Aadhaar Handbook 'ਚ ਮਿਲੇਗੀ ਆਧਾਰ ਨਾਲ ਜੁੜੀ ਸਾਰੀ ਜਾਣਕਾਰੀ, UIDAI ਨੇ ਸ਼ੁਰੂ ਕੀਤੀ ਮੁਫਤ ਸੇਵਾ

ਨਵੀਂ ਦਿੱਲੀ — ਆਧਾਰ ਕਾਰਡ ਅਜੌਕੇ ਸਮੇਂ 'ਚ ਕਈ ਤਰ੍ਹਾਂ ਦੀਆਂ ਸੇਵਾਵਾਂ ਲੈਣ ਲਈ ਬਹੁਤ ਹੀ ਲਾਜ਼ਮੀ ਦਸਤਾਵੇਜ਼ ਹੈ। ਇਹ ਭਾਰਤ ਦੇਸ਼ ਦੀ ਨਾਗਰਿਕਤਾ ਹਾਸਲ ਕਰਨ ਵਾਲੇ ਲੋਕਾਂ ਦੀ ਪਛਾਣ ਦਾ ਇਕ ਮਹੱਤਵਪੂਰਨ ਦਸਤਾਵੇਜ਼ ਬਣ ਕੇ ਸਾਹਮਣੇ ਆਇਆ ਹੈ। ਇਸ ਲਈ ਵੱਡੀ ਸੰਖਿਆ ਵਿਚ ਲੋਕ ਹਰ ਦਿਨ ਆਧਾਰ ਕਾਰਡ ਲਈ ਅਪਲਾਈ ਕਰਦੇ ਹਨ। ਜਿਹੜੇ ਲੋਕਾਂ ਦਾ ਆਧਾਰ ਕਾਰਡ ਪਹਿਲਾਂ ਤੋਂ ਬਣਿਆ ਹੋਇਆ ਹੈ ਉਨ੍ਹਾਂ ਨੂੰ ਵੀ ਸਮੇਂ ਦੇ ਨਾਲ ਇਸ 'ਚ ਕਈ ਤਰ੍ਹਾਂ ਦੇ ਬਦਲਾਅ ਕਰਵਾਉਣੇ ਪੈਂਦੇ ਹਨ। ਇਸ ਲਈ ਇਸ 12 ਅੰਕਾਂ ਦੀ ਪਛਾਣ ਸੰਖਿਆ ਨੂੰ ਲੈ ਕੇ ਲੋਕਾਂ ਦੇ ਮਨ 'ਚ ਕਈ ਤਰ੍ਹਾਂ ਦੇ ਸਵਾਲ ਹੁੰਦੇ ਹਨ ਜਿਨ੍ਹਾਂ ਦਾ ਜਵਾਬ ਲੋਕਾਂ ਨੂੰ ਚਾਹੀਦਾ ਹੁੰਦਾ ਹੈ।

#HarEkKaamDeshKeNaam
आधार से जुड़े कुछ सामान्य प्रशनोत्तर (FAQs) हमारी वेबसाइट पर उपलब्ध हैं: https://t.co/ExF1KbBhS5 यह आप अपने मोबाइल पर भी पढ़ सकते हैं। यह आपकी #mAadhaar ऐप में भी उपलब्ध हैं।#FAQsOnAadhaar pic.twitter.com/gXj32jDd59

— Aadhaar (@UIDAI) March 17, 2020

'Aadhaar Handbook' ਕੀ ਹੈ?

ਆਧਾਰ ਕਾਰਡ ਜਾਰੀ ਕਰਨ ਵਾਲੇ ਭਾਰਤੀ ਵਿਲੱਖਣ ਪਛਾਣ ਅਥਾਰਟੀ(UIDAI) ਨੇ ਇਸ ਦੇਸ਼ ਦੇ ਲੋਕਾਂ ਦੀ ਇਸ ਸਮੱਸਿਆ ਨੂੰ ਧਿਆਨ 'ਚ ਰੱਖਦਿਆਂ 'Aadhaar Handbook' ਸੇਵਾ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਹੈਂਡਬੁੱਕ ਨੂੰ UIDAI ਦੀ ਵੈੱਬਸਾਈਟ ਤੋਂ ਮੁਫਤ 'ਚ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਇਹ 60 ਪੇਜ਼ਾਂ ਦੀ ਹੈਂਡਬੁੱਕ PDF ਫਾਰਮੈਟ 'ਚ ਹੈ। ਇਸ 'ਚ ਆਧਾਰ ਕਾਰਡ ਨਾਲ ਜੁੜੀ ਬੁਨਿਆਦੀ ਜਾਣਕਾਰੀ ਤੋਂ ਲੈ ਕੇ ਯੋਗਤਾ, ਆਧਾਰ ਦੇ ਫੀਚਰਜ਼, ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਅਤੇ ਜ਼ਰੂਰੀ ਦਸਤਾਵੇਜ਼ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ ਗਈ ਹੈ।

#HarEkKaamDeshKeNaam
UIDAI आपके लिए लाया है 'आधार हैंडबुक'। यह ऑनलाइन मुफ्त डाउनलोड करें: https://t.co/C5V5K2wEwD और आधार से जुड़े हर सवाल का उत्तर पाएं। pic.twitter.com/YQ3xJGvfco

— Aadhaar (@UIDAI) March 18, 2020

ਮਿਲਣਗੀਆਂ ਇਹ ਸਹੂਲਤਾਂ

• ਇਸ ਹੈਂਡ ਬੁੱਕ ਵਿਚ ਤੁਹਾਨੂੰ ਨੇੜੇ ਦੇ ਆਧਾਰ ਕੇਂਦਰ ਨੂੰ ਲੱਭਣ ਦਾ ਰਸਤਾ ਦੱਸਿਆ ਜਾਵੇਗਾ। ਇਸ ਦੇ ਨਾਲ ਹੀ ਦੱਸਿਆ ਜਾਵੇਗਾ ਕਿ ਆਧਾਰ ਦੇ ਰਜਿਸਟ੍ਰੇਸ਼ਨ ਕੇਂਦਰ ਕਿੰਨੇ ਤਰ੍ਹਾਂ ਦੇ ਹੁੰਦੇ ਹਨ। 
• ਆਧਾਰ ਸੇਵਾਵਾਂ ਲਈ Appointment ਬੁੱਕ ਕਰਨ ਬਾਰੇ ਵੀ ਇਸ 'ਚ ਜਾਣਕਾਰੀ ਦਿੱਤੀ ਗਈ ਹੈ। ਇਸ ਹੈਂਡਬੁਕ 'ਚ ਆਧਾਰ ਨਾਲ ਜੁੜੇ ਲਗਭਗ ਸਾਰੇ ਬੁਨਿਆਦੀ ਸਵਾਲਾਂ ਦੇ ਜਵਾਬ ਦੇਣ ਦੀ ਵਿਵਸਥਾ ਕੀਤੀ ਗਈ ਹੈ।
• ਆਧਾਰ ਨਾਲ ਜੁੜੇ ਆਮ ਸਵਾਲ-ਜਵਾਬ(FAQs) UIDAI ਦੀ ਵੈਬਸਾਈਟ ਦੇ ਨਾਲ-ਨਾਲ mAadhaar 'ਤੇ ਵੀ ਉਪਲੱਬਧ ਹੈ।