ਮੁੰਬਈ 'ਚ High Tide ਨੂੰ ਲੈ ਕੇ ਰੈੱਡ ਅਲਰਟ ਜਾਰੀ, ਲੋਕਾਂ ਨੂੰ ਸਮੁੰਦਰ ਤੋਂ ਦੂਰ ਰਹਿਣ ਦੀ ਚਿਤਾਵਨੀ

ਨੈਸ਼ਨਲ ਡੈਸਕ : ਭਾਰਤ ਮੌਸਮ ਵਿਭਾਗ (ਆਈਐਮਡੀ) ਨੇ ਵਿੱਤੀ ਰਾਜਧਾਨੀ ਸਮੇਤ ਤੱਟਵਰਤੀ ਕੋਂਕਣ ਖੇਤਰ ਲਈ ਮੌਸਮ ਦੀ ਚਿਤਾਵਨੀ ਜਾਰੀ ਕਰ ਦਿੱਤੀ ਹੈ। ਮੌਸਮ ਵਿਭਾਗ ਅਨੁਸਾਰ ਅਗਲੇ 48 ਘੰਟਿਆਂ ਵਿੱਚ ਮੁੰਬਈ ਚ ਤੇਜ਼ ਤੇ ਉੱਚੀਆਂ ਲਹਿਰਾਂ (High Tide) ਤੇ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਆਈਐੱਮਡੀ ਦੇ ਅਨੁਸਾਰ ਮੁੰਬਈ ਅਤੇ ਇਸਦੇ ਉਪਨਗਰਾਂ 'ਚ ਭਾਰੀ ਤੋਂ ਬਹੁਤ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇਸਦੇ ਨਾਲ ਹੀ 40-50 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਤੇਜ਼ ਹਵਾਵਾਂ ਚੱਲਣਗੀਆਂ। ਇਸ ਸਮੇਂ ਦੌਰਾਨ ਅਸਮਾਨ ਆਮ ਤੌਰ 'ਤੇ ਬੱਦਲਵਾਈ ਰਹਿਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ...ਹੁਣ ਕਿਰਾਏਦਾਰਾਂ ਨੂੰ ਵੀ ਮੁਫ਼ਤ ਮਿਲੇਗੀ 125 ਯੂਨਿਟ ਬਿਜਲੀ ! ਬਸ ਪਵੇਗਾ ਇਹ ਕੰਮ ਕਰਨਾ

ਅਲਰਟ 'ਚ ਡੋਂਗੀ ਪੁਆਇੰਟ ਤੋਂ ਬੇਲਾਪੁਰ ਤੱਕ ਤੱਟਵਰਤੀ ਖੇਤਰ 'ਚ ਉੱਚੀਆਂ ਲਹਿਰਾਂ ਦੀ ਚਿਤਾਵਨੀ ਵੀ ਸ਼ਾਮਲ ਹੈ, ਜਿਸ 'ਚ ਠਾਣੇ, ਮੁੰਬਈ ਸ਼ਹਿਰ ਤੇ ਮੁੰਬਈ ਉਪਨਗਰੀ ਜ਼ਿਲ੍ਹੇ ਸ਼ਾਮਲ ਹਨ। 25 ਜੁਲਾਈ ਸ਼ਾਮ 5:30 ਵਜੇ ਤੋਂ 27 ਜੁਲਾਈ ਰਾਤ 8:30 ਵਜੇ ਤੱਕ 4.4 ਤੋਂ 4.6 ਮੀਟਰ ਉੱਚੀਆਂ ਲਹਿਰਾਂ ਉੱਠਣ ਦੀ ਉਮੀਦ ਹੈ। ਮਹਾਰਾਸ਼ਟਰ 'ਚ ਮੌਨਸੂਨ ਗਤੀਵਿਧੀ ਨੂੰ "ਆਮ" ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ, ਉੱਤਰੀ ਕੋਂਕਣ ਅਤੇ ਮੱਧ ਮਹਾਰਾਸ਼ਟਰ ਦੇ ਕੁਝ ਹਿੱਸਿਆਂ ਵਿੱਚ ਬਹੁਤ ਭਾਰੀ ਮੀਂਹ ਦਰਜ ਕੀਤਾ ਗਿਆ ਹੈ ਅਤੇ ਕੋਂਕਣ-ਗੋਆ, ਮਰਾਠਵਾੜਾ ਅਤੇ ਗੁਜਰਾਤ ਦੇ ਕੁਝ ਹਿੱਸਿਆਂ 'ਚ ਭਾਰੀ ਮੀਂਹ ਦਰਜ ਕੀਤਾ ਗਿਆ ਹੈ। ਬੀਤੇ ਦਿਨ ਮਰੀਨ ਡਰਾਈਵ ਤੋਂ ਪ੍ਰਾਪਤ ਵਿਜ਼ੂਅਲ 'ਚ ਸਮੁੰਦਰ ਵਿੱਚ ਤੂਫ਼ਾਨ ਅਤੇ ਲਹਿਰਾਂ ਦੇ ਪੱਧਰ ਵਿੱਚ ਵਾਧਾ ਦਿਖਾਇਆ ਗਿਆ, ਜੋ ਕਿ ਬਦਲਦੇ ਮੌਸਮ ਦੇ ਹਾਲਾਤਾਂ ਨੂੰ ਦਰਸਾਉਂਦਾ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e