ਦਿੱਲੀ ਤੋਂ ਅੰਮ੍ਰਿਤਸਰ ਆਉਂਦਾ ਜਹਾਜ਼ ਜਾ ਵੜਿਆ ਪਾਕਿਸਤਾਨੀ ਏਅਰਸਪੇਸ ''ਚ ! ਅਲਰਟ ਮਗਰੋਂ...

ਨਵੀਂ ਦਿੱਲੀ- ਭਾਰਤ-ਪਾਕਿ ਵਿਚਾਲੇ ਆਪਰੇਸ਼ਨ ਸਿੰਦੂਰ ਕਾਰਨ ਪੈਦਾ ਹੋਏ ਤਣਾਅ ਵਿਚਾਲੇ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਦਿੱਲੀ ਤੋਂ ਅੰਮ੍ਰਿਤਸਰ ਆ ਰਹੀ ਏਅਰ ਇੰਡੀਆ ਦੀ ਫਲਾਈਟ ਏ.ਆਈ.-479 'ਚ ਵੱਡੀ ਤਕਨੀਕੀ ਗੜਬੜੀ ਆ ਗਈ। ਇਸ ਗੜਬੜੀ ਕਾਰਨ ਜਹਾਜ਼ ਆਪਣੇ ਰੂਟ ਤੋਂ ਭਟਕ ਕੇ ਪਾਕਿਸਤਾਨ ਦੇ ਏਅਰ ਸਪੇਸ 'ਚ ਜਾ ਵੜਿਆ। ਹਾਲਾਂਕਿ ਅੰਤਰਰਾਸ਼ਟਰੀ ਪ੍ਰੋਟੋਕੋਲ ਤਹਿਤ ਸਥਿਤੀ ਨੂੰ ਸੰਭਾਲਦਿਆਂ ਜਹਾਜ਼ ਦੀ ਸੁਰੱਖਿਅਤ ਭਾਰਤ ਵਾਪਸੀ ਹੋ ਗਈ ਹੈ।

ਜਾਣਕਾਰੀ ਮੁਤਾਬਕ 'ਏਅਰਬੱਸ ਏ-321' ਜਹਾਜ਼ ਨੇ ਦਿੱਲੀ ਤੋਂ ਅੰਮ੍ਰਿਤਸਰ ਲਈ ਟੇਕਆਫ਼ ਕੀਤਾ ਸੀ। ਇਸੇ ਦੌਰਾਨ ਰਸਤੇ 'ਚ ਹੀ ਇਸ 'ਚ ਤਕਨੀਕੀ ਗੜਬੜੀ ਆ ਗਈ ਅਤੇ ਜਹਾਜ਼ ਨਿਰਧਾਰਿਤ 'ਏਅਰ ਕਾਰੀਡੋਰ' ਤੋਂ ਹਟ ਗਿਆ ਅਤੇ ਕੁਝ ਸਮੇਂ ਲਈ ਪਾਕਿਸਤਾਨੀ ਏਅਰ ਸਪੇਸ 'ਚ ਦਾਖਲ ਹੋ ਗਿਆ।

ਜਦੋਂ ਜਹਾਜ਼ ਪਾਕਿਸਤਾਨੀ ਏਅਰ ਸਪੇਸ 'ਚ ਦਾਖਲ ਹੋਇਆ ਤਾਂ ਪਾਕਿਸਤਾਨ ਦੀ 'ਏਅਰ ਟ੍ਰੈਫਿਕ ਕੰਟਰੋਲ' ਨੇ ਜਹਾਜ਼ ਨੂੰ ਏਅਰਸਪੇਸ ਨਿਯਮਾਂ ਦੀ ਉਲੰਘਣਾਂ ਦਾ ਅਲਰਟ ਭੇਜਿਆ ਤੇ ਜਹਾਜ਼ ਨਾਲ ਸੰਪਰਕ ਕਰ ਕੇ ਉਸ ਨੂੰ ਵਾਪਸ ਭਾਰਤ ਵੱਲ ਮੋੜਿਆ, ਜਿਸ ਮਗਰੋਂ ਜਹਾਜ਼ ਦਾ ਰੂਟ ਬਦਲ ਕੇ ਉਸ ਨੂੰ ਤੁਰੰਤ ਭਾਰਤੀ ਏਅਰ ਸਪੇਸ 'ਚ ਦਾਖਲ ਕਰਵਾਇਆ ਗਿਆ। ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ ਜਹਾਜ਼ ਨੂੰ ਸਿੱਧਾ ਅੰਮ੍ਰਿਤਸਰ ਲੈ ਕੇ ਜਾਣ ਦੀ ਬਜਾਏ ਵਾਪਸ ਦਿੱਲੀ ਵੱਲ ਮੋੜ ਦਿੱਤਾ ਗਿਆ, ਤਾਂ ਜੋ ਉੱਥੇ ਉਸ ਦੀ ਤਕਨੀਕੀ ਜਾਂਚ ਕੀਤੀ ਜਾ ਸਕੇ।

