ਉੱਤਰ ਪ੍ਰਦੇਸ਼ ਪੁਲਸ ਨੇ ‘ਆਪ’ ਸੰਸਦ ਮੈਂਬਰ ਸੰਜੇ ਸਿੰਘ ਨੂੰ ਲਖੀਮਪੁਰ ਖੀਰਾ ਜਾਣ ਤੋਂ ਰੋਕਿਆ

ਨਵੀਂ ਦਿੱਲੀ (ਭਾਸ਼ਾ)— ਆਮ ਆਦਮੀ ਪਾਰਟੀ (ਆਪ) ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਨੂੰ ਉੱਤਰ ਪ੍ਰਦੇਸ਼ ਦੇ ਸੀਤਾਪੁਰ ’ਚ ਪੁਲਸ ਨੇ ਉਸ ਸਮੇਂ ਰੋਕ ਲਿਆ, ਜਦੋਂ ਉਹ ਐਤਵਾਰ ਦੇਰ ਰਾਤ ਲਖੀਮਪੁਰ ਖੀਰੀ ਜਾ ਰਹੇ ਸਨ। ਲਖੀਮਪੁਰ ਖੀਰੀ ’ਚ ਐਤਵਾਰ ਨੂੰ ਕਿਸਾਨਾਂ ਦੇ ਪ੍ਰਦਰਸ਼ਨ ਦੌਰਾਨ ਭੜਕੀ ਹਿੰਸਾ ’ਚ 4 ਕਿਸਾਨਾਂ ਸਮੇਤ 8 ਲੋਕ ਮਾਰੇ ਗਏ ਹਨ। ‘ਆਪ’ ਨੇ ਦੱਸਿਆ ਕਿ ਪਾਰਟੀ ਆਗੂ ਸੰਜੇ ਸਿੰਘ ਨੂੰ ਪੁਲਸ ਅਤੇ ਸਥਾਨਕ ਪ੍ਰਸ਼ਾਸਨ ਨੇ ਦੇਰ ਰਾਤ ਕਰੀਬ 2.30 ਵਜੇ ਸੀਤਾਪੁਰ ਦੇ ਬਿਸਵਾਨ ’ਚ ਰੋਕ ਲਿਆ। ਉਹ ਹਿੰਸਾ ਵਿਚ ਮਾਰੇ ਗਏ ਕਿਸਾਨਾਂ ਦੇ ਪਰਿਵਾਰਾਂ ਨੂੰ ਮਿਲਣ ਲਖੀਮਪੁਰ ਖੀਰੀ ਜਾ ਰਹੇ ਸਨ। 

पहले किसानों की हत्या कर दी गई।

और अब किसानों से शोक संवेदना व्यक्त करने जा रहे AAP MP श्री @SanjayAzadSln को रात 2:30 बजे से अब तक Yogi सरकार की Police-प्रशासन ने जबरन हिरासत में रखा हुआ है।

किसानों के परिवार के ये आँसू भारी पड़ेंगे BJPवालों!#लखीमपुर_किसान_नरसंहार #Lakhimpur pic.twitter.com/bB4efTDMsc

