ਪੰਜਾਬ ਦੇ 14 ਪਿੰਡਾਂ ਦੀਆਂ ਜ਼ਮੀਨਾਂ ਦੇ ਵੱਧਣਗੇ ਭਾਅ! ਸਰਕਾਰ ਨੇ ਜਾਰੀ ਕੀਤੀ ਨਵੀਂ ਨੋਟੀਫਿਕੇਸ਼ਨ

ਮੋਹਾਲੀ (ਰਣਬੀਰ) : ਇਕ ਵੱਡੇ ਪ੍ਰਸ਼ਾਸਕੀ ਫ਼ੈਸਲੇ ਅਧੀਨ ਪੰਜਾਬ ਸਰਕਾਰ ਨੇ ਤਾਜ਼ਾ ਨੋਟੀਫਿਕੇਸ਼ਨ ਜਾਰੀ ਕਰਦਿਆਂ ਮੋਹਾਲੀ ਨਗਰ ਨਿਗਮ ਦੀ ਹੱਦ ਵਧਾਉਣ ਦਾ ਐਲਾਨ ਕੀਤਾ ਹੈ। ਨਵੇਂ ਹੁਕਮਾਂ ਮੁਤਾਬਕ ਕੁੱਲ 14 ਪਿੰਡਾਂ ਨੂੰ ਅਧਿਕਾਰਕ ਤੌਰ ’ਤੇ ਮੋਹਾਲੀ ਨਗਰ ਨਿਗਮ ਦੇ ਅਧੀਨ ਸ਼ਾਮਲ ਕੀਤਾ ਗਿਆ ਹੈ। ਨਗਰ ਨਿਗਮ ’ਚ ਸ਼ਾਮਲ ਕੀਤੇ ਗਏ ਨਵੇਂ ਪਿੰਡਾਂ ’ਚ ਬਰਿਆਲੀ, ਸੰਭਾਲਕੀ, ਬੱਲੋ ਮਾਜਰਾ, ਲਖਨੌਰ, ਚੱਪੜ ਚਿੜੀ ਕਲਾਂ, ਚੱਪੜਚਿੜੀ ਖੁਰਦ, ਨਾਨੂੰ ਮਾਜਰਾ, ਬਲੌਂਗੀ ਲਾਂਡਰਾਂ ਮੌਲੀ ਬੈਦਵਾਨ, ਕੰਬਾਲੀ, ਰੁੜਕਾ, ਚਿੱਲਾ ਅਤੇ ਗਰੀਨ ਇਨਕਲੇਵ ਕੁੱਲ 14 ਪਿੰਡ ਸ਼ਾਮਲ ਹਨ। ਇਸ ਸਬੰਧੀ ਸਰਕਾਰ ਦੇ ਵਧੀਕ ਮੁੱਖ ਸਕੱਤਰ ਸਥਾਨਕ ਸਰਕਾਰਾਂ ਵਿਭਾਗ ਦੇ ਤੇਜਵੀਰ ਸਿੰਘ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤੀ ਗਈ ਹੈ। ਨੋਟੀਫਿਕੇਸ਼ਨ ਅਨੁਸਾਰ ਨਵੀਂ ਹੱਦ ਬੰਦੀ ’ਚ ਸੈਕਟਰ-66 ਅਲਫਾ, ਸੈਕਟਰ-66 ਬੀਟਾ, ਐਰੋ ਸਿਟੀ, ਆਈ. ਟੀ. ਸਿਟੀ, ਸੈਕਟਰ-80, 81, 82, 83, 85, 86, 88-89, 90-91, 94, ਸੈਕਟਰ-93, ਲਾਂਡਰਾਂ ਗੋਲਫ ਕੋਰਸ/ਸਪੋਰਟਸ ਅਤੇ ਰੀਕਰੀਏਸ਼ਨ, 92 (ਅਲਫਾ) ਦੇ ਨਾਲ-2 ਚੱਲਦੇ ਹੋਏ ਸੈਕਟਰ-116 (ਪਿੰਡ ਚੱਪੜਚਿੜੀ ਖੁਰਦ, ਲਾਂਡਰਾਂ ਤੇ ਚੱਪੜਚਿੜੀ ਕਲਾਂ, ਸੈਕਟਰ-74 ਏ, ਪਿੰਡ ਬਲੌਂਗੀ, ਬੱਲੋਮਾਜਰਾ, ਟੀ. ਡੀ. ਆਈ. ਸੈਕਟਰ-117-118, ਗੇਟ ਵੇਅ ਸਿਟੀ, ਗ੍ਰੀਨ ਇਨਕਲੇਵ, ਪਿੰਡ ਬਲਿਆਲੀ, ਚੱਪੜਚਿੜੀ, ਲਾਂਡਰਾਂ, ਏ. ਟੀ. ਐੱਸ. ਨੂੰ ਵੀ ਨਗਰ ਨਿਗਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਮੁੱਖ ਸਕੱਤਰ ਤੇਜਵੀਰ ਸਿੰਘ ਦੇ ਦਸਤਖ਼ਤ ਤਹਿਤ ਜਾਰੀ ਹੋਏ ਇਸ ਨੋਟੀਫਿਕੇਸ਼ਨ ’ਚ ਕਿਹਾ ਗਿਆ ਹੈ ਕਿ ਨਿਗਮ ਮੋਹਾਲੀ ਦੇ ਹਾਊਸ ਵੱਲੋਂ 28 ਜੂਨ 2021 ਨੂੰ ਪਾਸ ਕੀਤੇ ਮਤੇ ਰਾਹੀਂ ਨਗਰ ਨਿਗਮ ਮੋਹਾਲੀ ਦੀਆਂ ਹੱਦਾਂ ਦੇ ਨਾਲ ਲੱਗਦੇ ਏਰੀਏ ਨੂੰ ਉਨ੍ਹਾਂ ਦੇ ਸਰਵ-ਪੱਖੀ ਵਿਕਾਸ ਲਈ ਨਗਰ ਨਿਗਮ, ਮੋਹਾਲੀ ਦੀ ਹਦੂਦ ਅੰਦਰ ਲੈਣ ਦਾ ਫ਼ੈਸਲਾ ਕੀਤਾ ਗਿਆ ਸੀ, ਜਿਸ ਨੂੰ ਵਿਚਾਰਨ ਤੋਂ ਬਾਅਦ ਸਰਕਾਰ ਵੱਲੋਂ 13 ਦਸੰਬਰ 2021 ਨੂੰ ਨੋਟੀਫਿਕੇਸ਼ਨ ਜਾਰੀ ਕਰਦਿਆਂ ਆਮ ਜਨਤਾ ਪਾਸੋਂ ਇਤਰਾਜ਼ ਮੰਗੇ ਗਏ ਸਨ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਸੀਤ ਲਹਿਰ ਤੇ ਧੁੰਦ ਦਾ ਅਲਰਟ ਜਾਰੀ, ਇਨ੍ਹਾਂ 7 ਜ਼ਿਲ੍ਹਿਆਂ ਲਈ ਕੀਤੀ ਗਈ ਵੱਡੀ ਭਵਿੱਖਬਾਣੀ

ਇਸ ਕਾਰਵਾਈ ਦੌਰਾਨ ਕਮਿਸ਼ਨਰ ਨਗਰ ਨਿਗਮ ਮੋਹਾਲੀ, ਮੁੱਖ ਪ੍ਰਸ਼ਾਸਕ ਗਮਾਡਾ ਤੇ ਡਿਪਟੀ ਕਮਿਸ਼ਨਰ ਮੋਹਾਲੀ ਵੱਲੋਂ ਸਾਂਝੇ ਤੌਰ ’ਤੇ ਭੇਜੀ ਗਈ ਤਾਜ਼ਾ ਸਥਿਤੀ ਦੀ ਰਿਪੋਰਟ ਨੂੰ ਵਿਚਾਰਦੇ ਹੋਏ ਨਗਰ ਨਿਗਮ ਮੋਹਾਲੀ ਦੀਆਂ ਨਵੀਂ ਸ਼ਡਿਊਲ ਆਫ਼ ਬਾਊਂਡਰੀ ਅਨੁਸਾਰ ਮਿਊਂਸੀਪਲ ਹੱਦਾਂ ’ਚ ਵਾਧਾ ਕਰਨ ਸਬੰਧੀ ਫ਼ੈਸਲਾ ਲਿਆ ਗਿਆ ਤੇ ਪੰਜਾਬ ਮਿਊਂਸੀਪਲ ਕਾਰਪੋਰੇਸ਼ਨ ਐਕਟ-1976 ਦੀ ਧਾਰਾ-3(6) ਅਧੀਨ ਨੋਟੀਫਿਕੇਸ਼ਨ ਨੰਬਰ 06/11/2021-2ਸਸ1/1603-1605 