ਲਾਲਬਾਗਚਾ ਰਾਜਾ ਦੇ ''ਪ੍ਰਸਾਦ'' ਦੇ ਕੂੜੇ ਤੋਂ ਮੁੰਬਈ ਦੇ ਸਰਕਾਰੀ ਹਸਪਤਾਲਾਂ ਨੂੰ ਮਿਲੇਗੀ ਬਿਜਲੀ

ਮੁੰਬਈ (ਏਜੰਸੀ)- ਮਹਾਰਾਸ਼ਟਰ ਦੀ ਸੱਭਿਆਚਾਰ ਦੇ ਪ੍ਰਤੀਕ ਗਣੇਸ਼ ਮਹਾਉਤਸਵ ਦੌਰਾਨ ਮੁੰਬਈ ਦਾ ਮਸ਼ਹੂਰ 'ਲਾਲਬਾਗਚਾ ਰਾਜਾ ਜਨਤਕ ਗਣੇਸ਼ ਉਤਸਵ ਮੰਡਲ' ਆਸਥਾ ਅਤੇ ਸਥਿਰਤਾ ਦਾ ਇਕ ਵਿਲੱਖਣ ਸੁਮੇਲ ਪੇਸ਼ ਕਰੇਗਾ, ਕਿਉਂਕਿ ਇਸ ਵਲੋਂ ਚਲਾਏ ਜਾ ਰਹੇ ਪ੍ਰਸਾਦ ਕਾਊਂਟਰਾਂ ਤੋਂ ਨਿਕਲਣ ਹੋਣ ਵਾਲੇ ਗਿੱਲੇ ਕੂੜੇ ਨਾਲ ਸ਼ਹਿਰ ਭਰ ਦੇ ਸਰਕਾਰੀ ਹਸਪਤਾਲਾਂ ਨੂੰ ਬਿਜਲੀ ਮਿਲੇਗੀ। ਅਧਿਕਾਰੀਆਂ ਨੇ ਕਿਹਾ ਕਿ ਬ੍ਰਿਹਨਮੁੰਬਈ ਨਗਰ ਨਿਗਮ (BMC) ਦੀ 'ਪ੍ਰਸਾਦ ਤੋਂ ਊਰਜਾ' ਪਹਿਲਕਦਮੀ ਦੇ ਤਹਿਤ, ਲਗਭਗ 80 ਮੀਟ੍ਰਿਕ ਟਨ ਭੋਜਨ ਦੀ ਰਹਿੰਦ-ਖੂੰਹਦ ਨੂੰ ਚਾਰ ਨਗਰ ਨਿਗਮ ਹਸਪਤਾਲਾਂ 'ਚ ਸਥਾਪਤ ਬਾਇਓਮੇਥੇਨੇਸ਼ਨ ਪਲਾਂਟਾਂ 'ਚ ਭੇਜਿਆ ਜਾਵੇਗਾ ਤਾਂ ਜੋ 7,700 ਤੋਂ ਵੱਧ ਯੂਨਿਟ ਸਾਫ਼ ਊਰਜਾ ਪੈਦਾ ਕੀਤੀ ਜਾ ਸਕੇ।

ਨਗਰ ਨਿਗਮ ਨੇ ਇਹ ਪਹਿਲ 'ਲਾਲਬਾਗਚਾ ਰਾਜਾ ਮੰਡਲ' ਦੇ ਸਹਿਯੋਗ ਨਾਲ ਸ਼ੁਰੂ ਕੀਤੀ ਹੈ। ਇਹ ਸ਼ਹਿਰ ਦੇ ਸਭ ਤੋਂ ਪ੍ਰਸਿੱਧ ਗਣੇਸ਼ ਪੰਡਾਲਾਂ 'ਚੋਂ ਇਕ ਹੈ, ਜਿੱਥੇ 11 ਦਿਨਾਂ ਦੇ ਤਿਉਹਾਰ ਦੌਰਾਨ ਮਸ਼ਹੂਰ ਹਸਤੀਆਂ ਸਮੇਤ ਵੱਡੀ ਗਿਣਤੀ 'ਚ ਸ਼ਰਧਾਲੂਆਂ ਆਉਂਦੇ ਹੈ। ਸ਼ੁੱਕਰਵਾਰ ਨੂੰ ਜਾਰੀ ਇਕ ਅਧਿਕਾਰਤ ਬਿਆਨ ਦੇ ਅਨੁਸਾਰ, ਬੀਐੱਮਸੀ ਦਾ ਅਨੁਮਾਨ ਹੈ ਕਿ 14 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੇ 11 ਦਿਨਾਂ ਦੇ ਗਣੇਸ਼ ਉਤਸਵ ਦੌਰਾਨ ਮੰਡਲ 'ਚ ਰੋਜ਼ਾਨਾ ਲਗਭਗ 8 ਤੋਂ 10 ਮੀਟ੍ਰਿਕ ਟਨ ਜੈਵਿਕ ਕੂੜਾ ਨਿਕਲੇਗਾ। ਵੱਖ-ਵੱਖ ਕੀਤੇ ਗਏ ਕੂੜੇ ਨੂੰ ਉਸ ਦੇ ਸਰੋਤ ਤੋਂ ਇਕੱਠਾ ਕੀਤਾ ਜਾਵੇਗਾ ਅਤੇ ਵਿਸ਼ੇਸ਼ ਵਾਹਨਾਂ 'ਚ ਨਾਇਰ, ਕਸਤੂਰਬਾ, ਜੀਟੀਬੀ ਅਤੇ ਸਾਇਨ ਹਸਪਤਾਲਾਂ ਦੇ ਬਾਇਓਮੇਥੇਨੇਸ਼ਨ ਪਲਾਂਟਾਂ 'ਚ ਲਿਜਾਇਆ ਜਾਵੇਗਾ। ਇਨ੍ਹਾਂ ਪਲਾਂਟਾਂ 'ਚ ਪ੍ਰਤੀ ਦਿਨ ਲਗਭਗ 2 ਮੀਟ੍ਰਿਕ ਟਨ ਕੂੜਾ ਨਿਪਟਾਉਣ ਦੀ ਸਮਰੱਥਾ ਹੈ। ਹਾਲਾਂਕਿ, ਅਸਲ ਬਿਜਲੀ ਉਤਪਾਦਨ ਇਸ ਗੱਲ 'ਤੇ ਨਿਰਭਰ ਕਰੇਗਾ ਕਿ ਵੱਖ-ਵੱਖ ਕੀਤਾ ਗਿਆ ਕਿੰਨਾ ਅਤੇ ਕਿਹੜਾ ਕੂੜਾ ਮਿਲਦਾ ਹੈ ਅਤੇ ਪਲਾਂਟ ਕਿਹੜੀਆਂ ਸਥਿਤੀਆਂ 'ਚ ਕੰਮ ਕਰ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e