ਈਰਾਨ ਸੰਕਟ ਦਾ ਅਸਰ: ਏਅਰਲਾਈਨਜ਼ ’ਤੇ ਜੈੱਟ ਫਿਊਲ ਦੀ ਮਾਰ, ਅਸਮਾਨੀਂ ਚੜ੍ਹੇ ਕਿਰਾਏ

ਨਵੀਂ ਦਿੱਲੀ (ਇੰਟ.) – ਈਰਾਨ ’ਤੇ ਅਮਰੀਕਾ ਤੇ ਇਜ਼ਰਾਈਲ ਦੀ ਏਅਰਸਟ੍ਰਾਈਕ ਤੋਂ ਬਾਅਦ ਦੁਨੀਆ ਭਰ ਵਿਚ ਹਵਾਈ ਕਿਰਾਏ ਤੇਜ਼ੀ ਨਾਲ ਵਧਣ ਲੱਗੇ ਹਨ। ਏਅਰਲਾਈਨਜ਼ ਕੰਪਨੀਆਂ ਹੁਣ ਵਧਦੀਆਂ ਜੈੱਟ ਫਿਊਲ ਕੀਮਤਾਂ ਦਾ ਬੋਝ ਸਿੱਧਾ ਯਾਤਰੀਆਂ ’ਤੇ ਪਾ ਰਹੀਆਂ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਟਿਕਟਾਂ ਦੇ ਰੇਟ ‘ਬਹੁਤ ਤੇਜ਼ੀ ਨਾਲ’ ਉੱਪਰ ਜਾ ਰਹੇ ਹਨ ਅਤੇ ਆਉਣ ਵਾਲੇ ਸਮੇਂ ’ਚ ਇਨ੍ਹਾਂ ਦੇ ਘੱਟ ਹੋਣ ਦੀ ਕੋਈ ਸੰਭਾਵਨਾ ਨਹੀਂ। ਐਵੀਏਸ਼ਨ ਐਕਸਪਰਟ ਹੈਂਡਰਸਨ ਮੁਤਾਬਕ ਪਹਿਲਾਂ ਏਅਰਲਾਈਨਜ਼ ਨੂੰ ਫਿਊਲ ਸਰਚਾਰਜ ਲਾਗੂ ਕਰਨ ਵਿਚ ਹਫ਼ਤੇ ਜਾਂ ਮਹੀਨੇ ਲੱਗਦੇ ਸਨ ਪਰ ਹੁਣ ਕੰਪਨੀਆਂ ਤੁਰੰਤ ਪ੍ਰਤੀਕਿਰਿਆ ਦੇ ਰਹੀਆਂ ਹਨ। ਨਿਊਯਾਰਕ ਤੋਂ ਸੈਨ ਫਰਾਂਸਿਸਕੋ ਤੇ ਹਵਾਈ ਵਰਗੇ ਰੂਟਾਂ ’ਤੇ ਕਿਰਾਏ ਪਹਿਲਾਂ ਹੀ ਵਧ ਚੁੱਕੇ ਹਨ ਅਤੇ ਟਿਕਟਾਂ ਤੇਜ਼ੀ ਨਾਲ ਮਹਿੰਗੀਆਂ ਹੋ ਰਹੀਆਂ ਹਨ।

ਇਹ ਵੀ ਪੜ੍ਹੋ - ਸਰਕਾਰੀ ਮੁਲਾਜ਼ਮਾਂ ਲਈ ਖ਼ਾਸ ਖ਼ਬਰ! DA 'ਚ 5 ਫ਼ੀਸਦੀ ਦਾ ਵਾਧਾ, 1 ਅਪ੍ਰੈਲ ਤੋਂ ਮਿਲੇਗੀ ਮੋਟੀ ਸੈਲਰੀ