ਮਿਤੀ 13.12.2021 ਦੀ ਅਧਿਲੰਘਣਾ ਕਰਦਿਆਂ ਨਵੀਂ ਮੁੱਢਲੀ ਅਧਿਸੂਚਨਾ ਨੰ: 06/11/2021-2ਸਸ 1/673-674 ਮਿਤੀ 21.10.2025 ਜਾਰੀ ਕੀਤੀ ਗਈ, ਜਿਸ ਰਾਹੀਂ ਆਮ ਜਨਤਾ ਤੋਂ ਇਸ ਸਬੰਧੀ ਇਤਰਾਜ਼/ਸੁਝਾਅ ਮੰਗੇ ਗਏ। ਨੋਟੀਫਿਕੇਸ਼ਨ ਅਨੁਸਾਰ ਇਸ ਮੁੱਢਲੀ ਅਧਿਸੂਚਨਾ ਦੇ ਸਬੰਧ ’ਚ ਆਮ ਜਨਤਾ ਅਤੇ ਵੱਖ-ਵੱਖ ਧਿਰਾਂ ਵੱਲੋਂ ਆਪੋ-ਆਪਣੇ ਰਿਹਾਇਸ਼ੀ ਇਲਾਕਿਆਂ ਨੂੰ ਨਗਰ ਨਿਗਮ ਮੋਹਾਲੀ ਦੀ ਹੱਦ ’ਚ ਸ਼ਾਮਲ ਕਰਨ ਸਬੰਧੀ ਕਈ ਇਤਰਾਜ਼ ਪ੍ਰਾਪਤ ਹੋਏ। ਇਨ੍ਹਾਂ ਇਤਰਾਜ਼ਾਂ ਦੇ ਹੱਲ ਵਾਸਤੇ ਵਧੀਕ ਮੁੱਖ ਸਕੱਤਰ, ਸਥਾਨਕ ਸਰਕਾਰ ਵਿਭਾਗ ਪੰਜਾਬ ਵੱਲੋਂ ਕਮਿਸ਼ਨਰ ਨਗਰ ਨਿਗਮ ਮੋਹਾਲੀ ਦੇ ਨਾਲ ਇਨ੍ਹਾਂ ਇਤਰਾਜ਼ ਕਰਤਾਵਾਂ ਦੀ 20 ਨਵੰਬਰ ਨੂੰ ਨਿੱਜੀ ਤੌਰ ’ਤੇ ਸੁਣਵਾਈ ਕੀਤੀ ਗਈ। ਇਸ ਸੁਣਵਾਈ ਦੌਰਾਨ ਇਤਰਾਜ਼ ਕਰਤਾਵਾਂ ਵੱਲੋਂ ਮੋਹਾਲੀ ’ਚ ਪੈਂਦੇ ਕਈ ਇਲਾਕਿਆਂ ਨੂੰ ਨਗਰ ਨਿਗਮ ਦੀ ਹੱਦ ’ਚ ਸ਼ਾਮਲ ਕਰਨ ਸਬੰਧੀ ਇਤਰਾਜ਼/ਸੁਝਾਅ ਦਿੱਤੇ ਗਏ। ਇਨ੍ਹਾਂ ਸਾਰੇ ਇਤਰਾਜ਼ਾਂ/ਸੁਝਾਵਾਂ ਨੂੰ ਸਮਰੱਥ ਅਥਾਰਟੀ ਦੇ ਪੱਧਰ ’ਤੇ ਜ਼ਮੀਨੀ ਨਿਰੰਤਰਤਾ ਦੇ ਸਿਧਾਂਤ ਅਤੇ ਹੋਰ ਤਰਕਾਂ ਅਨੁਸਾਰ ਵਿਚਾਰਦੇ ਹੋਏ ਇਨ੍ਹਾਂ ’ਤੇ ਯੋਗ ਫ਼ੈਸਲਾ ਲਿਆ ਗਿਆ। ਨਗਰ ਨਿਗਮ ਦੀ ਹੱਦਬਦੀ ’ਚ ਪਿੰਡ ਬਲੌਂਗੀ, ਟੀ. ਡੀ. ਆਈ., ਗੇਟ ਵੇਅ ਸਿਟੀ ਸਮੇਤ ਚੱਪੜ ਚਿੜੀ ਅਤੇ ਲਾਂਡਰਾਂ ਦੇ ਸ਼ਾਮਲ ਹੋਣ ਨਾਲ ਜਿੱਥੇ ਇਨ੍ਹਾਂ ਖੇਤਰਾਂ ਦੇ ਲੋਕਾਂ ’ਚ ਖੁਸ਼ੀ ਦਾ ਮਾਹੌਲ ਹੈ

