ਈਡੀ ਅਧਿਕਾਰੀਆਂ ਨੂੰ ਦੇਖ ਭੱਜੇ ਸਾਬਕਾ ਕਾਂਗਰਸੀ ਵਿਧਾਇਕ, ਗ੍ਰਿਫਤਾਰੀ ਦੌਰਾਨ ਜ਼ਮੀਨ ''ਤੇ ਡਿੱਗੇ

ਹਰਿਆਣਾ ਡੈਸਕ: ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਹਰਿਆਣਾ ਦੇ ਸਾਬਕਾ ਕਾਂਗਰਸ ਵਿਧਾਇਕ ਧਰਮ ਸਿੰਘ ਛੋਕਰ ਨੂੰ ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ। ਜਦੋਂ ਈਡੀ ਸਾਬਕਾ ਵਿਧਾਇਕ ਨੂੰ ਗ੍ਰਿਫ਼ਤਾਰ ਕਰਨ ਪਹੁੰਚੀ ਤਾਂ ਉਹ ਭੱਜਣ ਲੱਗ ਪਿਆ। ਇਸ ਦੌਰਾਨ ਈਡੀ ਦੇ ਅਧਿਕਾਰੀਆਂ ਨੇ ਭੱਜ ਕੇ ਉਸਨੂੰ ਫੜ ਲਿਆ, ਜਿਸ ਦੌਰਾਨ ਸਾਬਕਾ ਵਿਧਾਇਕ ਡਿੱਗ ਪਿਆ। ਧਰਮ ਸਿੰਘ ਛੋਕਰ ਤੇ ਈਡੀ ਕਰਮਚਾਰੀਆਂ ਵਿਚਕਾਰ ਝਗੜਾ ਵੀ ਦੇਖਿਆ ਗਿਆ। ਜ਼ਮੀਨ 'ਤੇ ਬੈਠਾ ਧਰਮ ਸਿੰਘ  ਉੱਠਣ ਲਈ ਤਿਆਰ ਨਹੀਂ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਸਾਬਕਾ ਵਿਧਾਇਕ ਅਤੇ ਉਨ੍ਹਾਂ ਦੀ ਕੰਪਨੀ 'ਤੇ 1500 ਕਰੋੜ ਰੁਪਏ ਦੇ ਮਨੀ ਲਾਂਡਰਿੰਗ ਦਾ ਦੋਸ਼ ਹੈ। ਗ੍ਰਿਫ਼ਤਾਰੀ ਦੇ ਸੰਬੰਧ ਵਿੱਚ ਦੋਸ਼ ਹੈ ਕਿ ਉਸਨੇ ਦੀਨਦਿਆਲ ਹਾਊਸਿੰਗ ਯੋਜਨਾ ਦੇ ਤਹਿਤ ਲਗਭਗ 1500 ਕਰੋੜ ਰੁਪਏ ਦਾ ਗਬਨ ਕੀਤਾ ਹੈ। ਗ੍ਰਿਫ਼ਤਾਰੀ ਦਾ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਹਾਲਾਂਕਿ ਟੀਮ ਦੀ ਸਖ਼ਤੀ ਤੋਂ ਬਾਅਦ ਉਸਨੂੰ ਆਖਰਕਾਰ ਚੁੱਕ ਲਿਆ ਗਿਆ ਤੇ ਕਾਰ ਵਿੱਚ ਬਿਠਾਇਆ ਗਿਆ। ਜਦੋਂ ਉਹ ਉੱਠਣ ਤੋਂ ਝਿਜਕਿਆ ਤਾਂ ਇੱਕ ਟੀਮ ਮੈਂਬਰ ਨੇ ਉਸਦਾ ਕਾਲਰ ਫੜਿਆ ਅਤੇ ਉਸਨੂੰ ਖੜ੍ਹਾ ਕਰ ਦਿੱਤਾ। ਇਸ ਝਗੜੇ ਦੌਰਾਨ ਸਾਬਕਾ ਵਿਧਾਇਕ ਦੀ ਕਮੀਜ਼ ਫਟ ਗਈ। ਹੁਣ ਉਸਦੀ ਗ੍ਰਿਫ਼ਤਾਰੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।