ਏਅਰਲਾਈਨਜ਼ ਨੇ ਵਧਾਏ ਫਿਊਲ ਸਰਚਾਰਜ
ਏਅਰਸਟ੍ਰਾਈਕ ਤੋਂ ਤੁਰੰਤ ਬਾਅਦ ਕੈਥੀ ਪੈਸੀਫਿਕ ਨੇ 18.20 ਡਾਲਰ ਤੋਂ 149.20 ਡਾਲਰ ਤੱਕ ਦਾ ਫਿਊਲ ਸਰਚਾਰਜ ਲਾਗੂ ਕੀਤਾ ਹੈ। ਏਅਰ ਫਰਾਂਸ ਕੇ. ਐੱਲ. ਐੱਮ. ਨੇ ਲੰਮੀ ਦੂਰੀ ਦੀਆਂ ਉਡਾਣਾਂ ਦੀਆਂ ਟਿਕਟਾਂ ਲੱਗਭਗ 58 ਡਾਲਰ ਮਹਿੰਗੀਆਂ ਕਰਨ ਦਾ ਫ਼ੈਸਲਾ ਲਿਆ ਹੈ, ਜਦੋਂਕਿ ਥਾਈ ਏਅਰਵੇਜ਼ ਨੇ ਇੰਟਰਨੈਸ਼ਨਲ ਕਿਰਾਏ ਵਿਚ 10 ਤੋਂ 15 ਫੀਸਦੀ ਤੱਕ ਵਾਧੇ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ ਏਅਰ ਨਿਊਜ਼ੀਲੈਂਡ, ਕਵਾਂਟਾਸ ਅਤੇ ਸਕੈਂਡੀਨੇਵੀਅਨ ਏਅਰਲਾਈਨਜ਼ ਨੇ ਵੀ ‘ਟੈਂਪਰੇਰੀ ਫਿਊਲ ਪ੍ਰਾਈਸ ਐਡਜਸਟਮੈਂਟ’ ਲਾਗੂ ਕੀਤੀ ਹੈ।

ਤੇਲ ਮਹਿੰਗਾ, ਏਅਰਲਾਈਨਜ਼ ’ਤੇ ਭਾਰੀ ਦਬਾਅ
ਜੈੱਟ ਫਿਊਲ ਦੀ ਕੀਮਤ 2.50 ਡਾਲਰ ਪ੍ਰਤੀ ਗੈਲਨ ਤੋਂ ਵਧ ਕੇ 3.93 ਡਾਲਰ ਤੱਕ ਪਹੁੰਚ ਗਈ ਹੈ। ਅਮਰੀਕਨ ਏਅਰਲਾਈਨਜ਼ ਦੇ ਸੀ. ਈ. ਓ. ਮੁਤਾਬਕ ਕੰਪਨੀ ਨੂੰ ਸਿਰਫ਼ ਪਹਿਲੀ ਤਿਮਾਹੀ ਵਿਚ 400 ਮਿਲੀਅਨ ਡਾਲਰ ਦਾ ਵਾਧੂ ਖ਼ਰਚਾ ਉਠਾਉਣਾ ਪਿਆ ਹੈ। ਇੰਡਸਟਰੀ ਮਾਹਿਰਾਂ ਦਾ ਅਨੁਮਾਨ ਹੈ ਕਿ ਇਸ ਸਾਲ ਏਅਰਲਾਈਨਜ਼ ਨੂੰ ਲੱਗਭਗ 11 ਅਰਬ ਡਾਲਰ ਦਾ ਨੁਕਸਾਨ ਹੋ ਸਕਦਾ ਹੈ।

