ਧੁੰਦ ਕਾਰਨ ਜ਼ਮੀਨੀ ਹੀ ਨਹੀਂ, ਹਵਾਈ ਆਵਾਜਾਈ ਵੀ ਹੋ ਰਹੀ ਪ੍ਰਭਾਵਿਤ, ਕਈ-ਕਈ ਘੰਟੇ ਲੇਟ ਹੋਈਆਂ ਫਲਾਈਟਾਂ

ਚੰਡੀਗੜ੍ਹ (ਲਲਨ) : ਸੰਘਣੀ ਧੁੰਦ ਕਾਰਨ ਲਗਾਤਾਰ ਦੂਜੇ ਦਿਨ ਵੀ ਚੰਡੀਗੜ੍ਹ ਤੋਂ ਬਾਅਦ ਦੁਪਹਿਰ ਅਤੇ ਦੇਰ ਸ਼ਾਮ ਦੀਆਂ ਕਈ ਉਡਾਣਾਂ ਲੇਟ ਹੋਈਆਂ। ਚੰਡੀਗੜ੍ਹ ਵਿਚ ਦੁਪਹਿਰ ਤੋਂ ਬਾਅਦ ਸੰਘਣੀ ਧੁੰਦ ਕਾਰਨ ਉਡਾਣਾਂ ਪ੍ਰਭਾਵਿਤ ਹੋਈਆਂ। ਵੀਰਵਾਰ ਸ਼ਾਮ ਨੂੰ ਚੰਡੀਗੜ੍ਹ ਸ਼ਹਿਰ ਵਿਚ ਸੰਘਣੀ ਧੁੰਦ ਕਾਰਨ ਸ਼ਹੀਦ ਭਗਤ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਘਰੇਲੂ ਮੰਜ਼ਿਲਾਂ ਲਈ ਉਡਾਣਾਂ ਨੂੰ ਰਵਾਨਗੀ ਵਿਚ ਦੇਰੀ ਦਾ ਸਾਹਮਣਾ ਕਰਨਾ ਪਿਆ।

4 ਵਜੇ ਤੋਂ 11 ਵਜੇ ਤੱਕ ਉਡਾਣਾਂ ਵਿਚ 1 ਘੰਟੇ ਤੋਂ ਢਾਈ ਘੰਟੇ ਤੱਕ ਦੀ ਦੇਰੀ ਹੋਈ ਕਿਉਂਕਿ ਧੁੰਦ ਕਾਰਨ ਵਿਜ਼ੀਬਲਿਟੀ ਘੱਟ ਗਈ ਤੇ ਸੰਘਣੀ ਧੁੰਦ ਕਾਰਨ ਪਾਇਲਟਾਂ ਲਈ ਸਮੇਂ ’ਤੇ ਉਡਾਣ ਭਰਨਾ ਚੁਣੌਤੀਪੂਰਨ ਹੋ ਗਿਆ। ਇੰਡੀਗੋ ਦੀ ਉਡਾਣ 6ਆਈ-6203 ਮੁੰਬਈ ਲਈ ਸ਼ਾਮ 5:32 ’ਤੇ 52 ਮਿੰਟ ਦੇਰੀ ਨਾਲ ਰਵਾਨਾ ਹੋਈ, ਜੋ ਕਿ ਸ਼ਾਮ 4:40 ’ਤੇ ਨਿਰਧਾਰਤ ਸਮਾਂ ਸੀ। ਵਿਸਤਾਰਾ ਦੀ ਫਲਾਈਟ ਯੂਕੇ-660 ਮੁੰਬਈ ਲਈ ਸ਼ਾਮ 5:50 ਵਜੇ ਨਿਰਧਾਰਤ ਰਵਾਨਗੀ ਦੇ ਮੁਕਾਬਲੇ ਇੱਕ ਘੰਟਾ ਦੇਰੀ ਨਾਲ ਸ਼ਾਮ 6:50 ਵਜੇ ਰਵਾਨਾ ਹੋਈ।

ਏਅਰ ਇੰਡੀਆ ਦੀ ਉਡਾਣ 9ਆਈ-2660 ਮੁੰਬਈ ਲਈ ਸ਼ਾਮ 7:54 ’ਤੇ ਰਵਾਨਾ ਹੋਈ, ਜੋ ਕਿ ਸ਼ਾਮ 5:50 ਵਜੇ ਦੀ ਨਿਰਧਾਰਤ ਰਵਾਨਗੀ ਦੇ ਮੁਕਾਬਲੇ 2:04 ਘੰਟੇ ਦੀ ਦੇਰੀ ਨਾਲ ਸੀ। ਦਿੱਲੀ ਜਾਣ ਵਾਲੀ ਇੰਡੀਗੋ ਦੀ ਉਡਾਣ 6ਈ-2113 ਸਵੇਰੇ 8:10 ਵਜੇ, 1:25 ਘੰਟੇ ਦੀ ਦੇਰੀ ਨਾਲ ਰਵਾਨਾ ਹੋਈ, ਜਦੋਂ ਕਿ ਨਿਰਧਾਰਤ ਸਮਾਂ ਸਵੇਰੇ 6:45 ਵਜੇ ਸੀ।

