ਹੈਲਥ ਡੈਸਕ - ਬਦਲਦੀ ਜੀਵਨ ਸ਼ੈਲੀ ਅਤੇ ਮਾਨਸਿਕ ਤਣਾਅ ਕਾਰਨ ਹਾਈ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਤੇਜ਼ੀ ਨਾਲ ਵਧ ਰਹੀ ਹੈ। ਜੇਕਰ ਇਸ ਨੂੰ ਸਮੇਂ ਸਿਰ ਕੰਟਰੋਲ ਨਾ ਕੀਤਾ ਜਾਵੇ, ਤਾਂ ਇਹ ਹਾਰਟ ਅਟੈਕ ਅਤੇ ਸਟ੍ਰੋਕ ਵਰਗੀਆਂ ਗੰਭੀਰ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ ਪਰ ਘਬਰਾਉਣ ਦੀ ਲੋੜ ਨਹੀਂ, ਕੁਝ ਕੁਦਰਤੀ ਤਰੀਕਿਆਂ ਅਤੇ ਸਾਵਧਾਨੀਆਂ ਨਾਲ ਤੁਸੀਂ ਇਸ ਨੂੰ ਆਸਾਨੀ ਨਾਲ ਕੰਟਰੋਲ ਕਰ ਸਕਦੇ ਹੋ।

ਆਓ ਜਾਣਦੇ ਹਾਂ High BP ਨੂੰ ਘਟਾਉਣ ਦੇ ਕਾਰਗਰ ਤਰੀਕੇ :-

ਨਮਕ ਦੀ ਵਰਤੋਂ ਘਟਾਓ 
- ਹਾਈ ਬੀ.ਪੀ. ਦੇ ਮਰੀਜ਼ਾਂ ਲਈ ਨਮਕ ਸਭ ਤੋਂ ਵੱਡਾ ਦੁਸ਼ਮਣ ਹੈ। ਨਮਕ 'ਚ ਮੌਜੂਦ ਸੋਡੀਅਮ ਸਰੀਰ 'ਚ ਪਾਣੀ ਨੂੰ ਰੋਕਦਾ ਹੈ, ਜਿਸ ਨਾਲ ਖੂਨ ਦੀਆਂ ਨਸਾਂ 'ਤੇ ਦਬਾਅ ਵਧਦਾ ਹੈ। ਕੋਸ਼ਿਸ਼ ਕਰੋ ਕਿ ਦਿਨ ਭਰ 'ਚ ਬਹੁਤ ਘੱਟ ਨਮਕ ਖਾਓ ਅਤੇ ਪੈਕੇਟ ਬੰਦ ਚੀਜ਼ਾਂ (ਪਕੌੜੇ, ਚਿਪਸ, ਅਚਾਰ) ਤੋਂ ਦੂਰੀ ਬਣਾਓ।

ਰੋਜ਼ਾਨਾ ਸੈਰ ਅਤੇ ਯੋਗਾ
- ਸਰੀਰਕ ਗਤੀਵਿਧੀ ਦੀ ਕਮੀ ਬਲੱਡ ਪ੍ਰੈਸ਼ਰ ਵਧਣ ਦਾ ਮੁੱਖ ਕਾਰਨ ਹੈ। ਰੋਜ਼ਾਨਾ ਘੱਟੋ-ਘੱਟ 30 ਮਿੰਟ ਤੇਜ਼ ਸੈਰ ਕਰੋ। ਇਸ ਤੋਂ ਇਲਾਵਾ 'ਪ੍ਰਾਣਾਯਾਮ' ਅਤੇ 'ਅਨੁਲੋਮ-ਵਿਲੋਮ' ਵਰਗੇ ਯੋਗਾ ਅਭਿਆਸ ਨਸਾਂ ਨੂੰ ਸ਼ਾਂਤ ਕਰਦੇ ਹਨ ਅਤੇ ਬੀ.ਪੀ. ਨੂੰ ਨਾਰਮਲ ਰੱਖਦੇ ਹਨ।

ਪੋਟਾਸ਼ੀਅਮ ਭਰਪੂਰ ਖੁਰਾਕ ਲਓ
- ਪੋਟਾਸ਼ੀਅਮ ਸਰੀਰ 'ਚੋਂ ਸੋਡੀਅਮ ਦੇ ਪ੍ਰਭਾਵ ਨੂੰ ਘਟਾਉਂਦਾ ਹੈ। ਆਪਣੀ ਖੁਰਾਕ 'ਚ ਕੇਲਾ, ਪਾਲਕ, ਸੰਤਰਾ ਅਤੇ ਦਹੀ ਸ਼ਾਮਲ ਕਰੋ। ਇਹ ਚੀਜ਼ਾਂ ਕੁਦਰਤੀ ਤੌਰ 'ਤੇ ਬਲੱਡ ਪ੍ਰੈਸ਼ਰ ਨੂੰ ਘੱਟ ਕਰਨ 'ਚ ਮਦਦ ਕਰਦੀਆਂ ਹਨ।

ਲਸਣ ਦੀ ਵਰਤੋਂ 
- ਲਸਣ 'ਚ 'ਐਲੀਸਿਨ' ਨਾਮਕ ਤੱਤ ਹੁੰਦਾ ਹੈ ਜੋ ਖੂਨ ਨੂੰ ਪਤਲਾ ਕਰਨ ਅਤੇ ਨਸਾਂ ਨੂੰ ਫੈਲਾਉਣ 'ਚ ਮਦਦ ਕਰਦਾ ਹੈ। ਰੋਜ਼ਾਨਾ ਸਵੇਰੇ ਖਾਲੀ ਪੇਟ ਲਸਣ ਦੀ ਇਕ ਕਲੀ ਪਾਣੀ ਨਾਲ ਲੈਣ ਨਾਲ ਹਾਈ ਬੀ.ਪੀ. 'ਚ ਕਾਫ਼ੀ ਸੁਧਾਰ ਹੁੰਦਾ ਹੈ।

ਤਣਾਅ ਮੁਕਤ ਰਹੋ 
- ਜ਼ਿਆਦਾ ਗੁੱਸਾ ਅਤੇ ਚਿੰਤਾ ਬਲੱਡ ਪ੍ਰੈਸ਼ਰ ਨੂੰ ਤੁਰੰਤ ਵਧਾ ਦਿੰਦੇ ਹਨ। ਪੂਰੀ ਨੀਂਦ ਲਓ ਅਤੇ ਮਨ ਨੂੰ ਸ਼ਾਂਤ ਰੱਖਣ ਲਈ ਸੰਗੀਤ ਸੁਣੋ ਜਾਂ ਆਪਣੀ ਪਸੰਦ ਦਾ ਕੰਮ ਕਰੋ।

 ਖਾਸ ਸਲਾਹ :-
ਹਾਈ ਬੀ.ਪੀ. ਦੇ ਮਰੀਜ਼ਾਂ ਨੂੰ ਨਿਯਮਤ ਤੌਰ 'ਤੇ ਆਪਣਾ ਚੈੱਕਅਪ ਕਰਵਾਉਣਾ ਚਾਹੀਦਾ ਹੈ। ਜੇਕਰ ਬਲੱਡ ਪ੍ਰੈਸ਼ਰ ਲਗਾਤਾਰ 140/90 ਤੋਂ ਉੱਪਰ ਰਹਿੰਦਾ ਹੈ, ਤਾਂ ਤੁਰੰਤ ਡਾਕਟਰ ਦੀ ਸਲਾਹ ਲਓ।