ਨਸ਼ੇੜੀਆਂ ਨੇ ਹਥਿਆਰ ਦਿਖਾ ਕੇ ਲੁੱਟਿਆ ਈ-ਰਿਕਸ਼ਾ ਤੇ ਵੈਲਡਿੰਗ ਸੈੱਟ, ਪੀੜਤ ਨੇ ਖ਼ੁਦ ਹੀ ਕਰ ਲਏ ਕਾਬੂ

ਜਲੰਧਰ (ਜ.ਬ.)– ਜਲੰਧਰ 'ਚ ਲੁੱਟਾਂ-ਖੋਹਾਂ ਦਾ ਸਿਲਸਿਲਾ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ। ਬੀਤੇ ਦਿਨ ਵੀ ਨੰਦਨਪੁਰ ਰੋਡ ’ਤੇ ਨਸ਼ੇੜੀਆਂ ਨੇ ਤੇਜ਼ਧਾਰ ਹਥਿਆਰ ਦਿਖਾ ਕੇ ਈ-ਰਿਕਸ਼ਾ ਅਤੇ ਵੈਲਡਿੰਗ ਸੈੱਟ ਲੁੱਟ ਲਿਆ। ਜਦੋਂ ਪੀੜਤ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਪੜਤਾਲ ਕਰ ਰਿਹਾ ਸੀ ਤਾਂ ਉਸ ਨੇ ਦੇਖਿਆ ਕਿ ਮੁਲਜ਼ਮ ਵੈਲਡਿੰਗ ਸੈੱਟ ਵੇਚ ਕੇ ਈ-ਰਿਕਸ਼ਾ ’ਤੇ ਵਾਪਸ ਆ ਗਏ। ਪੀੜਤ ਨੇ ਲਾਈਵ ਫੁਟੇਜ ’ਚ ਲੁਟੇਰਿਆਂ ਨੂੰ ਦੇਖ ਕੇ ਪਛਾਣ ਲਿਆ ਅਤੇ ਜਿਉਂ ਹੀ ਰੌਲਾ ਪਾਇਆ ਤਾਂ ਮੁਲਜ਼ਮ ਪੀੜਤ ਦਾ ਈ-ਰਿਕਸ਼ਾ ਉਥੇ ਛੱਡ ਕੇ ਭੱਜ ਗਏ, ਜਿਨ੍ਹਾਂ ਵਿਚੋਂ ਇਕ ਨੂੰ ਕਾਬੂ ਕਰ ਲਿਆ ਗਿਆ।

ਜਾਣਕਾਰੀ ਦਿੰਦਿਆਂ ਪਰਵਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮੰਡੀ ਰੋਡ ਨਜ਼ਦੀਕ ਰੇਲਵੇ ਸਟੇਸ਼ਨ ’ਤੇ ਫਲੈਕਸ ਬੋਰਡ ਦੀ ਦੁਕਾਨ ਹੈ। ਬੀਤੇ ਦਿਨੀਂ ਤੇਜ਼ ਹਵਾਵਾਂ ਚੱਲਣ ਕਾਰਨ ਉਨ੍ਹਾਂ ਦੇ ਘਰ ਲੱਗੀਆਂ ਲੋਹੇ ਦੀਆਂ ਚਾਦਰਾਂ ਹਿੱਲ ਗਈਆਂ ਸਨ, ਜਿਨ੍ਹਾਂ ਨੂੰ ਰਿਪੇਅਰ ਕਰਨ ਲਈ ਉਨ੍ਹਾਂ ਦੀ ਦੁਕਾਨ ਨੇੜੇ ਹੀ ਕੰਮ ਕਰਨ ਵਾਲੇ ਅਭੈ ਅਤੇ ਸੁਰਜੀਤ ਨੂੰ ਦੁਪਹਿਰ 1 ਵਜੇ ਵੈਲਡਿੰਗ ਸੈੱਟ ਸਮੇਤ ਘਰ ਭੇਜਿਆ ਸੀ।

ਇਹ ਵੀ ਪੜ੍ਹੋ- ਹਾਰਟ ਅਟੈਕ ਨਾਲ ਹੋਈ ਮੌਤ ਜਾਂ ਕੀਤਾ ਗਿਆ ਕਤਲ ? ਮ੍ਰਿਤਕਾ ਨੇ ਅਜਿਹੀ ਥਾਂ ਲਿਖਿਆ ਕਾਤਲਾਂ ਦਾ ਨਾਂ, ਕਿ...

