ਮਹੀਨੇ ਦੇ ਅੰਦਰ ਹੀ ਟੁੱਟ ਗਿਆ ਰੋਡ, ਨੌਜਵਾਨ ਨੇ ਹੱਥਾਂ ਨਾਲ ਪੁੱਟ ਦਿੱਤੀ ਸੜਕ, ਵੀਡੀਓ ਵਾਇਰਲ

ਨੈਸ਼ਨਲ ਡੈਸਕ : ਮਹਾਰਾਸ਼ਟਰ ਦੇ ਨਾਂਦੇੜ ਜ਼ਿਲ੍ਹੇ ਦੇ ਬਿਲੋਲੀ ਤਹਿਸੀਲ 'ਚ ਨਵੇਂ ਬਣੇ ਰੋਡ ਦੀ ਹਾਲਤ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇੱਕ ਨੌਜਵਾਨ ਨਵੇਂ ਰੋਡ 'ਤੇ ਬੈਠ ਕੇ ਹੱਥਾਂ ਨਾਲ ਲੁੱਕ ਵਾਲੀ ਸੜਕ ਦੀ ਪਰਤ ਖੋਲ੍ਹਦਾ ਨਜ਼ਰ ਆ ਰਿਹਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਰੋਡ ਸਿਰਫ਼ ਇਕ ਮਹੀਨਾ ਪਹਿਲਾਂ ਹੀ ਬਣਿਆ ਸੀ।

This road in Nashik, constructed a month ago, is of such poor quality that you can easily tear it apart with your own hands.

Imagine the Corruption done by the Contractorspic.twitter.com/VM0wO4fykR

— 🚨Indian Gems (@IndianGems_) July 7, 2025

ਜਿਵੇਂ ਹੀ ਨੌਜਵਾਨ ਹੱਥ ਮਾਰਦਾ ਹੈ ਤਾਂ ਰੋਡ ਦੀ ਉਪਰਲੀ ਪਰਤ ਅਸਾਨੀ ਨਾਲ ਉਖੜ ਜਾਂਦੀ ਹੈ ਅਤੇ ਹੇਠਲੀ ਪੱਥਰਾਂ ਵਾਲੀ ਪਰਤ ਦਿਖਣ ਲੱਗ ਪੈਂਦੀ ਹੈ। ਲੋਕਾਂ ਨੇ ਦੱਸਿਆ ਕਿ ਇਹ ਰੋਡ ਨਾਸਿਕ ਦੇ ਦੁਗਾਓਂ ਅਤੇ ਪੁਣੇ ਦੇ ਡੋਂਗਰਗਾਓਂ ਵਿਚਕਾਰ ਬਣਾਇਆ ਗਿਆ ਸੀ ਪਰ ਬਣਨ ਤੋਂ ਕੁਝ ਦਿਨਾਂ ਬਾਅਦ ਹੀ ਇਸ 'ਚ ਖੱਡਾਂ ਨਿਕਲ ਆਏ ਸਨ। ਮੁਕਾਮੀ ਵਾਸੀਆਂ ਦੇ ਅਨੁਸਾਰ ਰੋਡ ਬਣਾਉਣ ਦੌਰਾਨ ਨਾ ਹੀ ਢੁੱਕਵਾਂ ਮਟੀਰੀਅਲ ਵਰਤਿਆ ਗਿਆ ਤੇ ਨਾ ਹੀ ਹੇਠਲੀ ਪਰਤ ਨੂੰ ਢੰਗ ਨਾਲ ਤਿਆਰ ਕੀਤਾ ਗਿਆ। ਵੀਡੀਓ 'ਚ ਨੌਜਵਾਨ ਰੋਡ ਦੀ ਗੁਣਵੱਤਾ 'ਤੇ ਸਵਾਲ ਚੁੱਕਦਾ ਹੋਇਆ ਕਈ ਫੁੱਟ ਤਕ ਲੁੱਕ ਦੀ ਪਰਤ ਖੋਲ੍ਹ ਦਿੰਦਾ ਹੈ। ਰੋਡ ਬਣਾਉਣ 'ਚ ਹੋ ਰਹੀ ਬੇਈਮਾਨੀ ਅਤੇ ਲਾਪਰਵਾਹੀ ਨੂੰ ਇੱਕ ਵਾਰ ਫਿਰ ਸਵਾਲਾਂ ਦੇ ਘੇਰੇ ਵਿੱਚ ਲਿਆ ਹੈ। ਲੋਕਾਂ ਨੇ ਠੇਕਾਦਾਰਾਂ ਖਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।