ਇਹ ਵੀ ਪੜ੍ਹੋ : ਪੰਜਾਬ ਵਾਸੀਆਂ ਲਈ ਹੋਇਆ ਵੱਡਾ ਐਲਾਨ, ਪਿੰਡਾਂ ਦੇ ਪੰਚਾਂ-ਸਰਪੰਚਾਂ ਨੂੰ CM ਮਾਨ ਦੀ ਖ਼ਾਸ ਅਪੀਲ (ਵੀਡੀਓ)
ਸਰਕਾਰ ਦਾ ਲੋਕ ਪੱਖੀ ਫ਼ੈਸਲਾ : ਕੁਲਵੰਤ ਸਿੰਘ
ਨਗਰ ਨਿਗਮ ਦੀ ਹੱਦਬੰਦੀ ’ਚ ਵਾਧੇ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਹੋਣ ’ਤੇ ਹਲਕਾ ਵਿਧਾਇਕ ਕੁਲਵੰਤ ਸਿੰਘ ਨੇ ਕਿਹਾ ਹੈ ਕਿ ਇਹ ਨੋਟੀਫਿਕੇਸ਼ਨ ਜਾਰੀ ਕਰਕੇ ਲੋਕਾਂ ਦੇ ਹਿੱਤ ’ਚ ਕੰਮ ਕਰਨ ਵਾਲੀ ਸਰਕਾਰ ਨੇ ਲੋਕਾਂ ਦੀ ਮਰਜ਼ੀ ਅਨੁਸਾਰ ਲੋਕ ਪੱਖੀ ਫ਼ੈਸਲਾ ਕਰਕੇ ਮੋਹਾਲੀ ਦੇ ਨਾਲ ਲਗਦੇ ਕਈ ਖੇਤਰਾਂ ਨੂੰ ਨਗਰ ਨਿਗਮ ’ਚ ਸ਼ਾਮਲ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਤਜਵੀਜ਼ ਕੀਤੇ ਨੋਟੀਫਿਕੇਸ਼ਨ ’ਚ ਕੁੱਝ ਖੇਤਰ ਬਾਹਰ ਰਹਿ ਗਏ ਸਨ ਅਤੇ ਉਨ੍ਹਾਂ ਖੇਤਰਾਂ ਦੇ ਲੋਕਾਂ ਵੱਲੋਂ ਉਨ੍ਹਾਂ ਨਾਲ ਮੁਲਾਕਾਤ ਕਰਕੇ ਇਨ੍ਹਾਂ ਖੇਤਰਾਂ ਨੂੰ ਵੀ ਨਿਗਮ ’ਚ ਸ਼ਾਮਲ ਕਰਵਾਉਣ ਦੀ ਮੰਗ ਕੀਤੀ ਸੀ, ਜਿਸ ’ਤੇ ਉਨ੍ਹਾਂ ਨੇ ਸਰਕਾਰ ਨਾਲ ਗੱਲ ਕਰਕੇ ਲੋਕਾਂ ਦੀਆਂ ਭਾਵਨਾਵਾਂ ਤੋਂ ਜਾਣੂੰ ਕਰਵਾਇਆ ਸੀ ਅਤੇ ਹੁਣ ਸਰਕਾਰ ਨੇ ਲੋਕਾਂ ਦੀਆਂ ਭਾਵਨਾਵਾਂ ਅਨੁਸਾਰ ਨਵਾਂ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ। ਜਿਸ ਲਈ ਉਹ ਸਰਕਾਰ ਦੇ ਧੰਨਵਾਦੀ ਹਨ।
ਜ਼ਮੀਨਾਂ ਦੇ ਵੱਧਣਗੇ ਭਾਅ
ਇਸ ਫ਼ੈਸਲੇ ਨਾਲ ਸਭ ਤੋਂ ਵੱਡਾ ਪ੍ਰਭਾਵ ਜ਼ਮੀਨਾਂ ਦੇ ਭਾਅ 'ਤੇ ਪੈਣ ਦੀ ਸੰਭਾਵਨਾ ਹੈ। ਨਿਗਮ ਅਧੀਨ ਆਉਣ ਨਾਲ ਇਹ ਇਲਾਕੇ ਸ਼ਹਿਰੀ ਵਿਕਾਸ ਦੇ ਕੇਂਦਰ ਬਣ ਜਾਣਗੇ। ਇਸ ਕਾਰਨ ਪਲਾਟਾਂ ਅਤੇ ਖੇਤੀਬਾੜੀ ਜ਼ਮੀਨਾਂ ਦੀ ਕੀਮਤ 'ਚ ਕਾਫ਼ੀ ਵਾਧਾ ਹੋ ਸਕਦਾ ਹੈ। ਨਿਵੇਸ਼ਕਾਰਾਂ, ਬਿਲਡਰਾਂ ਅਤੇ ਕਾਰੋਬਾਰੀਆਂ ਦੀ ਦਿਲਚਸਪੀ ਵੱਧਣ ਕਾਰਨ ਪ੍ਰਾਪਰਟੀ ਮਾਰਕਿਟ 'ਚ ਉਭਾਰ ਆਵੇਗਾ, ਜੋ ਸਥਾਨਕ ਲੋਕਾਂ ਲਈ ਆਰਥਿਕ ਫ਼ਾਇਦੇ ਦਾ ਸਰੋਤ ਬਣ ਸਕਦਾ ਹੈ।
ਲੋਕਾਂ ਸਣੇ ਪਿੰਡਾਂ ਦੀ ਤਰੱਕੀ ਦੇ ਖੁੱਲਣਗੇ ਨਵੇਂ ਰਾਹ
ਨਰੇਸ਼ ਕੁਮਾਰ ਨੇਸ਼ੀ ਪਿੰਡ ਬਲੌਂਗੀ, ਅਨਿਲ ਬਾਂਸਲ, ਪ੍ਰੀਤ ਸਿੰਘ, ਰਣਧੀਰ ਸਿੰਘ ਰਾਜੂ ਨੇ ਕਿਹਾ ਕਿ ਕਿਸੇ ਸਮੇਂ ਬਲੌਂਗੀ ਪਿੰਡ ’ਚ ਕੁੱਲ 62 ਘਰ ਹੁੰਦੇ ਸਨ, ਜੋ ਹੌਲੀ-ਹੌਲੀ ਵੱਧਦੇ ਹੋਏ ਕਿਤੋਂ ਦੀ ਕਿਤੇ ਪੁੱਜ ਚੁੱਕੇ ਹਨ। ਜੇਕਰ ਇਕੱਲਾ ਬਲੌਂਗੀ ਨੂੰ ਹੀ ਦੇਖ ਲਈਏ ਤਾਂ ਲੋਕਾਂ ਨੇ ਆਪਣੀ ਮਿਹਨਤ ਦੀ ਜਮਾਂ ਪੂੰਜੀ ਰਾਹੀਂ ਕਿਸੇ ਨੇ ਸੁਫ਼ਨਿਆਂ ਦੇ ਘਰ ਕਿਸੇ ਨੇ ਆਪਣੇ ਕਾਰੋਬਾਰ ਵੱਡੀਆਂ ਉਸਾਰੀਆਂ ਦੇ ਰੂਪ ’ਚ ਇੱਥੇ ਸ਼ੁਰੂ ਕਰ ਲਏ ਹਨ। ਪੈਰੀਫੈਰੀ ਐਕਟ ਤਹਿਤ ਉਨ੍ਹਾਂ ’ਤੇ ਹਮੇਸ਼ਾ ਇਕ ਤਰ੍ਹਾਂ ਨਾਲ ਤਲਵਾਰ ਲਟਕਦੀ ਰਹਿੰਦੀ ਹੈ। ਕਾਰਪੋਰੇਸ਼ਨ ’ਚ ਆਉਣ ਨਾਲ ਜਿੱਥੇ ਲੋਕਾਂ ਨੂੰ ਇਸ ਤੋਂ ਰਾਹਤ ਮਿਲੇਗੀ, ਉੱਥੇ ਹੀ ਕਾਰਪੋਰੇਸ਼ਨ ਲਈ ਵੀ ਇਹ ਪਿੰਡ ਆਮਦਨ ਦੇ ਸਾਧਨ ਵਜੋਂ ਸਾਬਤ ਹੋਣਗੇ। ਸ਼ਹਿਰ ਨੂੰ ਹੋਰ ਵਧੀਆ ਅਤੇ ਵਿਊਂਤਬੰਦੀ ਨਾਲ ਡਿਵੈਲਪ ਕਰਨ ’ਚ ਇਸ ਨਾਲ ਮਦਦ ਮਿਲੇਗੀ। ਕਿਉਂਕਿ ਪੰਚਾਇਤਾਂ ਅਧੀਨ ਹਜ਼ਾਰਾਂ ਏਕੜ ਜ਼ਮੀਨ ਆਉਂਦੀ ਹੈ। ਜਿਸ ਨਾਲ ਬਹੁਤ ਵੱਡਾ ਫ਼ਾਇਦਾ ਡਿਵੈਲਪਮੈਂਟ ਵਜੋਂ ਮੋਹਾਲੀ ਨੂੰ ਮਿਲਣ‌ ਦੀ ਉਮੀਦ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8