ਇਹ ਵੀ ਪੜ੍ਹੋ- ਟਰੇਨ 'ਚੋਂ ਪਾਨ ਥੁੱਕਣ ਲੱਗੇ ਵਿਅਕਤੀ ਨਾਲ ਵਾਪਰ ਗਿਆ ਹਾਦ.ਸਾ, ਸਰੀਰ ਨਾਲੋਂ ਬਾਂਹ ਹੀ ਹੋ ਗਈ ਵੱਖ

ਬੈਂਗਲੁਰੂ ਜਾਣ ਵਾਲੀ ਇੰਡੀਗੋ ਦੀ ਉਡਾਣ 6ਈ-593 8:04 ਵਜੇ ਰਵਾਨਾ ਹੋਈ, ਜੋ 6:55 ਵਜੇ ਨਿਰਧਾਰਤ ਰਵਾਨਗੀ ਦੇ ਮੁਕਾਬਲੇ 1:09 ਘੰਟੇ ਦੀ ਦੇਰੀ ਨਾਲ ਰਵਾਨਾ ਹੋਈ। ਵਿਸਤਾਰਾ ਦੀ ਫਲਾਈਟ ਯੂਕੇ-652 ਮੁੰਬਈ ਲਈ 7:45 ਵਜੇ ਨਿਰਧਾਰਤ ਰਵਾਨਗੀ ਦੇ ਮੁਕਾਬਲੇ ਇੱਕ ਘੰਟਾ ਦੇਰੀ ਨਾਲ 8:45 ਵਜੇ ਰਵਾਨਾ ਹੋਈ।

ਏਅਰ ਇੰਡੀਆ ਦੀ ਉਡਾਣ 9ਆਈ-2625 ਸਵੇਰੇ 9:10 ਵਜੇ ਮੁੰਬਈ ਲਈ ਰਵਾਨਾ ਹੋਈ, ਜੋ ਸਵੇਰੇ 7:45 ਵਜੇ ਨਿਰਧਾਰਤ ਰਵਾਨਗੀ ਦੇ ਮੁਕਾਬਲੇ 1:25 ਘੰਟੇ ਦੇਰੀ ਨਾਲ ਚੱਲੀ। ਅਲਾਇੰਸ ਏਅਰ ਦੀ ਉਡਾਣ 9ਆਈ-832 ਦਿੱਲੀ ਲਈ 31 ਮਿੰਟ ਦੇਰੀ ਨਾਲ 9:16 ਵਜੇ ਰਵਾਨਾ ਹੋਈ, ਜਦੋਂਕਿ ਨਿਰਧਾਰਤ ਸਮਾਂ 8:45 ਵਜੇ ਸੀ।

ਇਸੇ ਤਰ੍ਹਾਂ ਇੰਡੀਗੋ ਦੀ ਫਲਾਈਟ 6ਈ-7413 ਜੈਪੁਰ ਲਈ 1:30 ਘੰਟੇ ਦੇਰੀ ਨਾਲ 10:35 ਵਜੇ ਰਵਾਨਾ ਹੋਈ, ਜਦੋਂ ਕਿ ਨਿਰਧਾਰਤ ਸਮਾਂ 9:05 ਸੀ। ਹਾਲਾਂਕਿ ਆਉਣ ਵਾਲੀਆਂ ਉਡਾਣਾਂ ’ਤੇ ਜ਼ਿਆਦਾ ਅਸਰ ਨਹੀਂ ਪਿਆ ਕਿਉਂਕਿ ਹਵਾਈ ਅੱਡੇ ਤੋਂ ਰਵਾਨਗੀ ’ਚ ਦੇਰੀ ਕਾਰਨ ਉਨ੍ਹਾਂ ਨੂੰ ਸਿਰਫ 15 ਤੋਂ 25 ਮਿੰਟ ਦੀ ਦੇਰੀ ਹੋਈ।

ਇਹ ਵੀ ਪੜ੍ਹੋ- ਜ਼ਮੀਨ ਹੜੱਪਣ ਲਈ ਭਰਾ-ਭਰਜਾਈ ਕਰਦੇ ਸੀ ਤੰਗ, ਅੱਕ ਕੇ ਨੌਜਵਾਨ ਨੇ ਚੁੱਕਿਆ ਖ਼ੌਫ਼ਨਾਕ ਕਦਮ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e