ਦਿਲਜੀਤ ਨੇ ਕੰਗਨਾ ’ਤੇ ਕੀਤੀ ਹਾਸੋਹੀਣੀ ਟਿੱਪਣੀ, ਕਿਹਾ- ‘ਪੂਛ ਕਦੇ ਸਿੱਧੀ ਨਹੀਂ ਹੋ ਸਕਦੀ’

ਜਲੰਧਰ (ਬਿਊਰੋ)– ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਫ਼ਿਲਮਾਂ ਦੇ ਨਾਲ-ਨਾਲ ਅਸਲ ਜ਼ਿੰਦਗੀ ’ਚ ਵੀ ਲੋਕਾਂ ਨੂੰ ਹਸਾਉਣਾ ਖੂਬ ਜਾਣਦੇ ਹਨ। ਕੰਗਨਾ ਰਣੌਤ ਨਾਲ ਵਿਵਾਦ ਦੌਰਾਨ ਵੀ ਇਹ ਗੱਲ ਦੇਖਣ ਨੂੰ ਮਿਲੀ, ਜਿਥੇ ਦਿਲਜੀਤ ਨੇ ਆਪਣੀਆਂ ਹਾਸੋਹੀਣੀਆਂ ਗੱਲਾਂ ਨਾਲ ਸਭ ਦਾ ਦਿਲ ਜਿੱਤ ਲਿਆ।

ਹਾਲ ਹੀ ’ਚ ਕੰਗਨਾ ਨੇ ਮੁੜ ਦਿਲਜੀਤ ਦੋਸਾਂਝ ’ਤੇ ਇਲਜ਼ਾਮ ਲਗਾਏ ਹਨ, ਜਿਨ੍ਹਾਂ ਦਾ ਦਿਲਜੀਤ ਨੇ ਆਪਣੇ ਮਜ਼ਾਕੀਆ ਅੰਦਾਜ਼ ’ਚ ਜਵਾਬ ਦਿੱਤਾ ਹੈ। ਦਿਲਜੀਤ ਟਵੀਟ ਕਰਕੇ ਲਿਖਦੇ ਹਨ, ‘ਸੁਣਿਆ ਸੀ, ਪੂਛ ਸਿੱਧੀ ਨਹੀਂ ਹੋ ਸਕਦੀ, ਕੰਫਰਮ ਹੋ ਗਿਆ ਬਾਈ।’

Suneya C..

Poonch Sidhi Ni Ho Sakdi..

Confirm Ho Geya Bai.. 😂

— DILJIT DOSANJH (@diljitdosanjh) December 16, 2020

ਦਿਲਜੀਤ ਦੀ ਇਹ ਟਿੱਪਣੀ ਕੰਗਨਾ ਰਣੌਤ ਦੇ ਨਵੇਂ ਟਵੀਟਸ ’ਤੇ ਆਈ ਹੈ, ਜਿਨ੍ਹਾਂ ’ਚ ਕੰਗਨਾ ਰਣੌਤ ਵਿਵਾਦ ਨੂੰ ਵੱਡਾ ਕਰਦਿਆਂ ਇਹ ਕਹਿ ਰਹੀ ਹੈ ਕਿ ਦਿਲਜੀਤ ਦੋਸਾਂਝ ਤੇ ਪ੍ਰਿਅੰਕਾ ਚੋਪੜਾ ਕਿਸਾਨ ਅੰਦੋਲਨ ’ਚ ਬੈਠੇ ਕਿਸਾਨਾਂ ਨੂੰ ਭੜਕਾ ਰਹੇ ਹਨ। ਨਾਲ ਹੀ ਕੰਗਨਾ ਨੇ ਕਿਹਾ ਕਿ ਇਨ੍ਹਾਂ ਕਲਾਕਾਰਾਂ ’ਤੇ ਪੁਲਸ ਕਾਰਵਾਈ ਕਰਨੀ ਚਾਹੀਦੀ ਹੈ।

मैं चाहती हूँ कि @diljitdosanjh और @priyankachopra जी जो किसानों केलिये लोकल क्रांतिकारियों की भूमिका में दिखे कम से कम एक विडीओ की माध्यम से किसानों को ये तो बताएँ की उनको विरोध किस बात का करना है,दोनों किसानों को भड़काकर ग़ायब हो गए हैं, और देखो किसानों की और देश की ये हालत है। https://t.co/k6G8YRVItQ

— Kangana Ranaut (@KanganaTeam) December 16, 2020

ਉਥੇ ਦਿਲਜੀਤ ਦੋਸਾਂਝ ਦੇ ਮਜ਼ਾਕੀਆ ਟਵੀਟ ’ਤੇ ਬਾਲੀਵੁੱਡ ਅਦਾਕਾਰ ਅੰਗਦ ਬੇਦੀ ਨੇ ਵੀ ਕੁਮੈਂਟ ਕੀਤਾ ਹੈ ਤੇ ਦਿਲਜੀਤ ਦੀ ਗੱਲ ’ਚ ਹਾਮੀ ਭਰੀ ਹੈ। ਅੰਗਦ ਬੇਦੀ ਲਿਖਦੇ ਹਨ, ‘ਕੋਈ ਸ਼ੱਕ ਦਿਲਜੀਤ ਦੋਸਾਂਝ।’ ਇਸ ਕੁਮੈਂਟ ਨੂੰ ਦੇਖ ਦਿਲਜੀਤ ਦੋਸਾਂਝ ਵੀ ਹੱਸ ਪੈਂਦੇ ਹਨ ਤੇ ਇਮੋਜੀ ਰਾਹੀਂ ਪ੍ਰਤੀਕਿਰਿਆ ਦਿੰਦੇ ਹਨ।

Koi shaq @diljitdosanjh 😂🤣 https://t.co/4EZr7RxRye

— ANGAD BEDI (@Imangadbedi) December 16, 2020

ਨੋਟ– ਦਿਲਜੀਤ ਦੋਸਾਂਝ ਤੇ ਕੰਗਨਾ ਰਣੌਤ ਦੀ ਟਵਿਟਰ ਵਾਰ ’ਤੇ ਤੁਹਾਡੀ ਕੀ ਟਿੱਪਣੀ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।