'ਕੀ FIR ਕਰਾਉਣ ਲਈ ਅੰਦੋਲਨ ਕਰਨੇ ਪੈਣਗੇ?', ਬਦਲਾਪੁਰ 'ਚ ਬੱਚੀਆਂ ਦੇ ਜਿਨਸੀ ਸ਼ੋਸ਼ਣ 'ਤੇ ਭੜਕੇ ਰਾਹੁਲ ਗਾਂਧੀ

ਨਵੀਂ ਦਿੱਲੀ- ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਬਦਲਾਪੁਰ 'ਚ ਜਿਨਸੀ ਸ਼ੋਸ਼ਣ ਦੀ ਘਟਨਾ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ, "ਪੱਛਮੀ ਬੰਗਾਲ, ਯੂ.ਪੀ., ਬਿਹਾਰ ਤੋਂ ਬਾਅਦ ਮਹਾਰਾਸ਼ਟਰ 'ਚ ਵੀ ਬੱਚੀਆਂ ਦੇ ਖਿਲਾਫ ਸ਼ਰਮਨਾਕ ਅਪਰਾਧ ਸੋਚਣ 'ਤੇ ਮਜਬੂਰ ਕਰਦੇ ਹਨ ਕਿ ਅਸੀਂ ਇਕ ਸਮਾਜ ਦੇ ਤੌਰ 'ਤੇ ਕਿੱਥੇ ਜਾ ਰਹੇ ਹਾਂ? ਉਨ੍ਹਾਂ ਕਿਹਾ, "ਕੀ ਹੁਣ ਐੱਫ.ਆਈ.ਆਰ. ਤਕ ਦਰਜ ਕਰਾਉਣ ਲਈ ਅੰਦੋਲਨ ਕਰਨਾ ਪਏਗਾ? ਆਖਰ ਪੀੜਤਾਂ ਲਈ ਪੁਲਸ ਥਾਣੇ ਤਕ ਜਾਣਾ ਵੀ ਇੰਨਾ ਮੁਸ਼ਕਿਲ ਕਿਉਂ ਹੋ ਗਿਆ ਹੈ?''

ਲੋਕ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਆਗੂ ਰਾਹੁਲ ਗਾਂਧੀ ਨੇ ਆਪਣੇ ਇਕ ਐਕਸ ਪੋਸਟ 'ਚ ਕਿਹਾ, ''ਬਦਲਾਪੁਰ 'ਚ ਦੋ ਮਾਸੂਮਾਂ ਦੇ ਨਾਲ ਹੋਏ ਅਪਰਾਧ ਤੋਂ ਬਾਅਦ ਉਨ੍ਹਾਂ ਨੂੰ ਇਨਸਾਫ ਲਈ ਪਹਿਲਾ ਕਦਮ ਉਦੋਂ ਤਕ ਨਹੀਂ ਚੁੱਕਿਆ ਗਿਆ ਜਦੋਂ ਤਕ ਜਨਤਾ 'ਨਿਆਂ ਦੀ ਗੁਹਾਰ' ਕਰਦੇ ਹੋਏ ਸੜਕ 'ਤੇ ਨਹੀਂ ਆ ਗਈ।'' ਉਨ੍ਹਾਂ ਕਿਹਾ, "ਨਿਆਂ ਦਿਵਾਉਣ ਨਾਲੋਂ ਜ਼ਿਆਦਾ ਕੋਸ਼ਿਸ਼ ਅਪਰਾਧ ਨੂੰ ਲੁਕਾਉਣ ਲਈ ਕੀਤੀ ਜਾਂਦੀ ਹੈ, ਜਿਸ ਦਾ ਸਭ ਤੋਂ ਵੱਡਾ ਸ਼ਿਕਾਰ ਔਰਤਾਂ ਅਤੇ ਕਮਜ਼ੋਰ ਵਰਗ ਦੇ ਲੋਕ ਹੁੰਦੇ ਹਨ।''

पश्चिम बंगाल, यूपी, बिहार के बाद महाराष्ट्र में भी बेटियों के खिलाफ शर्मनाक अपराध सोचने पर मजबूर करते हैं कि हम एक समाज के तौर पर कहां जा रहे हैं?

बदलापुर में दो मासूमों के साथ हुए अपराध के बाद उनको इंसाफ दिलाने के लिए पहला कदम तब तक नहीं उठाया गया जब तक जनता ‘न्याय की गुहार’…

— Rahul Gandhi (@RahulGandhi) August 21, 2024

ਕਾਂਗਰਸ ਨੇਤਾ ਨੇ ਕਿਹਾ ਕਿ ਐੱਫ.ਆਈ.ਆਰ. ਦਰਜ ਨਾ ਹੋਣਾ ਨਾ ਸਿਰਫ ਪੀੜਤਾਂ ਨੂੰ ਨਿਰਾਸ਼ ਕਰਦਾਹੈ ਸਗੋਂ ਅਪਰਾਧੀਆਂ ਦਾ ਹੌਸਲਾ ਵੀ ਵਧਾਉਂਦਾ ਹੈ। ਸਾਰੀਆਂ ਸਰਕਾਰਾਂ, ਨਾਗਰਿਕਾਂ ਅਤੇ ਰਾਜਨੀਤਿਕ ਪਾਰਟੀਆਂ ਨੂੰ ਗੰਭੀਰ ਮੰਥਨ ਕਰਨਾ ਹੋਵੇਗਾ ਕਿ ਸਮਾਜ 'ਚ ਔਰਤਾਂ ਨੂੰ ਸੁਰੱਖਿਅਤ ਮਾਹੌਲ ਦੇਣ ਲਈ ਕੀ ਕਦਮ ਚੁੱਕੇ ਜਾਣ।'' ਉਨ੍ਹਾਂ ਕਿਹਾ ਕਿ ਨਿਆਂ ਹਰ ਨਾਗਰਿਕ ਦਾ ਅਧਿਕਾਰਤ ਹੈ, ਉਸ ਨੂੰ ਪੁਲਸ ਅਤੇ ਪ੍ਰਸ਼ਾਸਨ ਦੀ 'ਮਰਜ਼ੀ ਦਾ ਮੋਹਤਾਜ' ਨਹੀਂ ਬਣਾਇਆ ਜਾ ਸਕਦਾ।