੜ 'ਚ ਸਭ ਤੋਂ ਅੱਗੇ ਭਾਰਤੀ ਮਹਾਰਥੀ

ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਦੀਪਕ ਨੂੰ ਬਾਲੀਵੁੱਡ ਅਦਾਕਾਰ ਦੇ ਘਰ ਦੀ ਰੇਕੀ ਕਰਨ ਲਈ ਲੰਬੇ ਸਮੇਂ ਲਈ ਮੁੰਬਈ ਵਿੱਚ ਰਹਿਣ ਦਾ ਨਿਰਦੇਸ਼ ਦਿੱਤਾ ਗਿਆ ਸੀ। ਖਬਰਾਂ ਅਨੁਸਾਰ, ਇਸ ਯੋਜਨਾਬੱਧ ਹਮਲੇ ਨੂੰ ਅੰਜਾਮ ਦੇਣ ਲਈ ਇੱਕ ਹੋਰ ਹਮਲਾਵਰ ਨੇ ਵੀ ਮੁੰਬਈ ਪਹੁੰਚਣਾ ਸੀ। ਸਪੈਸ਼ਲ ਸੈੱਲ ਪੁਲਸ ਸਟੇਸ਼ਨ ਵਿੱਚ ਆਰਮਜ਼ ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ: 1.7 ਬਿਲੀਅਨ ਵਿਊਜ਼ ਵਾਲੇ ਗਾਣੇ ਦੀ ਮਸ਼ਹੂਰ ਗਾਇਕਾ ਨੇ ਚੁੱਪ-ਚਪੀਤੇ ਯਸ਼ ਨਾਲ ਕਰਾ ਲਈ ਮੰਗਣੀ ! ਦੇਖੋ ਖ਼ੂਬਸੂਰਤ Pics

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e