ਫ਼ੋਨ ''ਤੇ ਧਮਕੀਆਂ ਦੇਣ ਵਾਲਿਆਂ ਦੀ ਹੁਣ ਨਹੀਂ ਖ਼ੈਰ ! ਕਰੋੜਾਂ ਦੇ ਨਵੇਂ ''ਸਿਸਟਮ'' ਨੂੰ ਸਰਕਾਰ ਨੇ ਦਿੱਤੀ ਮਨਜ਼ੂਰੀ

ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ ਸਥਿਤ ਟ੍ਰਿਪਲ ਆਈਟੀ ਸੰਸਥਾ ਇਕ ਅਜਿਹਾ ਹਾਈਟੈਕ ਏਆਈ ਸਿਸਟਮ ਤਿਆਰ ਕਰਨ ਜਾ ਰਹੀ ਹੈ, ਜੋ ਅੱਤਵਾਦੀ ਧਮਕੀ ਦੇਣ ਵਾਲਿਆਂ ਦੀ ਸਥਿਤੀ ਪਲਕ ਝਪਕਦੇ ਹੀ ਟਰੇਸ ਕਰ ਸਕੇਗਾ। ਇਸ ਪ੍ਰਾਜੈਕਟ ਲਈ ਕੇਂਦਰ ਸਰਕਾਰ ਨੇ ਤਕਰੀਬਨ 4.73 ਕਰੋੜ ਰੁਪਏ ਦੀ ਮਨਜ਼ੂਰੀ ਵੀ ਦੇ ਦਿੱਤੀ ਹੈ। ਦੇਸ਼ 'ਚ ਇਹ ਆਪਣੀ ਕਿਸਮ ਦਾ ਪਹਿਲਾ ਸਿਸਟਮ ਹੋਵੇਗਾ।

ਕੀ ਕਰੇਗਾ ਇਹ ਏਆਈ ਬੇਸਡ ਸਿਸਟਮ?

ਦੁਨੀਆ ਦੇ ਕਿਸੇ ਵੀ ਕੋਨੇ ਤੋਂ ਦਿੱਤੀ ਗਈ ਬੰਬ ਧਮਕੀ, ਅੱਤਵਾਦੀ ਸੰਦੇਸ਼ ਜਾਂ ਫਰਜ਼ੀ ਕਾਲ ਦੀ ਟਰੇਸਿੰਗ ਤੁਰੰਤ ਹੋ ਜਾਵੇਗੀ।

ਧਮਕੀ ਕਿਸ ਥਾਂ ਤੋਂ ਆਈ ਹੈ, ਭੇਜਣ ਵਾਲਾ ਕਿਥੇ ਲੁਕਿਆ ਹੈ — ਇਹ ਸਿਸਟਮ ਸਕਿੰਟਾਂ 'ਚ ਪਤਾ ਲਗਾ ਲਵੇਗਾ।

ਰੀਅਲ ਟਾਈਮ 'ਚ ਸੁਰੱਖਿਆ ਏਜੰਸੀਆਂ ਨੂੰ ਅਲਰਟ ਭੇਜਿਆ ਜਾਵੇਗਾ।

ਇਹ ਵੀ ਪੜ੍ਹੋ : ਸਾਲ 2026 'ਚ ਲੱਗਣਗੇ 4 ਗ੍ਰਹਿਣ, ਜ਼ਰੂਰ ਜਾਣੋ ਕਦੋਂ-ਕਦੋਂ ਹੋਣਗੇ ਸੂਰਜ ਤੇ ਚੰਦਰ ਗ੍ਰਹਿਣ

ਏਆਈ ਤਕਨਾਲੋਜੀ ਨਾਲ ਮਿਲੇਗੀ ਸਹੀ ਜਾਣਕਾਰੀ

ਪ੍ਰਾਜੈਕਟ ਦੇ ਇੰਚਾਰਜ ਪ੍ਰੋ. ਬ੍ਰਿਜੇਂਦਰ ਸਿੰਘ ਨੇ ਦੱਸਿਆ ਕਿ ਇਹ “ਏਜੈਂਟਿਕ ਏਆਈ ਬੇਸਡ ਸਿਸਟਮ” VPN-LLM (ਲਾਰਜ ਲੈਂਗਵੇਜ ਮਾਡਲ) ਤਕਨਾਲੋਜੀ 'ਤੇ ਤਿਆਰ ਕੀਤਾ ਜਾ ਰਿਹਾ ਹੈ। ਇਹ ਸਿਸਟਮ ਆਮ ਇੰਟਰਨੈਟ ਟਰੈਫਿਕ ਨਾਲ ਨਾਲ ਡਾਰਕ ਵੈੱਬ ਦੀ ਵੀ ਮਾਨੀਟਰਿੰਗ ਕਰੇਗਾ। ਇਹ ਪੂਰੀ “ਕੁੰਡਲੀ” ਖੋਲ੍ਹ ਦੇਵੇਗਾ — ਕਿਸੇ ਵੀ ਸ਼ੱਕੀ ਜਾਂ ਅੱਤਵਾਦੀ ਆਨਲਾਈਨ ਗਤੀਵਿਧੀ ਦੀ।

ਇਹ ਵੀ ਪੜ੍ਹੋ : Office 'ਚ ਰੋਮਾਂਸ ਨੂੰ ਲੈ ਕੇ ਭਾਰਤੀਆਂ ਨੇ ਬਣਾ'ਤਾ ਰਿਕਾਰਡ, List 'ਚ ਦੇਖੋ ਕਿੰਨੇ ਨੰਬਰ 'ਤੇ ਹੈ India

ਹਾਈਟੈਕ ਲੈਬ ਅਤੇ ਮਾਹਿਰ ਟੀਮ ਤਿਆਰ

• ਟ੍ਰਿਪਲ ਆਈਟੀ 'ਚ 2 ਕਰੋੜ ਦੀ ਲਾਗਤ ਨਾਲ GPU–ਬੇਸਡ ਹਾਈਟੈਕ ਲੈਬ ਸਥਾਪਿਤ ਕੀਤੀ ਜਾ ਰਹੀ ਹੈ।
• 5 ਸਾਇਬਰ ਸਪੈਸ਼ਲਿਸਟ ਇਸ ਪ੍ਰਾਜੈਕਟ 'ਤੇ ਕੰਮ ਕਰਨਗੇ।
• ਕੁਝ ਟੈਸਟਿੰਗ ਲਈ BHU ਤੋਂ ਵੀ ਸਹਿਯੋਗ ਲਿਆ ਜਾਵੇਗਾ।
• ਸਿਸਟਮ ਨੂੰ ਪੂਰਾ ਕਰਨ ਲਈ ਲਗਭਗ ਤਿੰਨ ਸਾਲ ਦਾ ਸਮਾਂ ਤੈਅ ਕੀਤਾ ਗਿਆ ਹੈ।

ਕਿਉਂ ਹੈ ਇਹ ਸਿਸਟਮ ਜ਼ਰੂਰੀ?

ਅਕਸਰ ਬੰਬ ਧਮਕੀਆਂ, ਫਰਜ਼ੀ ਕਾਲਜ਼, ਫੇਕ ਮੈਸੇਜ ਅਤੇ ਸਾਇਬਰ ਟੇਰਰ ਦੇ ਮਾਮਲਿਆਂ 'ਚ ਸਰਕਾਰੀ ਏਜੰਸੀਆਂ ਨੂੰ ਸਹੀ ਸੋਰਸ ਖੋਜਣ 'ਚ ਬਹੁਤ ਸਮਾਂ ਅਤੇ ਪੈਸਾ ਖਰਚਣਾ ਪੈਂਦਾ ਹੈ।
ਕਈ ਵਾਰ ਪਤਾ ਲੱਗਦਾ ਹੈ ਕਿ ਧਮਕੀ ਫਰਜ਼ੀ ਸੀ, ਪਰ ਇਸ ਨਾਲ ਬੇਵਜ੍ਹਾ ਦਹਿਸ਼ਤ ਪੈਦਾ ਹੋ ਜਾਂਦੀ ਹੈ। ਇਹ ਨਵਾਂ ਸਿਸਟਮ ਇਸ ਪ੍ਰਕਿਰਿਆ ਨੂੰ ਕਾਫ਼ੀ ਤੇਜ਼, ਸਹੀ ਅਤੇ ਕਾਰਗਰ ਬਣਾਏਗਾ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8