ਸਾਵਧਾਨ! ਹੁਣ ਕੂੜੇ ਦੇ ਡੰਪਾਂ 'ਤੇ ਹੋਵੇਗਾ ਪੁਲਸ ਦਾ ਪਹਿਰਾ

ਜਲੰਧਰ - ਜਲੰਧਰ ਸ਼ਹਿਰ 'ਚ ਰੱਖੇ ਗਏ ਕੂੜੇ ਦੇ ਡੰਪਾਂ ਨੂੰ ਪੁਲਸ ਦੇ ਪਹਿਲੇ ਹੇਠ ਰੱਖਣ ਦਾ ਹੈਰਾਨੀਜਨਕ ਕਦਮ ਦਾ ਹਾਂਪੱਖੀ ਨਤੀਜਾ ਸਾਹਮਣੇ ਆ ਰਿਹਾ ਹੈ। ਐਤਵਾਰ ਰਾਤ ਨੂੰ ਨਗਰ ਨਿਗਮ ਅਤੇ ਪੁਲਸ ਨੇ ਬਲਰਟਨ ਪਾਰਕ ਅਤੇ ਨੈਸ਼ਨਲ ਹਾਈਵੇ 'ਤੇ ਰਾਗਾ ਮੋਟਰਸ ਕੋਲ ਨਗਰ ਨਿਗਮ ਦੇ ਡੰਪ 'ਤੇ ਕੂੜਾ ਸੁੱਟਣ ਆਏ 2 ਵਾਹਨਾਂ ਨੂੰ ਜ਼ਬਤ ਕਰ ਲਿਆ। ਦੱਸ ਦੇਈਏ ਕਿ ਇਹ ਵਾਹਨ ਫਿਲਹਾਲ ਨਗਰ ਨਿਗਮ ਦੇ ਕਬਜ਼ੇ 'ਚ ਹਨ ਅਤੇ ਇਨ੍ਹਾਂ ਨੂੰ ਜੁਰਮਾਨੇ ਮਗਰੋਂ ਛੱਡ ਦਿੱਤਾ ਜਾਵੇਗਾ।  ਇਨ੍ਹਾਂ ਵਾਹਨਾਂ 'ਚ ਕਮਰਸ਼ੀਅਲ ਯੂਨੀਟਸ ਦਾ ਕੂੜਾ ਸੀ। ਇਹ ਕੂੜਾ ਵੱਡੇ-ਵੱਡੇ ਪੌਲੀਥੀਨ ਬੈਗ 'ਚ ਭਰਿਆ ਸੀ ਅਤੇ ਰਾਤ 12 ਵਜੇ ਤੋਂ ਬਾਅਦ ਇਨ੍ਹਾਂ ਨੂੰ ਨਗਰ ਨਿਗਮ ਦੇ ਨੋਟੀਫਾਈ ਡੰਪਾ 'ਤੇ ਸੁੱਟਿਆ ਜਾ ਰਿਹਾ ਸੀ। ਹੈਰਾਨੀਜਨਕ ਹੈ ਕਿ ਪੰਜਾਬ ਵਰਗੇ ਸੂਬੇ 'ਚ ਜਿੱਥੇ ਲੋਕ ਪੈਸੇ ਖਰਚ ਕਰਨ ਦੇ ਬਾਰੇ ਸੋਚਦੇ ਤੱਕ ਨਹੀਂ, ਉਥੇ ਲੋਕ ਕੂੜੇ ਦੇ ਨਿਪਟਾਰੇ 'ਤੇ ਪੈਸੇ ਖਰਚ ਕਰਨ ਦੀ ਥਾਂ ਚੋਰੀ ਛੁਪੇ ਕੂੜਾ ਸੁੱਟ ਰਹੇ ਹਨ। ਜੋ ਟੈਂਪੂ ਫੜੇ ਗਏ ਹਨ, ਉਨ੍ਹਾਂ 'ਚ ਕਮਰਸ਼ੀਅਲ ਯੂਨੀਟਸ ਦਾ ਕੂੜਾ ਸੁੱਟਣ ਲਈ ਆਏ ਟੈਂਪੂ ਨੂੰ ਨਗਰ ਨਿਗਮ ਦੀ ਤਾਇਨਾਤ ਪੁਲਸ ਨੇ ਰੋਕ ਲਿਆ।

ਇਸੇ ਤਰ੍ਹਾਂ ਬਲਰਟਨ ਪਾਰਕ 'ਚ ਸਵੇਰੇ ਸੁਪਰਵਾਈਜ਼ਰ ਰਿੰਪੀ ਕਲਿਆਣ ਨੇ ਕਾਰਵਾਈ ਕਰਦੇ ਹੋਏ ਚਲਾਨ ਕੱਟਿਆ। ਨੈਸ਼ਨਲ ਹਾਈਵੇ 'ਤੇ ਟੈਂਪੂ 'ਚ ਭਰ ਕੇ ਕੂੜਾ ਸੁੱਟਣ ਦਾ ਇਕ ਮਾਮਲਾ ਪਿਛਲੇ ਮਹੀਨੇ ਵੀ ਸਾਹਮਣੇ ਆਇਆ ਸੀ। ਨਾਮੀ ਢਾਬੇ ਦਾ ਕੂੜਾ ਸੁੱਟੇ ਜਾਣ ਤੋਂ ਬਾਅਦ ਹੀ ਨਿਗਮ ਨੇ ਡੰਪਾਂ 'ਚੇ ਪਹਿਰਾ ਲਗਾਉਣ ਦੀ ਯੋਜਨਾ ਬਣਾਈ। ਇਸੇ ਤਰ੍ਹਾਂ ਮਾਡਲ ਟਾਊਨ 'ਚ ਰੈਸਟੋਰੈਂਟ 73 ਖਿਲਾਫ ਵੀ ਕਮਿਸ਼ਨਰ ਨੇ ਖੁਦ ਕਾਰਵਾਈ ਕਰਵਾਈ।