ਰੇਤ ਵਾਂਗ ਹੱਥੋਂ ਨਿਕਲ ਜਾਵੇਗੀ ਸਾਰੀ ਦੌਲਤ, ਘਰ ਦੀਆਂ ਇਨ੍ਹਾਂ 3 ਚੀਜ਼ਾਂ ''ਤੇ ਨਾ ਪੈਣ ਦਿਓ ਦੂਜਿਆਂ ਦੀ ਨਜ਼ਰ
Saturday, Jun 06, 2026 - 11:17 PM (IST)
ਨੈਸ਼ਨਲ ਡੈਸਕ - ਵਾਸਤੂ ਸ਼ਾਸਤਰ 'ਚ ਘਰ ਦੀ ਸੁੱਖ-ਸ਼ਾਂਤੀ ਅਤੇ ਖੁਸ਼ਹਾਲੀ ਬਣਾਈ ਰੱਖਣ ਲਈ ਕਈ ਮਹੱਤਵਪੂਰਨ ਨਿਯਮ ਦੱਸੇ ਗਏ ਹਨ। ਵਾਸਤੂ ਸ਼ਾਸਤਰ ਕਹਿੰਦਾ ਹੈ ਕਿ ਘਰ ਦੀਆਂ ਕੁਝ ਖ਼ਾਸ ਚੀਜ਼ਾਂ ਦਾ ਸਬੰਧ ਸਾਡੀ ਆਰਥਿਕ ਸਥਿਤੀ ਅਤੇ ਖੁਸ਼ਹਾਲੀ ਨਾਲ ਹੁੰਦਾ ਹੈ। ਜੇਕਰ ਇਨ੍ਹਾਂ ਚੀਜ਼ਾਂ ਨੂੰ ਸਹੀ ਸਥਾਨ 'ਤੇ ਦੂਜਿਆਂ ਦੀ ਨਜ਼ਰ ਤੋਂ ਬਚਾ ਕੇ ਰੱਖਿਆ ਜਾਵੇ ਤਾਂ ਘਰ ਵਿੱਚ ਸ਼ੁਭਤਾ ਬਣੀ ਰਹਿੰਦੀ ਹੈ, ਨਹੀਂ ਤਾਂ ਇਸ ਦੇ ਨਤੀਜੇ ਮਾੜੇ ਹੋ ਸਕਦੇ ਹਨ। ਆਓ ਜਾਣਦੇ ਹਾਂ ਕਿਹੜੀਆਂ ਚੀਜ਼ਾਂ ਨੂੰ ਦੂਜਿਆਂ ਦੀ ਨਜ਼ਰਾਂ ਤੋਂ ਬਚਾਅ ਕੇ ਰੱਖਣਾ ਚਾਹੀਦਾ ਹੈ।
1. ਝਾੜੂ
ਵਾਸਤੂ ਸ਼ਾਸਤਰ ਵਿੱਚ ਝਾੜੂ ਨੂੰ ਮਾਤਾ ਲਕਸ਼ਮੀ ਦਾ ਪ੍ਰਤੀਕ ਮੰਨਿਆ ਗਿਆ ਹੈ। ਮਾਨਤਾ ਹੈ ਕਿ ਝਾੜੂ ਨੂੰ ਹਮੇਸ਼ਾ ਦੱਖਣ-ਪੱਛਮ ਜਾਂ ਪੱਛਮ ਦਿਸ਼ਾ ਵਿੱਚ ਲੁਕਾ ਕੇ ਰੱਖਣਾ ਸ਼ੁਭ ਹੁੰਦਾ ਹੈ। ਝਾੜੂ ਨੂੰ ਕਦੇ ਵੀ ਖੁੱਲ੍ਹੀ ਥਾਂ 'ਤੇ ਨਹੀਂ ਰੱਖਣਾ ਚਾਹੀਦਾ। ਇਸ ਨੂੰ ਹਮੇਸ਼ਾ ਅਜਿਹੀ ਥਾਂ ਰੱਖੋਂ ਜਿਥੇ ਕਿਸੇ ਦੀ ਨਜ਼ਰ ਨਾ ਪਵੇ। ਇਸ ਨੂੰ ਦਰਵਾਜ਼ੇ ਦੇ ਪਿੱਛੇ ਰੱਖਣਾ ਬਿਹਤਰ ਹੈ। ਇਸ ਤੋਂ ਇਲਾਵਾ ਝਾੜੂ ਨੂੰ ਖੜ੍ਹਾ ਕਰਕੇ ਰੱਖਣਾ ਜਾਂ ਉਸ ਨੂੰ ਲੰਘਣਾ ਵੀ ਅਸ਼ੁਭ ਮੰਨਿਆ ਜਾਂਦਾ ਹੈ।
2. ਧਨ ਦਾ ਸਥਾਨ
ਘਰ ਵਿੱਚ ਜਿਸ ਜਗ੍ਹਾ ਤੁਸੀਂ ਨਕਦੀ, ਤਿਜੋਰੀ ਜਾਂ ਕੀਮਤੀ ਸਾਮਾਨ ਰੱਖਦੇ ਹੋ, ਉਸ ਸਥਾਨ ਨੂੰ ਗੁਪਤ ਰੱਖਣਾ ਚਾਹੀਦਾ ਹੈ। ਮਾਨਤਾ ਹੈ ਕਿ ਧਨ ਦੇ ਸਥਾਨ 'ਤੇ ਵਾਰ-ਵਾਰ ਦੂਜਿਆਂ ਦੀ ਨਜ਼ਰ ਪੈਣ ਨਾਲ ਬੇਲੋੜੇ ਖਰਚੇ ਵਧ ਸਕਦੇ ਹਨ। ਵਾਸਤੂ ਅਨੁਸਾਰ, ਤਿਜੋਰੀ ਰੱਖਣ ਲਈ ਉੱਤਰ ਦਿਸ਼ਾ ਸਭ ਤੋਂ ਉੱਤਮ ਹੈ। ਜੇਕਰ ਤਿਜੋਰੀ ਦਾ ਦਰਵਾਜ਼ਾ ਦੱਖਣ-ਪੱਛਮ ਦਿਸ਼ਾ ਵੱਲ ਖੁੱਲ੍ਹੇ ਤਾਂ ਇਹ ਹੋਰ ਵੀ ਲਾਭਕਾਰੀ ਹੁੰਦਾ ਹੈ।
3. ਧਾਰਮਿਕ ਵਸਤੂਆਂ
ਪੂਜਾ-ਪਾਠ ਜਾਂ ਧਾਰਮਿਕ ਅਨੁਸਠਾਨਾਂ ਨਾਲ ਸਬੰਧਤ ਵਸਤੂਆਂ ਜਿਵੇਂ ਕਿ ਮਾਲਾ, ਨਾਰੀਅਲ ਜਾਂ ਯੰਤਰ ਆਦਿ ਨੂੰ ਜਨਤਕ ਪ੍ਰਦਰਸ਼ਨ ਦੀ ਬਜਾਏ ਸੁਰੱਖਿਅਤ ਅਤੇ ਇਕਾਂਤ ਥਾਂ 'ਤੇ ਰੱਖਣਾ ਚਾਹੀਦਾ ਹੈ। ਅਜਿਹਾ ਕਰਨ ਨਾਲ ਉਨ੍ਹਾਂ ਦੀ ਪਵਿੱਤਰਤਾ ਅਤੇ ਅਧਿਆਤਮਿਕ ਊਰਜਾ ਦਾ ਪ੍ਰਭਾਵ ਸਹੀ ਦਿਸ਼ਾ ਵਿੱਚ ਬਣਿਆ ਰਹਿੰਦਾ ਹੈ।