— AAP (@AamAadmiParty) October 4, 2021

ਓਧਰ ਇਕ ‘ਆਪ’ ਆਗੂ ਨੇ ਦਾਅਵਾ ਕੀਤਾ ਕਿ ਰਾਜ ਸਭਾ ਮੈਂਬਰ ਸੰਜੇ ਸਿੰਘ ਅਜੇ ਉਸੇ ਖੇਤਰ ਵਿਚ ਹਨ ਅਤੇ ਉਨ੍ਹਾਂ ਨੇ ਪਰਤਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਦਿੱਲੀ ਦੇ ਉੱਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਟਵੀਟ ਕੀਤਾ ਕਿ ਕਿਸਾਨਾਂ ਦਾ ਕਤਲ ਕਰ ਦਿੱਤਾ ਗਿਆ ਅਤੇ ਹੁਣ ਉਨ੍ਹਾਂ ਦੇ ਪਰਿਵਾਰ ਨਾਲ ਹਮਦਰਦੀ ਜ਼ਾਹਰ ਕਰਨ ਜਾ ਰਹੇ ਸੰਸਦ ਮੈਂਬਰ ਸੰਜੇ ਸਿੰਘ ਨੂੰ ਜੀ ਨੂੰ ਪੂਰੀ ਰਾਤ ਪੁਲਸ ਅਤੇ ਪ੍ਰਸ਼ਾਸਨ ਦੇ ਆਲਾ ਅਧਿਕਾਰੀ ਸੜਕ ’ਤੇ ਰੋਕ ਕੇ ਖੜ੍ਹੇ ਹਨ। ਉਨ੍ਹਾਂ ਨੇ ਲਿਖਿਆ ਕਿ ਕਿਸਾਨਾਂ ਦੇ ਪਰਿਵਾਰਾਂ ਦੇ ਇਹ ਹੰਝੂ ਭਾਰੀ ਪੈਣਗੇ ਯੋਗੀ ਜੀ! 

किसानों की हत्या कर दी गई और अब उनके परिवार से संवेदना व्यक्त करने जा रहे सांसद संजय सिंह जी को रात भर पुलिस और प्रशासन के आला अधिकारी सड़क पर रोक कर खड़े हैं.

किसान के परिवार के ये आँसू भारी पड़ेंगे योगी जी! https://t.co/BOFAjM2yNg

— Manish Sisodia (@msisodia) October 4, 2021

ਓਧਰ ਸੰਜੇ ਸਿੰਘ ਨੇ ਕੁਝ ਵੀਡੀਓ ਕਲਿੱਪ ਜਾਰੀ ਕੀਤੇ ਹਨ, ਜਿਨ੍ਹਾਂ ਵਿਚ ਉਨ੍ਹਾਂ ਨੇ ਪੁਲਸ ਮੁਲਾਜ਼ਮਾਂ ਨੂੰ ਸਵਾਲ ਕਰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਉਨ੍ਹਾਂ ਨੂੰ ਲਖੀਮਪੁਰ ਖੀਰੀ ਜਾਣ ਤੋਂ ਕਿਉਂ ਰੋਕਿਆ ਜਾ ਰਿਹਾ ਹੈ। ਅਜਿਹੇ ਹੀ ਇਕ ਵੀਡੀਓ ਵਿਚ ਉਹ ਪੁਲਸ ਅਧਿਕਾਰੀਆਂ ਨੂੰ ਕਹਿੰਦੇ ਹੋਏ ਸੁਣੇ ਜਾ ਸਕਦੇ ਹਨ ਕਿ ਤੁਸੀਂ ਮੈਨੂੰ ਕਿਉਂ ਰੋਕਿਆ? ਗਿ੍ਰਫ਼ਤਾਰੀ ਦਾ ਆਦੇਸ਼ ਦਿਖਾਓ। ਮੈਂ ਥਾਣੇ ਆਵਾਂਗੇ। ਮੈਂ ਹਮਦਰਦੀ ਜ਼ਾਹਰ ਕਰਨ ਜਾ ਰਿਹਾ ਹਾਂ। ਇਹ ਕਿਸ ਕਾਨੂੰਨ ਤਹਿਤ ਅਪਰਾਧ ਹੈ। ਕੀ ਤੁਹਾਡੇ ਕੋਲ ਕੋਈ ਆਦੇਸ਼ ਹੈ?

ਕੀ ਪੁਲਸ ਵਲੋਂ ਸੰਜੇ ਸਿੰਘ ਨੂੰ ਰੋਕਿਆ ਜਾਣਾ ਸਹੀ ਹੈ? ਕੁਮੈਂਟ ਬਾਕਸ ’ਚ ਦਿਓ ਰਾਏ