ਇਹ ਵੀ ਪੜ੍ਹੋ- ਇਨਸਾਨੀਅਤ ਸ਼ਰਮਸਾਰ ! ਅੱਧੀ ਰਾਤੀਂ ਕਬਰਸਤਾਨ 'ਚ ਵੜੇ ਨੌਜਵਾਨਾਂ ਨੇ ਪੁੱਟ ਲਈ ਕਬਰ, ਲਾਸ਼ ਕੱਢ...

ਦਿੱਲੀ ਵਿਖੇ ਜਹਾਜ਼ ਦੀ ਪੂਰੀ ਜਾਂਚ ਅਤੇ ਫਲਾਈਟ ਕਲੀਅਰੈਂਸ ਮਿਲਣ ਤੋਂ ਬਾਅਦ ਜਹਾਜ਼ ਨੇ ਦੁਬਾਰਾ ਅੰਮ੍ਰਿਤਸਰ ਲਈ ਉਡਾਣ ਭਰੀ ਅਤੇ ਬੁੱਧਵਾਰ ਤੜਕੇ ਇੱਥੇ ਸੁਰੱਖਿਅਤ ਲੈਂਡਿੰਗ ਕੀਤੀ। ਇਸ ਪੂਰੇ ਘਟਨਾਕ੍ਰਮ ਕਾਰਨ ਜਹਾਜ਼ ਸਵਾਰ ਯਾਤਰੀਆਂ ਨੂੰ ਆਪਣੀ ਮੰਜ਼ਿਲ 'ਤੇ ਪਹੁੰਚਣ ਲਈ ਲਗਭਗ 4 ਘੰਟੇ ਦੀ ਦੇਰੀ ਦਾ ਸਾਹਮਣਾ ਕਰਨਾ ਪਿਆ।

ਜ਼ਿਕਰਯੋਗ ਹੈ ਕਿ ਪਹਿਲਗਾਮ ਹਮਲੇ ਦੇ ਜਵਾਬ 'ਚ ਭਾਰਤ ਵੱਲੋਂ ਪਾਕਿਸਤਾਨ 'ਚ ਅੱਤਵਾਦੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਉਣ ਲਈ ਚਲਾਏ ਗਏ ਆਪਰੇਸ਼ਨ ਸਿੰਦੂਰ ਮਗਰੋਂ ਦੋਵਾਂ ਦੇਸ਼ਾਂ ਵਿਚਾਲੇ ਤਣਾਅ ਸਿਖ਼ਰਾਂ 'ਤੇ ਹੈ, ਜਿਸ ਕਾਰਨ ਦੋਵਾਂ ਦੇਸ਼ਾਂ ਨੇ ਇਕ-ਦੂਜੇ ਲਈ ਆਪਣਾ ਏਅਰਸਪੇਸ ਬੰਦ ਕੀਤਾ ਹੋਇਆ ਹੈ। ਅਜਿਹੇ 'ਚ ਭਾਰਤੀ ਜਹਾਜ਼ ਦਾ ਪਾਕਿਸਤਾਨੀ ਏਅਰਸਪੇਸ 'ਚ ਦਾਖ਼ਲ ਹੋਣਾ ਅਤੇ ਸੁਰੱਖਿਅਤ ਵਾਪਸ ਆਉਣਾ ਇਕ ਵੱਡੀ ਰਾਹਤ ਭਰੀ ਗੱਲ ਹੈ, ਨਹੀਂ ਤਾਂ ਅਜਿਹੀ ਉਲੰਘਣਾ ਕਾਰਨ ਦੋਵਾਂ ਦੇਸ਼ਾਂ ਵਿਚਾਲੇ ਵੱਡਾ ਵਿਵਾਦ ਪੈਦਾ ਹੋ ਸਕਦਾ ਸੀ। 

ਇਹ ਵੀ ਪੜ੍ਹੋ- ਪਿੰਡ 'ਚ ਬੰਦੂਕਾਂ ਲੈ ਵੜ ਆਏ ਹਮਲਾਵਰ ! 20 ਲੋਕਾਂ ਨੂੰ ਉਤਾਰਿਆ ਮੌਤ ਦੇ ਘਾਟ, ਪਲੇਟੋ ਸਟੇਟ 'ਚ ਕਤਲੇਆਮ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e