ਨੇਤਾ ਨੇ ਹਿੰਦੂ ਮਹਾਸਭਾ ਦੀ ਵਿਭਾਗੀਕਰਨ ਰਾਜਨਿਤੀ ਦਾ ਕੀਤਾ ਸੀ ਵਿਰੋਧ: ਮਮਤਾ
Thursday, Jan 23, 2020 - 02:15 PM (IST)
ਸਪੋਰਟਸ ਡੈਸਕ— ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਵੀਰਵਾਰ ਨੂੰ ਕਿਹਾ ਕਿ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਨੇ ਹਿੰਦੂ ਮਹਾਸਭਾ ਦੀ 'ਵਿਭਾਗੀਕਰਨ ਰਾਜਨੀਤੀ ਦਾ ਵਿਰੋਧ ਕੀਤਾ ਸੀ ਅਤੇ ਉਹ ਧਰਮ ਨਿਰਪੱਖ ਅਤੇ ਇਕਜੁਟ ਭਾਰਤ ਲਈ ਲੜੇ ਸਨ। ਬੈਨਰਜੀ ਨੇ ਨੇਤਾਜੀ ਦੀ ਜਯੰਤੀ ਨੂੰ ਰਾਸ਼ਟਰੀ ਛੁੱਟੀ ਦਾ ਐਲਾਨ ਕਰਨ ਦੀ ਮੰਗ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਬੋਸ ਨੇ ਆਪਣੇ ਸੰਘਰਸ਼ ਦੇ ਨਾਲ ਇਹ ਸਸੁਨੇਹਾ ਭੇਜਿਆ ਕਿ ਸਾਰਿਆਂ ਧਰਮਾਂ ਦਾ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਇਕਜੁਟ ਭਾਰਤ ਲਈ ਲੜਨਾ ਉਨ੍ਹਾਂ ਦੇ ਪ੍ਰਤੀ ਸੱਚੀ ਸ਼ਰਧਾਂਜਲੀ ਹੋਵੇਗੀ।
ਮਮਤਾ ਬੈਨਰਜੀ ਨੇ ਸੁਭਾਸ਼ ਚੰਦਰ ਬੋਸ ਦੀ ਜਯੰਤੀ ਦੇ ਮੌਕੇ 'ਤੇ ਆਯੋਜਿਤ ਪ੍ਰੋਗਰਾਮ 'ਚ ਕਿਹਾ, ''ਨੇਤਾਜੀ ਨੇ ਹਿੰਦੂ ਮਹਾਸਭਾ ਦੀ ਵਿਭਾਜਨਕਾਰੀ ਰਾਜਨੀਤੀ ਦਾ ਵਿਰੋਧ ਕੀਤਾ ਸੀ। ਉਹ ਧਰਮ ਨਿਰਪੱਖ ਭਾਰਤ ਲਈ ਲੜੇ ਪਰ ਹੁਣ ਧਰਮ ਨਿਰਪੇਕਸ਼ਤਾ ਦਾ ਪਾਲਣ ਕਰਣ ਵਾਲਿਆਂ ਨੂੰ ਬਾਹਰ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਕੇਂਦਰ 'ਤੇ ਇਲਜ਼ਾਮ ਲਗਾਇਆ ਕਿ ਨੇਤਾਜੀ ਦੇ ਬੇਪਤੇ ਹੋਣ ਦੇ ਰਾਜ਼ ਤੋਂ ਪਰਦਾ ਚੁੱਕਣ ਲਈ ਸਰਕਾਰ ਗੰਭੀਰ ਨਹੀਂ ਹੈ।
ਬੈਨਰਜੀ ਨੇ ਕਿਹਾ, ''ਉਨ੍ਹਾਂ ਨੇ (ਕੇਂਦਰ) ਸਿਰਫ ਕੁਝ ਹੀ ਗੁਪਤ ਫਾਈਲਾਂ ਨੂੰ ਸਾਰਵਜਨਕ ਕੀਤਾ ਹੈ। ਅਸਲੀਅਤ 'ਚ ਕੀ ਹੋਇਆ ਸੀ, ਇਹ ਪਤਾ ਲਗਾਉਣ ਲਈ ਕੋਈ ਕਦਮ ਨਹੀਂ ਚੁੱਕੇ ਗਏ। ਇਹ ਸ਼ਰਮਿੰਦਗੀ ਦੀ ਗੱਲ ਹੈ ਕਿ 70 ਸਾਲ ਤੋਂ ਵੀ ਜ਼ਿਆਦਾ ਸਮਾਂ ਗੁਜ਼ਰ ਜਾਣ ਦੇ ਬਾਵਜੂਦ ਅਸੀਂ ਇਹ ਨਹੀਂ ਜਾਣ ਪਾਏ ਹਾਂ ਕਿ ਉਨ੍ਹਾਂ ਦੇ ਨਾਲ ਕੀ ਹੋਇਆ ਸੀ।