ਇਹ ਵੀ ਪੜ੍ਹੋ - 3 ਮਿੰਟ 'ਚ ਮਿਲੇਗਾ ਭਰਿਆ ਸਿਲੰਡਰ, ਇਸ ਸੂਬੇ 'ਚ ਸ਼ੁਰੂ ਹਾਈ-ਟੈਕ ਸਰਵਿਸ

‘ਫਿਊਲ ਸਰਚਾਰਜ’ ਬਣਿਆ ਨਵਾਂ ਹਥਿਆਰ
ਏਅਰਲਾਈਨਜ਼ ਹੁਣ ਟਿਕਟਾਂ ਵਿਚ ‘ਫਿਊਲ ਸਰਚਾਰਜ’, ‘ਕੈਰੀਅਰ ਫੀਸ’ ਜਾਂ ‘ਵਾਈ. ਕਿਊ. ਚਾਰਜ’ ਜੋੜ ਰਹੀਆਂ ਹਨ। ਕਈ ਮਾਮਲਿਆਂ ਵਿਚ ਇਹ ਮੂਲ ਕਿਰਾਏ ਤੋਂ ਵੀ ਵੱਧ ਹੁੰਦਾ ਹੈ। ਇੱਥੋਂ ਤੱਕ ਕਿ ਪੁਆਇੰਟਸ ਨਾਲ ਬੁੱਕ ਕੀਤੀਆਂ ‘ਫ੍ਰੀ ਟਿਕਟਾਂ’ ’ਤੇ ਵੀ ਯਾਤਰੀਆਂ ਨੂੰ ਭਾਰੀ ਟੈਕਸ ਤੇ ਸਰਚਾਰਜ ਦੇਣਾ ਪੈ ਰਿਹਾ ਹੈ। ਇਕ ਯਾਤਰੀ ਨੂੰ ਰੀ-ਰੂਟਿੰਗ ਤੋਂ ਬਾਅਦ 1400 ਡਾਲਰ ਤੱਕ ਵਾਧੂ ਸਰਚਾਰਜ ਦੇਣਾ ਪਿਆ।

ਰੂਟ ਬਦਲੇ, ਫਲਾਈਟਾਂ ਰੱਦ, ਕਿਰਾਏ ਹੋਰ ਵਧੇ
ਮਿਡਲ ਈਸਟ ਵਿਚ ਏਅਰਸਪੇਸ ਬੰਦ ਜਾਂ ਖ਼ਤਰਨਾਕ ਹੋਣ ਕਾਰਨ ਏਅਰਲਾਈਨਜ਼ ਨੂੰ ਰੂਟ ਬਦਲਣੇ ਪੈ ਰਹੇ ਹਨ। ਇਸ ਨਾਲ ਫਲਾਈਟ ਟਾਈਮ ਤੇ ਫਿਊਲ ਦੀ ਖਪਤ ਵਧ ਰਹੀ ਹੈ। ਕਤਰ ਏਅਰਵੇਜ਼ ਨੇ 80 ਫੀਸਦੀ ਤੱਕ ਉਡਾਣਾਂ ਰੱਦ ਕੀਤੀਆਂ ਹਨ, ਜਦੋਂਕਿ ਬ੍ਰਿਟਿਸ਼ ਏਅਰਵੇਜ਼ ਨੇ 65 ਫੀਸਦੀ ਫਲਾਈਟਾਂ ਘਟਾ ਦਿੱਤੀਆਂ ਹਨ। ਇਸ ਨਾਲ ਸੀਟਾਂ ਦੀ ਕਮੀ ਅਤੇ ਮੰਗ ਵਧਣ ਕਾਰਨ ਕਿਰਾਏ ਵਿਚ ਉਛਾਲ ਆ ਗਿਆ ਹੈ।

ਇਹ ਵੀ ਪੜ੍ਹੋ -  ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 'ਚ ਬਦਲਾਅ, ਟੈਂਕੀ ਭਰਾਉਣ ਤੋਂ ਪਹਿਲਾਂ ਚੈਕ ਕਰੋ ਅੱਜ ਦਾ ਰੇਟ

