ਦਿੱਲੀ ਸਰਕਾਰ ਨੇ ਲਗਾਇਆ ਦੇਸ਼ ਦਾ ਸਭ ਤੋਂ ਵੱਡਾ ਕਾਂਵੜ ਕੈਂਪ (ਦੇਖੋ ਤਸਵੀਰਾਂ)
Wednesday, Jul 24, 2024 - 07:57 PM (IST)
![](https://static.jagbani.com/multimedia/2024_7image_19_57_350304909fghu.jpg)
ਨਵੀਂ ਦਿੱਲੀ- ਸਾਵਣ ਦੀ ਸ਼ੁਰੂਆਤ ਦੇ ਨਾਲ ਹੀ ਦੇਸ਼ ਭਰ 'ਚ ਸ਼ਿਵ ਭਗਤ ਕਾਂਵੜੀਆਂ ਲਈ ਖ਼ਾਸ ਇੰਤਜ਼ਾਮ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ। ਸਾਰੀਆਂ ਸੂਬਾ ਸਰਕਾਰਾਂ ਕਾਂਵੜੀਆਂ ਦੀ ਭਗਤੀ ਯਾਤਰਾ ਨੂੰ ਸੁਚਾਰੂ ਬਣਾਉਣ ਲਈ ਕਈ ਵਿਸ਼ੇਸ਼ ਪ੍ਰਬੰਧ ਕਰਨ ਵਿਚ ਰੁੱਝੀਆਂ ਹੋਈਆਂ ਹਨ। ਇਸੇ ਕੜੀ ਵਿਚ ਦਿੱਲੀ ਸਰਕਾਰ ਕਸ਼ਮੀਰੀ ਗੇਟ ਨੇੜੇ ਸਥਿਤ ਅਗਰਸੇਨ ਪਾਰਕ ਵਿਚ ਕਾਂਵੜ ਕੈਂਪ ਲਗਾਉਣ ਦੀ ਤਿਆਰੀ ਕਰ ਰਹੀ ਹੈ। ਇਹ ਕੈਂਪ ਦੇਸ਼ ਦੇ ਸਭ ਤੋਂ ਵੱਡੇ ਕਾਂਵੜ ਕੈਂਪਰਾਂ ਵਿੱਚੋਂ ਇਕ ਹੈ।
ਦਿੱਲੀ ਸਰਕਾਰ ਰਾਜਧਾਨੀ ਵਿਚ ਸਥਿਤ ਇਸ ਕੈਂਪ ਵਿਚ ਇਕ ਸਮੇਂ ਵਿਚ ਕਰੀਬ 20,000 ਕਾਂਵੜੀਆਂ ਨੂੰ ਠਹਿਰਾਉਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਦਿੱਲੀ ਦੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਇਸ ਗੱਲ ਨੂੰ ਵੀ ਯਕੀਨੀ ਬਣਾਉਣ ਵਿਚ ਲੱਗੀ ਹੋਈ ਹੈ ਕਿ ਅਗਰਸੇਨ ਪਾਰਕ ਵਿਚ ਲੱਗੇ ਇਸ ਕੈਂਪ ਵਿਚ ਸਾਰੀਆਂ ਲੋੜੀਂਦੀਆਂ ਸਹੂਲਤਾਂ ਉਪਲੱਬਧ ਹੋਣ। ਜਿਸ ਵਿਚ ਵਾਟਰਪਰੂਫ ਟੈਂਟ, ਸਾਫ਼ ਪਖਾਨੇ, ਪੀਣ ਵਾਲਾ ਸ਼ੁੱਧ ਪਾਣੀ ਅਤੇ ਮੈਡੀਕਲ ਸਹੂਲਤਾਂ ਸ਼ਾਮਲ ਹਨ।
ਦਿੱਲੀ ਸਰਕਾਰ ਦੀ ਮੰਤਰੀ ਆਤਿਸ਼ੀ ਨੇ ਬੁੱਧਵਾਰ ਨੂੰ ਕਸ਼ਮੀਰੀ ਗੇਟ ਨੇੜੇ ਅਗਰਸੇਨ ਪਾਰਕ ਵਿਚ ਬਣਾਏ ਜਾ ਰਹੇ ਕੈਂਪ ਦਾ ਨਿਰੀਖਣ ਕੀਤਾ। ਇਸ ਦੇ ਨਾਲ ਹੀ ਨਿਰੀਖਣ ਦੌਰਾਨ ਆਤਿਸ਼ ਨੇ ਇਹ ਯਕੀਨੀ ਬਣਾਇਆ ਕਿ ਇਸ ਕੈਂਪ ਵਿਚ ਕਾਂਵੜੀਆਂ ਦੇ ਠਹਿਰਨ ਸਬੰਧੀ ਸਾਰੀਆਂ ਤਿਆਰੀਆਂ ਅਸਲ ਵਿਚ ਮੁਕੰਮਲ ਹਨ। ਦਿੱਲੀ ਸਰਕਾਰ ਰਾਜਧਾਨੀ ਵਿਚ ਅਜਿਹੇ 185 ਕੈਂਪ ਬਣਾ ਰਹੀ ਹੈ।
दिल्ली में @ArvindKejriwal जी की सरकार ने लगाया देश के सबसे बड़े कांवड़ शिविरों में से एक शिविर 🙏
— AAP (@AamAadmiParty) July 24, 2024
कश्मीरी गेट स्थित अग्रसेन पार्क में लगाया जा रहा कांवड़ शिविर देश के सबसे बड़े शिविरों में शामिल है। यहां एक समय में लगभग 20,000 कांवड़ियों के रुकने का इंतज़ाम है। आज मंत्री… pic.twitter.com/JSJSya7RZG
ਅਗਰਸੇਨ ਪਾਰਕ ਵਿਚ ਕਾਂਵੜੀਆਂ ਲਈ ਲਗਾਏ ਗਏ ਇਸ ਕੈਂਪ ਵਿਚ ਦਿੱਲੀ ਸਰਕਾਰ ਵੱਲੋਂ ਭਗਤਾਂ ਲਈ ਵਾਟਰਪਰੂਫ ਟੈਂਟਾਂ ਤੋਂ ਇਲਾਵਾ ਪੀਣ ਵਾਲਾ ਸਾਫ਼ ਪਾਣੀ, ਸਾਫ਼ ਵਾਸ਼ਰੂਮ ਅਤੇ ਉਨ੍ਹਾਂ ਦੀ ਸਿਹਤ ਦੀ ਜਾਂਚ ਲਈ ਮੈਡੀਕਲ ਸਹੂਲਤਾਂ ਵੀ ਦਿੱਤੀਆਂ ਜਾ ਰਹੀਆਂ ਹਨ। ਆਮ ਆਦਮੀ ਪਾਰਟੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਲਿਖਿਆ, 'ਦਿੱਲੀ 'ਚ ਅਰਵਿੰਦ ਕੇਜਰੀਵਾਲ ਦੀ ਸਰਕਾਰ ਨੇ ਦੇਸ਼ ਦੇ ਸਭ ਤੋਂ ਵੱਡੇ ਕਾਂਵੜ ਕੈਂਪਾਂ 'ਚੋਂ ਇਕ ਕੈਂਪ ਲਗਾਇਆ ਹੈ। ਇਥੇ ