HTET ਪ੍ਰੀਖਿਆ ਨੂੰ ਲੈ ਕੇ ਮਨੋਹਰ ਸਰਕਾਰ ਨੇ ਲਿਆ ਵੱਡਾ ਫੈਸਲਾ
Tuesday, Oct 29, 2019 - 05:08 PM (IST)
ਹਰਿਆਣਾ— ਹਰਿਆਣਾ ਦੀ ਮਨੋਹਰ ਸਰਕਾਰ ਨੇ ਪ੍ਰੀਖਿਆਰਥੀਆਂ ਲਈ ਵੱਡਾ ਫੈਸਲਾ ਲਿਆ ਹੈ। ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਅੱਜ ਯਾਨੀ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਹਰਿਆਣਾ ਅਧਿਆਪਕ ਯੋਗਤਾ ਟੈਸਟ (ਐੱਚ.ਟੀ.ਈ.ਟੀ.) ਦੀ ਪ੍ਰੀਖਿਆ ਜ਼ਿਲਿਆਂ 'ਚ ਹੀ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਪ੍ਰੀਖਿਆਰਥੀਆਂ ਨੂੰ ਦੂਜਿਆਂ ਜ਼ਿਲਿਆਂ 'ਚ ਨਹੀਂ ਜਾਣਾ ਪਵੇਗਾ।
ਉੱਥੇ ਹੀ ਖੱਟੜ ਨੇ ਕਿਹਾ ਕਿ ਵਿਧਾਨ ਸਭਾ ਦਾ ਪਹਿਲਾ ਸੈਸ਼ਨ 4 ਨਵੰਬਰ ਨੂੰ ਸ਼ੁਰੂ ਹੋਵੇਗਾ। ਪਹਿਲੇ ਸੈਸ਼ਨ ਹੋਵੇਗਾ, ਫਿਰ ਮੰਤਰੀ ਮੰਡਲ ਦਾ ਵਿਸਥਾਰ ਹੋਵੇਗਾ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਪਰਾਲੀ ਨਾ ਸਾੜਨ 'ਤੇ ਕਿਸਾਨਾਂ ਨੂੰ ਸਬਸਿਡੀ ਦਿੱਤੀ ਜਾਵੇਗੀ। ਝੋਨੇ ਦੀ ਫਸਲ ਦਾ ਇਕ-ਇਕ ਦਾਨਾ ਖਰੀਦਿਆ ਜਾਵੇਗਾ।
ਮਨੋਹਰ ਸਰਕਾਰ ਨੇ ਕੁਝ ਹੋਰ ਅਹਿਮ ਫੈਸਲੇ ਹਨ
1- ਸੈਸ਼ਨ 'ਚ ਹੀ ਨਵੇਂ ਚੁਣੇ ਵਿਧਾਇਕਾਂ ਨੂੰ ਸਹੁੰ ਚੁਕਾਈ ਜਾਵੇਗੀ।
2- ਵਿਧਾਨ ਸਭਾ ਸਪੀਕਰ ਦੀ ਵੀ ਸੈਸ਼ਨ 'ਚ ਹੋਵੇਗੀ ਚੋਣ।
3- ਡੀ ਕੰਪੋਜਰ ਦਵਾਈਆਂ 'ਤੇ ਸਬਸਿਡੀ ਵਧਾਈ ਜਾਵੇਗੀ।
4- ਐੱਚ.ਟੀ.ਈ.ਟੀ. ਦੀ ਪ੍ਰੀਖਿਆ 50 ਕਿਲੋਮੀਟਰ ਦਾਇਰੇ 'ਚ ਹੋਵੇਗੀ।
