''ਤੁਰਦਾ-ਫਿਰਦਾ ਕਿਲ੍ਹਾ'' ਹੈ ਪੁਤਿਨ ਦੀ ਸਵਾਰੀ! ਦੁਨੀਆ ਦੀ ਸਭ ਤੋਂ ਸੁਰੱਖਿਅਤ ਗੱਡੀ Aurus Senat ਲਿਮੋਜ਼ੀਨ
Wednesday, Dec 03, 2025 - 06:34 PM (IST)
ਨਵੀਂ ਦਿੱਲੀ : ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ 4 ਅਤੇ 5 ਦਸੰਬਰ ਨੂੰ ਭਾਰਤ ਦੌਰੇ 'ਤੇ ਪਹੁੰਚ ਰਹੇ ਹਨ। ਇਸ ਦੌਰਾਨ, ਉਹਨਾਂ ਦੀ ਪ੍ਰੈਜ਼ੀਡੈਂਸ਼ੀਅਲ ਸਟੇਟ ਕਾਰ 'ਆਉਰਸ ਸੇਨਾਟ ਲਿਮੋਜ਼ੀਨ' (Aurus Senat Limousine) ਵੀ ਉਹਨਾਂ ਦੇ ਨਾਲ ਹੋਵੇਗੀ, ਜਿਸ ਨੂੰ ਦੁਨੀਆ ਦੀ ਸਭ ਤੋਂ ਸੁਰੱਖਿਅਤ ਗੱਡੀ ਅਤੇ 'ਤੁਰਦਾ-ਫਿਰਦਾ ਕਿਲ੍ਹਾ' ਕਿਹਾ ਜਾਂਦਾ ਹੈ।
Aurus Senat ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ
ਇਸ ਕਾਰ ਨੂੰ ਰੂਸ ਦੇ NAMI (ਸੈਂਟਰਲ ਸਾਇੰਟਿਫਿਕ ਰਿਸਰਚ ਆਟੋਮੋਬਾਈਲ ਐਂਡ ਆਟੋਮੋਟਿਵ ਇੰਜਣ ਇੰਸਟੀਚਿਊਟ) ਨੇ 'ਕੋਰਤੇਜ' ਪ੍ਰੋਜੈਕਟ ਤਹਿਤ ਬਣਾਇਆ ਹੈ।
ਸੁਰੱਖਿਆ: ਇਸ ਦੀ ਪੂਰੀ ਬਾਡੀ ਅਤੇ ਸ਼ੀਸ਼ੇ ਬੇਹੱਦ ਮਜ਼ਬੂਤ ਮਟੀਰੀਅਲ ਦੇ ਬਣੇ ਹਨ, ਜੋ ਆਰਮਰ-ਪੀਅਰਸਿੰਗ ਗੋਲੀਆਂ ਅਤੇ ਹੈਂਡ ਗ੍ਰੇਨੇਡ ਦੇ ਹਮਲਿਆਂ ਨੂੰ ਰੋਕ ਸਕਦੇ ਹਨ।
ਬੁਲੇਟਪਰੂਫ: ਇਸ ਦੀਆਂ ਖਿੜਕੀਆਂ ਦੀ ਮੋਟਾਈ ਲਗਭਗ 6 ਸੈਂਟੀਮੀਟਰ ਹੈ।
ਵਿਸਫੋਟ ਸੁਰੱਖਿਆ: ਗੱਡੀ ਦਾ ਹੇਠਲਾ ਹਿੱਸਾ ਬਲਾਸਟ-ਪਰੂਫ ਹੈ।
ਟਾਇਰ: ਇਸ ਵਿੱਚ ਰਨ-ਫਲੈਟ ਟਾਇਰ ਹਨ, ਮਤਲਬ ਕਿ ਗੋਲੀ ਲੱਗਣ ਜਾਂ ਪੰਕਚਰ ਹੋਣ 'ਤੇ ਵੀ ਗੱਡੀ ਲੰਬੀ ਦੂਰੀ ਤੱਕ ਚੱਲ ਸਕਦੀ ਹੈ।
ਹੋਰ ਸੁਰੱਖਿਆ: ਕੈਬਿਨ ਵਿੱਚ ਵਿਸ਼ੇਸ਼ ਏਅਰ ਫਿਲਟਰ ਅਤੇ ਵਾਧੂ ਆਕਸੀਜਨ ਸਪਲਾਈ ਰਾਹੀਂ ਕੇਮਿਕਲ/ਗੈਸ ਅਟੈਕ ਤੋਂ ਸੁਰੱਖਿਆ ਹੈ। ਇਸ ਵਿੱਚ ਅੱਗ ਬੁਝਾਉਣ ਦੀ ਆਟੋਮੈਟਿਕ ਵਿਵਸਥਾ ਅਤੇ ਗੁਪਤ ਕਮਿਊਨੀਕੇਸ਼ਨ ਸਿਸਟਮ ਵੀ ਹੈ।
ਇੰਜਣ: ਇਸ ਵਿੱਚ 4.4 ਲੀਟਰ ਟਵਿਨ-ਟਰਬੋ V8 ਹਾਈਬ੍ਰਿਡ ਇੰਜਣ ਹੈ, ਜੋ 598 ਹਾਰਸਪਾਵਰ ਪੈਦਾ ਕਰਦਾ ਹੈ।
ਸੁਵਿਧਾਵਾਂ: ਕਾਰ ਵਿੱਚ ਰੀਕਲਾਈਨਿੰਗ ਸੀਟਾਂ, ਪ੍ਰੀਮੀਅਮ ਲੈਦਰ ਅਪਹੋਲਸਟ੍ਰੀ, ਫੋਲਡ-ਆਊਟ ਟੇਬਲ, ਅਤੇ ਇੱਕ ਮਿੰਨੀ-ਫਰਿੱਜ ਜਿਹੀਆਂ ਸਹੂਲਤਾਂ ਹਨ। ਇਸ ਨੂੰ ਇੱਕ ਮਿੰਨੀ ਕਮਾਂਡ ਸੈਂਟਰ ਵਜੋਂ ਵੀ ਵਰਤਿਆ ਜਾ ਸਕਦਾ ਹੈ। ਪੁਤਿਨ ਦੇ ਵਿਦੇਸ਼ੀ ਦੌਰਿਆਂ 'ਤੇ ਇਸ ਕਾਰ ਨੂੰ ਆਮ ਤੌਰ 'ਤੇ ਇਲਿਊਸ਼ਿਨ Il-76 ਟਰਾਂਸਪੋਰਟ ਏਅਰਕ੍ਰਾਫਟ ਰਾਹੀਂ ਲਿਜਾਇਆ ਜਾਂਦਾ ਹੈ।
