ਸਰਕਾਰ ਨੇ ਪੇਂਡੂ ਜ਼ਰੂਰਤਾਂ ਨੂੰ ਨਵੀਨਤਾਵਾਂ ਨਾਲ ਜੋੜਨ ਲਈ RSVC-AMRIT ਡਿਜੀਟਲ ਪਲੇਟਫਾਰਮ ਕੀਤਾ ਲਾਂਚ

ਨਵੀਂ ਦਿੱਲੀ (ਏਜੰਸੀ)- ਸਰਕਾਰ ਦੇ ਪ੍ਰਮੁੱਖ ਵਿਗਿਆਨਕ ਸਲਾਹਕਾਰ (PSA) ਦੇ ਦਫ਼ਤਰ ਅਤੇ ਨਾਬਾਰਡ ਨੇ ਸ਼ਨੀਵਾਰ ਨੂੰ RSVC-AMRIT ਪਲੇਟਫਾਰਮ ਲਾਂਚ ਕੀਤਾ। ਇਸ ਦਾ ਉਦੇਸ਼ ਤਕਨਾਲੋਜੀ ਆਧਾਰਿਤ ਪੇਂਡੂ ਵਿਕਾਸ ਨੂੰ ਮਜ਼ਬੂਤ ​​ਕਰਨਾ ਅਤੇ ਪੇਂਡੂ ਖੇਤਰਾਂ ਵਿੱਚ ਢੁਕਵੀਆਂ ਤਕਨਾਲੋਜੀਆਂ ਨੂੰ ਅਪਣਾਉਣ ਵਿੱਚ ਤੇਜ਼ੀ ਲਿਆਉਣਾ ਹੈ। 80ਵੇਂ ਆਜ਼ਾਦੀ ਦਿਹਾੜੇ ਦੇ ਮੌਕੇ 'ਤੇ ਪ੍ਰਮੁੱਖ ਵਿਗਿਆਨਕ ਸਲਾਹਕਾਰ ਪ੍ਰੋ. ਅਜੈ ਸੂਦ ਨੇ ਇਹ ਡਿਜੀਟਲ ਪਲੇਟਫਾਰਮ ਲਾਂਚ ਕੀਤਾ, ਜੋ RuTAGe ਸਮਾਰਟ ਵਿਲੇਜ ਸੈਂਟਰ (RSVC) ਇਕੋਸਿਸਟਮ ਨੂੰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿੱਚ ਇੱਕ ਕਦਮ ਹੈ।  

PSA ਦਫਰਤ ਦੇ ਸਹਿਯੋਗ ਨਾਲ NABARD ਦੁਆਰਾ ਵਿਕਸਿਤ AMRIT ਪਲੇਟਫਾਰਮ ਨੂੰ RSVC ਇਕੋਸਿਸਟਮ ਦੀ ਡਿਜੀਟਲ ਰੀੜ੍ਹ ਵਜੋਂ ਕੰਮ ਕਰਨ ਲਈ ਡਿਜ਼ਾਈਨ ਕੀਤਾ ਗਿਆ ਹੈ। ਇਹ ਤਕਨਾਲੋਜੀ ਦੀ ਖੋਜ, ਵੈਲੀਡੇਸ਼ਨ, ਡਿਪਲੋਏਮੈਂਟ ਟ੍ਰੈਕਿੰਗ, ਸਹਿਯੋਗ, ਮਾਨਿਟਰਿੰਗ ਅਤੇ ਨਾਲੇਜ ਮੈਨੇਜਮੈਂਟ ਵਿੱਚ ਮਦਦ ਕਰੇਗਾ। ਇਸ ਤੋਂ ਇਲਾਵਾ ਇਹ ਪਲੇਟਫਾਰਮ ਹੋਲੀ-ਹੋਲੀ ਇਨੋਵੇਟਰਸ, ਤਕਨਾਲੋਜੀ ਪ੍ਰੋਵਾਈਡਰਸ, ਸਟਾਰਟਅਪਸ ਵੈਲੀਡੇਟਰਸ, ਐਕਸੀਲੇਟਰਸ, ਇੰਪਲੀਮੈਂਟੇਸ਼ਨ ਪਾਰਟਨਰਸ, ਫੰਡਿੰਗ ਏਜੰਸੀਆਂ, ਵਿੱਦਿਅਕ ਸੰਸਥਾਵਾਂ ਅਤੇ ਪੇਂਡੂ ਭਾਈਚਾਰਿਆਂ ਨੂੰ ਇਕ ਹੀ ਪਲੇਟਫਾਰਮ 'ਤੇ ਲਿਆਏਗਾ।