ਕੀਨੀਆ ''ਚ ਹਰਪ੍ਰੀਤ ਸਿੰਘ ਨੇ ਕਰਵਾਈ ਸਿੱਖਾਂ ਦੀ ਬੱਲੇ-ਬੱਲੇ

ਪਟਿਆਲਾ/ਨਿਊਯਾਰਕ—ਨਿਊਯਾਰਕ ਦੇ ਗੂਗਲ ਆਫਿਸ 'ਚ ਕੰਪਿਊਟਰ ਇੰਜੀਨੀਅਰ ਪਟਿਆਲਾ ਦੇ ਹਰਪ੍ਰੀਤ ਸਿੰਘ ਸਰੀਨ ਨੂੰ ਕੀਨੀਆ 'ਚ ਵਰਲਡ ਸਿੱਖ ਪੁਰਸਕਾਰ ਨਾਲ ਨਵਾਜਿਆ ਗਿਆ। ਉਨ੍ਹਾਂ ਨੇ ਇਹ ਪੁਰਸਕਾਰ ਉਨ੍ਹਾਂ ਵਲੋਂ ਤਿਆਰ ਕੀਤੇ ਉਸ ਪ੍ਰਾਜੈਕਟ ਨੂੰ ਲੈ ਕੇ ਦਿੱਤਾ, ਜਿਸ 'ਚ ਉਨ੍ਹਾਂ ਨੇ ਆਵਾਜ਼ ਨਾਲ ਕੰਟਰੋਲ ਹੋਣ ਵਾਲੇ ਇਸ ਤਰ੍ਹਾਂ ਦੇ ਉਪਕਰਨ ਨੂੰ ਤਿਆਰ ਕੀਤਾ ਹੈ ਜੋ ਇਕ ਬਾਕਸ ਦੇ ਅੰਦਰ ਆਪਣੀ ਆਵਾਜ਼ ਸੁਣ ਕੇ ਦੁਨੀਆ ਭਰ ਦੇ ਦੇਸ਼ਾਂ ਦੇ ਮੌਸਮ ਨੂੰ ਹੂਬਹੂ ਦਰਸਾਉਂਦਾ ਹੈ। ਬੁੱਧਵਾਰ ਨੂੰ ਕੀਨੀਆ 'ਚ ਹੋਏ ਪ੍ਰੋਗਰਾਮ 'ਚ ਉਨ੍ਹਾਂ ਨੂੰ ਇਹ ਐਵਾਰਡ ਕੀਨੀਆ ਦੇ ਉਪ ਰਾਸ਼ਟਰਪਤੀ ਨੇ ਦਿੱਤਾ। ਇਹ ਪੁਰਸਕਾਰ ਹਰ ਸਾਲ ਦੁਨੀਆ ਭਰ 'ਚ ਰਹਿੰਦੇ ਸਿੱਖਾਂ 'ਚ ਇਕ ਸਿੱਖ ਨੂੰ ਦਿੱਤਾ ਜਾਂਦਾ ਹੈ। ਜਿਸ ਨੇ ਦੁਨੀਆ ਦੇ ਲਈ ਆਪਣੀ ਮਿਹਨਤ ਨਾਲ ਬਿਹਤਰੀਨ ਕੰਮ ਕੀਤਾ ਹੋਵੇ। ਸਰੀਨ ਨੂੰ ਇਹ ਐਵਾਰਡ ਸਾਇੰਸ ਅਤੇ ਆਈ.ਟੀ. ਦੇ ਖੇਤਰ 'ਚ ਉਨ੍ਹਾਂ ਦੇ ਯੋਗਦਾਨ ਦੇ ਲਈ ਦਿੱਤਾ ਗਿਆ ਹੈ। ਪਟਿਆਲਾ ਤੋਂ ਹਰਪ੍ਰੀਤ ਦੇ ਮਾਤਾ-ਪਿਤਾ ਦੋਵੇਂ ਵੀ ਪ੍ਰੋਗਰਾਮ 'ਚ ਹਿੱਸਾ ਲੈਣ ਕੀਨੀਆ ਪਹੁੰਚੇ ਅਤੇ ਉਨ੍ਹਾਂ ਨੇ ਇਹ ਤਸਵੀਰ ਵੀ ਸ਼ੇਅਰ ਕੀਤੀ।

ਦੱਸਿਆ ਜਾ ਰਿਹਾ ਹੈ ਕਿ ਇਹ ਪ੍ਰਾਜੈਕਟ ਖੁੱਦ ਚੱਲਣ ਵਾਲਾ ਏਅਰ ਸਿਸਟਮ ਹੈ। ਇਸ ਨਾਲ ਦੁਨੀਆ ਦੇ ਕਿਸੇ ਵੀ ਦੇਸ਼ ਦੇ ਮੌਸਮ ਨੂੰ ਲੈ ਕੇ ਸਵਾਲ ਪੁੱਛ ਸਕਦੇ ਹਨ। ਗੂਗਲ ਨੇ ਵੈੱਬਸਾਈਟ 'ਤੇ ਵੀਡੀਓ ਵੀ ਅਪਲੋਡ ਕੀਤੀ ਹੈ। ਕਦੀ ਦੁਨੀਆ ਦੇ ਦੂਜੇ ਦੇਸ਼ ਦਾ ਨਾਂ ਲੈ ਕੇ ਉੱਥੇ ਦੇ ਮੌਸਮ ਦੇ ਬਾਰੇ 'ਚ ਪੁੱਛਦੇ ਹਨ? ਦੇਸ਼ ਦੇ ਮੌਸਮ ਮੁਤਾਬਕ ਵਾਤਾਵਰਨ ਬਦਲ ਜਾਂਦਾ ਹੈ। ਜੇਕਰ ਬੱਦਲ ਦੇ ਨਾਲ ਬਾਰਸ਼ ਹੈ ਤਾਂ ਬਾਕਸ 'ਚ ਬੱਦਲ ਦੇ ਨਾਲ ਬਾਰਸ਼ ਸ਼ੁਰੂ ਹੋ ਜਾਵੇਗੀ। ਧੁੱਪ ਨਿਕਲੀ ਹੈ ਤਾਂ ਧੁੱਪ ਨਿਕਲ ਆਵੇਗੀ।