ਐੱਨ.ਆਈ.ਏ. ਟੀਮ ''ਤੇ ਹਮਲਾ ਕਰਨ ਵਾਲਾ ਗ੍ਰਿਫਤਾਰ

ਗਾਜ਼ੀਆਬਾਦ— ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ ਦੀ ਥਾਣਾ ਭੋਜਪੁਰ ਪੁਲਸ ਨੇ ਐੱਨ.ਆਈ.ਏ. ਦੀ ਟੀਮ 'ਤੇ ਹਮਲਾ ਕਰਨ ਵਾਲੇ ਦੋਸ਼ੀ ਦੇਸ਼ ਨੂੰ ਸੀਮਾਪੁਰੀ ਸਰਹੱਦ ਤੋਂ ਵੀਰਵਾਰ ਨੂੰ ਗ੍ਰਿਫਤਾਰ ਕਰ ਲਿਆ। ਸੀਨੀਅਰ ਪੁਲਸ ਕਮਿਸ਼ਨਰ ਹਰਿਨਾਰਾਇਣ ਸਿੰਘ ਨੇ ਦੱਸਿਆ ਕਿ ਭੋਜਪੁਰ ਪੁਲਸ ਨੇ ਮਲੂਕ ਨੂੰ ਗਾਜ਼ੀਆਬਾਦ ਅਤੇ ਦਿੱਲੀ ਦੇ ਸੀਮਾਪੁਰੀ ਸਥਿਤ ਸਰਹੱਦ ਤੋਂ ਗ੍ਰਿਫਤਾਰ ਕੀਤਾ। ਐੱਨ.ਆਈ.ਏ. ਦੀ ਟੀਮ ਤੋਂ ਉੱਤਰ ਪ੍ਰਦੇਸ਼ ਪੁਲਸ ਨੂੰ ਸੂਚਨਾ ਮਿਲੀ ਸੀ ਕਿ ਉਹ ਕਈ ਅਪਰਾਧਕ ਸੰਗਠਨਾਂ ਨੂੰ ਹਥਿਆਰ ਵੀ ਮਹੱਈਆ ਕਰਵਾਉਂਦਾ ਸੀ। ਕਿਸੇ ਅੱਤਵਾਦੀ ਸੰਗਠਨ ਨਾਲ ਉਸ ਦੇ ਸੰਬੰਧ ਹੋਣ ਨੂੰ ਵੀ ਨਕਾਰਿਆ ਨਹੀਂ ਜਾ ਸਕਦਾ।
ਐੱਨ.ਆਈ.ਏ. ਦੀ ਟੀਮ ਅਤੇ ਗਾਜ਼ੀਆਬਾਦ ਪੁਲਸ ਡੂੰਘੀ ਪੁੱਛ-ਗਿੱਛ ਕਰ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਤਿੰਨ ਦਸੰਬਰ ਨੂੰ ਥਾਣਾ ਭੋਜਪੁਰ ਦੇ ਫਰੀਦਪੁਰ ਨਹਾਲੀ ਪਿੰਡ 'ਚ ਐੱਨ.ਆਈ.ਏ. ਦੀ ਟੀਮ ਅਤੇ ਉੱਤਰ ਪ੍ਰਦੇਸ਼ ਪੁਲਸ ਦੀ ਛਾਪੇਮਾਰੀ ਦੌਰਾਨ ਮਲੂਕ ਨੇ ਟੀਮ ਦੇ ਲੋਕਾਂ 'ਤੇ ਹਮਲਾ ਬੋਲ ਦਿੱਤਾ ਸੀ। ਇਸ ਦੌਰਾਨ ਇਕ ਸਿਪਾਹੀ ਨੂੰ ਵੀ ਗੋਲੀ ਲੱਗੀ ਸੀ।