ਸੰਜੇ ਰਾਊਤ ਦੇ ਭਰਾ ਸੁਨੀਲ ਵਿਰੁੱਧ ਐੱਫ. ਆਈ. ਆਰ.

ਮੁੰਬਈ- ਮੁੰਬਈ ਪੁਲਸ ਨੇ ਸ਼ਿਵ ਸੈਨਾ (ਯੂ. ਬੀ. ਟੀ.) ਦੇ ਨੇਤਾ ਸੰਜੇ ਰਾਊਤ ਦੇ ਭਰਾ ਤੇ ਪਾਰਟੀ ਵਿਧਾਇਕ ਸੁਨੀਲ ਰਾਊਤ ਵਿਰੁੱਧ ਸ਼ਿੰਦੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ ਦੀ ਮਹਿਲਾ ਆਗੂ ਸੁਵਰਨਾ ਬਾਰੇ ਇਤਰਾਜ਼ਯੋਗ ਟਿੱਪਣੀ ਕਰਨ ਲਈ ਐੱਫ. ਆਈ. ਆਰ. ਦਰਜ ਕੀਤੀ ਹੈ। ਇਕ ਅਧਿਕਾਰੀ ਨੇ ਮੰਗਲਵਾਰ ਇਹ ਜਾਣਕਾਰੀ ਦਿੱਤੀ। ਸੁਨੀਲ ਰਾਊਤ ਅਤੇ ਸੁਵਰਨਾ ਮੁੰਬਈ ਦੀ ਵਿਖਰੋਲੀ ਵਿਧਾਨ ਸਭਾ ਸੀਟ ਤੋਂ ਇਕ-ਦੂਜੇ ਵਿਰੁੱਧ ਚੋਣ ਲੜ ਰਹੇ ਹਨ।

ਸ਼ਿਵ ਸੈਨਾ (ਯੂ. ਬੀ. ਟੀ.) ਦੇ ਉਮੀਦਵਾਰ ਨੇ 27 ਅਕਤੂਬਰ ਨੂੰ ਵਿਖਰੋਲੀ ਦੇ ਟੈਗੋਰ ਨਗਰ ਇਲਾਕੇ ’ਚ ਇਕ ਸਮਾਗਮ ਦੌਰਾਨ ਕਥਿਤ ਤੌਰ ’ਤੇ ਇਤਰਾਜ਼ਯੋਗ ਟਿੱਪਣੀਆਂ ਕੀਤੀਆਂ ਸਨ। ਇਨ੍ਹਾਂ ਦੀ ਵੀਡੀਓ ਬਾਅਦ ’ਚ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਗਈ ਸੀ।