ਹਵਾਈ ਕਿਰਾਏ ਵਿਚ ਭਾਰੀ ਉਤਰਾਅ-ਚੜ੍ਹਾਅ
ਰਿਪੋਰਟਾਂ ਮੁਤਾਬਕ ਕੁਝ ਰੂਟਾਂ ’ਤੇ ਕਿਰਾਏ 100 ਫੀਸਦੀ ਤੋਂ ਵੀ ਜ਼ਿਆਦਾ ਵਧ ਗਏ ਹਨ। ਟ੍ਰਾਂਸਕਾਂਟੀਨੈਂਟਲ ਫਲਾਈਟਾਂ 106 ਫੀਸਦੀ ਤੱਕ ਮਹਿੰਗੀਆਂ ਹੋਈਆਂ ਹਨ, ਜਦੋਂਕਿ ਫਲੋਰੀਡਾ ਤੇ ਅਟਲਾਂਟਿਕ ਰੂਟਾਂ ’ਤੇ ਵੀ 40 ਫੀਸਦੀ ਤੋਂ ਵੱਧ ਉਛਾਲ ਦੇਖਿਆ ਗਿਆ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਹਵਾਈ ਕਿਰਾਇਆ ਦੁਨੀਆ ਦੀਆਂ ਸਭ ਤੋਂ ਅਸਥਿਰ ਕੀਮਤਾਂ ’ਚੋਂ ਇਕ ਹੈ ਅਤੇ ਜੰਗ, ਸੀਜ਼ਨ ਤੇ ਮੰਗ ਵਰਗੇ ਕਈ ਕਾਰਨ ਇਸ ਨੂੰ ਪ੍ਰਭਾਵਿਤ ਕਰਦੇ ਹਨ। ਹੁਣ ਸਲਾਹ ਦਿੱਤੀ ਜਾ ਰਹੀ ਹੈ ਕਿ ਯਾਤਰੀ ਉਡੀਕ ਨਾ ਕਰਨ ਅਤੇ ਜਲਦੀ ਟਿਕਟਾਂ ਬੁੱਕ ਕਰਵਾਉਣ।

ਯਾਤਰੀਆਂ ਲਈ ਮਾਹਿਰਾਂ ਦੀ ਸਲਾਹ
ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਵੇਂ ਹਾਲਾਤ ਜਲਦੀ ਆਮ ਵਰਗੇ ਹੋ ਜਾਣ ਪਰ ਤੇਲ ਸਪਲਾਈ ਚੇਨ ਨੂੰ ਪਟੜੀ ’ਤੇ ਆਉਣ ਵਿਚ ਕਈ ਮਹੀਨੇ ਲੱਗ ਸਕਦੇ ਹਨ। ਅਜਿਹੀ ਹਾਲਤ ’ਚ ਸਪਸ਼ਟ ਹੈ ਕਿ ਆਉਣ ਵਾਲੇ ਸਮੇਂ ਵਿਚ ਹਵਾਈ ਯਾਤਰਾ ਹੋਰ ਮਹਿੰਗੀ ਹੋ ਸਕਦੀ ਹੈ ਅਤੇ ਯਾਤਰੀਆਂ ਦੀ ਜੇਬ ’ਤੇ ਇਸ ਦਾ ਅਸਰ ਜਾਰੀ ਰਹੇਗਾ।

ਇਹ ਵੀ ਪੜ੍ਹੋ - Gold-Silver Price: ਧੜੰਮ ਹੇਠਾਂ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਜਾਣੋ ਅੱਜ ਦਾ ਰੇਟ

ਸੰਕਟ ਵਿਚ ਕੀ ਕਰੀਏ :

• ਜਲਦੀ ਬੁਕਿੰਗ ਕਰਵਾਉਣ ਦੀ ਕੋਸ਼ਿਸ਼ ਕਰੋ।
• ਗੂਗਲ ਪ੍ਰਾਈਸ ਵਰਗੇ ਪਲੇਟਫਾਰਮਾਂ ’ਤੇ ਪ੍ਰਾਈਸ ਅਲਰਟ ਲਗਾਓ।
• ਪੁਆਇੰਟਸ ਦੀ ਵਰਤੋਂ ਕਰੋ।
• ਬੇਸਿਕ ਇਕਾਨਮੀ ਟਿਕਟ ਤੋਂ ਬਚੋ ਤਾਂ ਜੋ ਬਾਅਦ ’ਚ ਬਦਲਾਅ ਸੰਭਵ ਹੋ ਸਕੇ।

ਇਹ ਵੀ ਪੜ੍ਹੋ - ਚਾਰਜਿੰਗ ਦੌਰਾਨ ਇਲੈਕਟ੍ਰਿਕ ਕਾਰ Blast; ਇੱਕੋ ਪਰਿਵਾਰ ਦੇ 7 ਮੈਂਬਰਾਂ ਦੀ ਮੌਤ, ਇੰਦੌਰ ਦਾ ਕੰਬਿਆ ਇਲਾਕਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e