ਪੰਜਾਬ ''ਚ 20,00,000 ਰੁਪਏ ਦੇ ਵੱਡੀ ਲੁੱਟ! ਹਥਿਆਰਾਂ ਦੇ ਜ਼ੋਰ ''ਤੇ ਲੈ ਗਏ ਪਟਾਕੇ

ਲੁਧਿਆਣਾ (ਅਨਿਲ): ਥਾਣਾ ਸਲੇਮ ਟਾਬਰੀ ਦੇ ਅਧੀਨ ਆਉਂਦੇ ਦਾਣਾ ਮੰਡੀ ਵਿਚ ਸਥਿਤ ਪਟਾਕਿਆਂ ਦਾ ਕਾਰੋਬਾਰ ਕਰਨ ਵਾਲੇ ਕਾਰੋਬਾਰੀ ਤੋਂ ਹਥਿਆਰ ਦੀ ਨੋਕ 'ਤੇ 20 ਲੱਖ ਰੁਪਏ ਦੇ ਕਰੀਬ ਪਟਾਕੇ ਦੀ ਲੁੱਟ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।

ਇਸ ਸਬੰਧੀ ਅੱਜ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਪਟਾਕਾ ਕਾਰੋਬਾਰੀ ਪ੍ਰਧਾਨ ਪ੍ਰਦੀਪ ਪੱਪਾ ਵਾਸੀ ਜਨਕਪੁਰੀ ਨੇ ਦੱਸਿਆ ਕਿ ਦਾਣਾ ਮੰਡੀ ਵਿਚ ਲੱਗੀ ਪਟਾਕਾ ਮਾਰਕੀਟ ਵਿਚ ਉਸ ਦੀ 33 ਨੰਬਰ ਦੀ ਦੁਕਾਨ ਸੀ, ਜਿੱਥੇ 7 ਨਵੰਬਰ ਦੀ ਰਾਤ ਨੂੰ 30 ਤੋਂ 40 ਵਿਅਕਤੀ ਹਥਿਆਰ ਲੈ ਕੇ ਆਏ ਤੇ ਉਸ ਦੀ ਦੁਕਾਨ ਤੋਂ ਜ਼ਬਰਦਸਤੀ 20 ਲੱਖ ਦੇ ਕਰੀਬ ਪਟਾਕੇ ਬੋਰੀਆਂ ਵਿਚ ਭਰ ਕੇ ਆਪਣੀ ਗੱਡੀਆਂ ਵਿਚ ਲੁੱਟ ਕੇ ਫ਼ਰਾਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਇਸ ਦੀ ਸ਼ਿਕਾਇਤ ਥਾਣਾ ਸਲੇਮ ਟਾਬਰੀ ਦੀ ਪੁਲਸ ਨੂੰ ਕੀਤੀ ਗਈ ਹੈ।