PUBG ਕਾਰਨ ਘਰ ਬਣਿਆ ਜੰਗ ਦਾ ਮੈਦਾਨ! ਪਤਨੀ ਦੀ ਧਮਕੀ- ''''ਰੋਕਿਆ ਤਾਂ ਕਰ ਦਿਆਂਗੀ 55 ਟੁਕੜੇ''''

ਨੈਸ਼ਨਲ ਡੈਸਕ- ਆਨਲਾਈਨ ਗੇਮ PUBG ਨੇ ਇਕ ਵਾਰੀ ਫਿਰ ਸੁਰਖੀਆਂ 'ਚ ਆਪਣੀ ਥਾਂ ਬਣਾਈ ਹੈ। ਇਸ ਵਾਰ ਕਾਰਨ ਹੈ ਇਕ ਵਿਆਹੁਤਾ ਜ਼ਿੰਦਗੀ 'ਚ ਪੈਦਾ ਹੋਈ ਤਕਰਾਰ। ਉੱਤਰ ਪ੍ਰਦੇਸ਼ ਦੇ ਮਹੋਬਾ ਤੋਂ ਸਾਹਮਣੇ ਆਏ ਇਸ ਹੈਰਾਨ ਕਰ ਦੇਣ ਵਾਲੇ ਮਾਮਲੇ 'ਚ ਔਰਤ ਨੇ ਆਪਣੇ ਪਤੀ ਨੂੰ ਧਮਕੀ ਦਿੱਤੀ ਕਿ "ਜੇ ਤੂੰ ਮੈਨੂੰ ਰੋਕਿਆ, ਤਾਂ ਉਸ ਦੇ 55 ਟੁਕੜੇ ਕਰ ਦੇਵੇਗੀ।'' ਦਰਅਸਲ 30 ਸਾਲਾ ਸ਼ੀਲੂ ਮਠਿਆਈ ਬਣਾਉਣ ਦਾ ਕੰਮ ਕਰਦੇ ਹਨ। ਉਨ੍ਹਾਂ ਦਾ ਵਿਆਹ 2022 ਵਿਚ ਬਾਂਦਾ ਜ਼ਿਲ੍ਹੇ ਦੀ ਅਰਾਧਨਾ ਨਾਲ ਹੋਇਆ ਸੀ। ਕੁਝ ਸਮੇਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ 'ਚ PUBG ਗੇਮ ਨੇ ਵੱਡੀ ਪਰੇਸ਼ਾਨੀ ਖੜ੍ਹੀ ਕਰ ਦਿੱਤੀ।

PUBG ਦੀ ਪਈ ਆਦਤ, ਘਰ ਦਾ ਮਾਹੌਲ ਵਿਗੜਿਆ

ਪਤੀ ਨੇ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਸ ਦੀ ਪਤਨੀ ਪਿਛਲੇ ਕਾਫ਼ੀ ਸਮੇਂ ਤੋਂ PUBG ਗੇਮ ਖੇਡ ਦੀ ਆਦਤ ਲੱਗ ਗਈ ਹੈ। ਇਸ ਦੌਰਾਨ ਇਕ ਪਰਾਏ ਮਰਦ ਸ਼ਿਵਮ ਨਾਲ ਰਾਬਤਾ ਕਰ ਰਹੀ ਸੀ। ਦੋਹਾਂ ਵਿਚਕਾਰ ਦਿਨ-ਰਾਤ ਗੱਲਾਂ ਹੁੰਦੀਆਂ ਸਨ, ਜਿਸ ਕਰਕੇ ਘਰੇਲੂ ਜੀਵਨ 'ਚ ਤਣਾਅ ਵਧਣ ਲੱਗਾ। ਜਦ ਪਤੀ ਨੇ ਇਸ ਰਿਸ਼ਤੇ 'ਤੇ ਇਤਰਾਜ਼ ਜਤਾਇਆ ਤਾਂ ਪਤਨੀ ਗੁੱਸੇ 'ਚ ਆ ਕੇ ਕਹਿਣ ਲੱਗੀ- "ਮੈਨੂੰ ਨਾ ਰੋਕੀ, ਨਹੀਂ ਤਾਂ ਤੇਰੇ 55 ਟੁਕੜੇ ਕਰ ਦਿਆਂਗੀ।"

ਪਤੀ ਤੋਂ ਦੂਰੀ, ਝਗੜੇ ਅਤੇ ਬੱਚਿਆਂ ਨਾਲ ਕੁੱਟਮਾਰ

ਪਤੀ ਵੱਲੋਂ ਦਿੱਤੀ ਗਈ ਲਿਖਤੀ ਸ਼ਿਕਾਇਤ ਦੇ ਆਧਾਰ 'ਤੇ ਪੁਲਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਪੂਰੀ ਘਟਨਾ ਦੀ ਜਾਂਚ ਜਾਰੀ ਹੈ। ਪਤੀ ਸ਼ੀਲੂ ਦੱਸਦੇ ਹਨ ਕਿ ਉਨ੍ਹਾਂ ਦੀ ਪਤਨੀ ਹੌਲੀ-ਹੌਲੀ ਉਨ੍ਹਾਂ ਤੋਂ ਦੂਰ ਹੋ ਗਈ। ਅਕਸਰ ਝਗੜਾ ਹੁੰਦਾ ਅਤੇ ਉਹ ਆਪਣੇ ਡੇਢ ਸਾਲ ਦੇ ਮਾਸੂਮ ਪੁੱਤਰ ਨੂੰ ਵੀ ਮਾਰਦੀ ਸੀ। ਜਦੋਂ ਉਹ ਆਪਣੀ ਪਤਨੀ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਤਾਂ ਅੱਗੋਂ ਪਤਨੀ ਉਸ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ। ਸ਼ੀਲੂ ਨੇ ਪੁਲਸ ਤੋਂ ਸੁਰੱਖਿਆ ਮੰਗੀ ਹੈ।

ਸਮਾਜਿਕ ਪਹਿਲੂ

ਇਹ ਮਾਮਲਾ ਦਿਖਾਉਂਦਾ ਹੈ ਕਿ ਆਨਲਾਈਨ ਗੇਮਾਂ ਅਤੇ ਡਿਜੀਟਲ ਪਲੇਟਫਾਰਮਾਂ ਕਾਰਨ ਅਨਮੋਲ ਰਿਸ਼ਤੇ ਕਈ ਵਾਰ ਘਰ-ਪਰਿਵਾਰ ਨੂੰ ਟੁੱਟਣ ਦੀ ਕਗਾਰ 'ਤੇ ਲੈ ਜਾਂਦੇ ਹਨ। ਇਹ ਸਮਾਜ ਲਈ ਇਕ ਚਿਤਾਵਨੀ ਹੈ ਕਿ ਡਿਜੀਟਲ ਦੁਨੀਆਂ 'ਚ ਜ਼ਰੂਰਤ ਤੋਂ ਵੱਧ ਲੀਨ ਹੋਣਾ ਕਿਵੇਂ ਅਸਲ ਜ਼ਿੰਦਗੀ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਹ ਮਾਮਲਾ ਲੋਕਾਂ ਨੂੰ ਸੋਚਣ 'ਤੇ ਮਜਬੂਰ ਕਰ ਰਿਹਾ ਹੈ ਕਿ PUBG ਜਿਹੇ ਗੇਮ ਸਿਰਫ ਮਨੋਰੰਜਨ ਹੀ ਨਹੀਂ ਪਰ ਕਈ ਵਾਰੀ ਤਬਾਹੀ ਦਾ ਕਾਰਨ ਵੀ ਬਣ ਸਕਦੇ ਹਨ।