ਇਸੇ ਦੌਰਾਨ ਨੰਦਨਪੁਰ ਰੋਡ ’ਤੇ 2 ਨਸ਼ੇੜੀ ਈ-ਰਿਕਸ਼ਾ ਵਿਚ ਜ਼ਬਰਦਸਤੀ ਬੈਠ ਗਏ ਅਤੇ ਜਦੋਂ ਉਸ ਨੇ ਵਿਰੋਧ ਕੀਤਾ ਤਾਂ ਇਕ ਮੁਲਜ਼ਮ ਨੇ ਤੇਜ਼ਧਾਰ ਹਥਿਆਰ ਦਿਖਾ ਕੇ ਉਸ ਕੋਲੋਂ ਈ-ਰਿਕਸ਼ਾ ਸਮੇਤ ਵੈਲਡਿੰਗ ਸੈੱਟ ਲੁੱਟ ਲਿਆ। ਸੁਰਜੀਤ ਸਿੰਘ ਨੇ ਪਰਵਿੰਦਰ ਨੂੰ ਫੋਨ ਕਰ ਕੇ ਇਸ ਦੀ ਸੂਚਨਾ ਦਿੱਤੀ ਤਾਂ ਉਹ ਵੀ ਮੌਕੇ ’ਤੇ ਪਹੁੰਚ ਗਿਆ। ਪਰਵਿੰਦਰ ਨੇ ਕਿਹਾ ਕਿ ਉਹ ਮੁਲਜ਼ਮਾਂ ਦੀ ਪਛਾਣ ਲਈ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਫੁਟੇਜ ਚੈੱਕ ਕਰ ਰਹੇ ਸਨ ਕਿ ਇਸੇ ਦੌਰਾਨ ਉਨ੍ਹਾਂ ਆਪਣਾ ਈ-ਰਿਕਸ਼ਾ ਪਛਾਣ ਲਿਆ, ਜਿਸ 'ਚ 2 ਨਸ਼ੇੜੀ ਬੈਠ ਕੇ ਆ ਰਹੇ ਸਨ। ਉਹ ਤੁਰੰਤ ਬਾਹਰ ਨਿਕਲੇ ਤਾਂ ਨਸ਼ੇੜੀਆਂ ਨੇ ਵੀ ਉਨ੍ਹਾਂ ਨੂੰ ਪਛਾਣ ਲਿਆ ਅਤੇ ਈ-ਰਿਕਸ਼ਾ ਛੱਡ ਕੇ ਭੱਜਣ ਲੱਗੇ, ਹਾਲਾਂਕਿ ਇਕ ਨਸ਼ੇੜੀ ਨੂੰ ਉਨ੍ਹਾਂ ਕਾਬੂ ਕਰ ਲਿਆ।

ਮੁਲਜ਼ਮ ਤੋਂ ਪੁੱਛਣ ’ਤੇ ਪਤਾ ਲੱਗਾ ਕਿ ਉਹ ਵੈਲਡਿੰਗ ਸੈੱਟ ਕਿਸੇ ਨੂੰ ਵੇਚ ਆਏ ਹਨ। ਪੀੜਤ ਆਪਣੇ ਸਾਥੀਆਂ ਸਮੇਤ ਉੱਥੇ ਪਹੁੰਚ ਗਿਆ ਅਤੇ ਆਪਣਾ ਸਾਮਾਨ ਰਿਕਵਰ ਕਰ ਲਿਆ। ਕਾਬੂ ਨਸ਼ੇੜੀ ਨੂੰ ਥਾਣਾ ਨੰਬਰ 1 ਦੀ ਪੁਲਸ ਦੇ ਹਵਾਲੇ ਕਰ ਦਿੱਤਾ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਫਿਲਹਾਲ ਇਕ ਨੌਜਵਾਨ ਉਨ੍ਹਾਂ ਦੀ ਹਿਰਾਸਤ ਵਿਚ ਹੈ। ਮੰਗਲਵਾਰ ਪੀੜਤ ਧਿਰ ਨੂੰ ਦੁਬਾਰਾ ਥਾਣੇ ਬੁਲਾਇਆ ਗਿਆ ਹੈ, ਜਿਸ ਤੋਂ ਸਾਰੀ ਜਾਣਕਾਰੀ ਲੈ ਕੇ ਜਾਂਚ ਕੀਤੀ ਜਾਵੇਗੀ ਅਤੇ ਫਿਰ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ- ਪੁਲਸ ਭਰਤੀ ਦਾ ਪੇਪਰ ਦੇਣ ਜਾ ਰਹੇ ਪਤੀ-ਪਤਨੀ ਨਾਲ ਵਾਪਰ ਗਿਆ ਭਾਣਾ, ਮਾਸੂਮ ਸਿਰੋਂ ਉੱਠਿਆ ਮਾਂ ਦਾ ਸਾਇਆ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e