ਰਾਹੁਲ ਗਾਂਧੀ ਦੀ ਕੇਰਲ ‘ਗੂਗਲੀ’

ਨੈਸ਼ਨਲ ਡੈਸਕ- ਰਾਹੁਲ ਗਾਂਧੀ ਨੇ ਕੇਰਲ ’ਚ ਇਕ ਸਿਆਸੀ ‘ਗੂਗਲੀ’ ਸੁੱਟੀ, ਜਿੱਥੇ ਅੱਜ ਪੋਲਿੰਗ ਹੋਈ। ਉਨ੍ਹਾਂ ਐਲਾਨ ਕੀਤਾ ਕਿ ਜੇਕਰ ਕਾਂਗਰਸ ਇੱਥੇ ਸੱਤਾ ’ਚ ਆਉਂਦੀ ਹੈ, ਤਾਂ ਉਹ ਕਿਸੇ ਔਰਤ ਨੂੰ ਮੁੱਖ ਮੰਤਰੀ ਦੇ ਤੌਰ ’ਤੇ ਦੇਖਣਾ ਚਾਹੁਣਗੇ। ਇਸ ਟਿੱਪਣੀ ਨੇ ਤੁਰੰਤ ਹੀ ਚਰਚਾ ਦਾ ਰੁਖ ਬਦਲ ਦਿੱਤਾ। ਹਾਲਾਂਕਿ, ਇਹ ਗੱਲ ਭਾਵਨਾਵਾਂ ’ਚ ਲਿਪਟੀ ਹੋਈ ਸੀ। ਚੋਣ ਪ੍ਰਚਾਰ ਦੌਰਾਨ, ਰਾਹੁਲ ਨੇ ਆਪਣੇ ਹਾਲ ਦੇ ਇਕ ਅਨੁਭਵ ਨੂੰ ਯਾਦ ਕੀਤਾ, ਜਦੋਂ ਸੋਨੀਆ ਗਾਂਧੀ ਹਸਪਤਾਲ ’ਚ ਦਾਖਲ ਸਨ।

ਉਨ੍ਹਾਂ ਕੇਰਲ ਦੀ ਇਕ ਨਰਸ ਦਾ ਜ਼ਿਕਰ ਕੀਤਾ, ਜਿਸ ਨੇ ਸੋਨੀਆ ਗਾਂਧੀ ਦੀ ਬਹੁਤ ਹੀ ਬਿਹਤਰੀਨ ਤਰੀਕੇ ਨਾਲ ਦੇਖਭਾਲ ਕੀਤੀ ਸੀ। ਇਸ ਕਹਾਣੀ ਰਾਹੀਂ, ਉਨ੍ਹਾਂ ਕੇਰਲ ਦੀਆਂ ਨਰਸਾਂ ਦੀ ਹਮਦਰਦੀ ਅਤੇ ਸਮਰਪਣ ਨੂੰ ਉਜਾਗਰ ਕੀਤਾ। ਉਨ੍ਹਾਂ ਕਿਹਾ ਕਿ ਕੇਰਲ ਦੀ ਇਕ ਨਰਸ ਹਰ ਘੰਟੇ ਆ ਕੇ ਮੇਰੀ ਮਾਂ ਦੀ ਜਾਂਚ ਕਰਦੀ ਸੀ, ਉਨ੍ਹਾਂ ਅਣਗਿਣਤ ਪਰਿਵਾਰਾਂ ਨੂੰ ਉਨ੍ਹਾਂ ਦੇ ਸਭ ਤੋਂ ਮੁਸ਼ਕਲ ਸਮੇਂ ’ਚ ਸਹਾਰਾ ਦਿੱਤਾ ਹੈ। ਇਸ ਤੋਂ ਬਾਅਦ ਰਾਹੁਲ ਨੇ ਕਿਹਾ ਕਿ ਉਹ ਕੇਰਲ ’ਚ ਕਿਸੇ ਔਰਤ ਨੂੰ ਮੁੱਖ ਮੰਤਰੀ ਬਣਦੇ ਦੇਖਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ।

ਫਿਰ ਵੀ, ਇਹ ਭਾਵਨਾਤਮਕ ਅਪੀਲ ਅਸਲ ਰਾਜਨੀਤੀ ਨੂੰ ਲੁਕਾ ਦਿੰਦੀ ਹੈ। ਇਸ ਬਿਆਨ ਨਾਲ ਕੇ. ਸੀ. ਵੇਣੂਗੋਪਾਲ, ਰਮੇਸ਼ ਚੇਨਿਥਲਾ ਅਤੇ ਵੀ. ਡੀ. ਸਤੀਸ਼ਨ ਵਰਗੇ ਸੀਨੀਅਰ ਨੇਤਾ ਬੇਚੈਨ ਹੋ ਗਏ ਹਨ। ਕੇਰਲ ’ਚ ਕਾਂਗਰਸ ਕੋਲ ਪ੍ਰਮੁੱਖ ਮਹਿਲਾ ਨੇਤਾਵਾਂ ਦੀ ਗਿਣਤੀ ਬਹੁਤ ਘੱਟ ਹੈ। ਆਪਣੀਆਂ 95 ਸੀਟਾਂ ਵਿਚੋਂ ਮੁਸ਼ਕਲ ਨਾਲ 8 ਜਾਂ 9 ਔਰਤ ਉਮੀਦਵਾਰਾਂ ਦੇ ਨਾਲ, ਇਹ ਤਸਵੀਰ ਵਾਅਦੇ ਨਾਲ ਮੇਲ ਨਹੀਂ ਖਾਂਦੀ।

ਜਿਨ੍ਹਾਂ ਲੋਕਾਂ ਦੇ ਨਾਵਾਂ ’ਤੇ ਚਰਚਾ ਹੋ ਰਹੀ ਹੈ, ਉਨ੍ਹਾਂ ’ਚ ਸੰਸਦ ਮੈਂਬਰ ਹਿਬੀ ਈਡਨ ਵੀ ਸ਼ਾਮਲ ਹਨ, ਹਾਲਾਂਕਿ ਉਹ ਚੋਣ ਨਹੀਂ ਲੜ ਰਹੀ। ਸਾਬਕਾ ਸੰਸਦ ਮੈਂਬਰ ਅਤੇ ਦਲਿਤ ਨੇਤਾ ਰਮਿਆ ਹਰੀਦਾਸ ਤੋਂ ਇਲਾਵਾ, ਸ਼ਨੀਮੋਲ ਉਸਮਾਨ, ਬਿੰਦੂ ਕ੍ਰਿਸ਼ਨਾ ਅਤੇ ਉਮਾ ਥਾਮਸ ਦੇ ਨਾਵਾਂ ’ਤੇ ਵੀ ਚਰਚਾ ਹੋ ਰਹੀ ਹੈ। ਫਿਲਹਾਲ, ਰਾਹੁਲ ਦੀ ‘ਗੂਗਲੀ’ ਆਪਣਾ ਅਸਰ ਦਿਖਾ ਚੁੱਕੀ ਹੈ। ਹੁਣ ਇਹ ‘ਵਿਕਟ’ ’ਚ ਤਬਦੀਲ ਹੋਵੇਗੀ ਜਾਂ ਨਹੀਂ, ਇਹ ਚੋਣ ਨਤੀਜਿਆਂ ਅਤੇ ਅੰਕੜਾ ਰਿਪੋਰਟਾਂ ’ਤੇ ਨਿਰਭਰ ਕਰੇਗਾ।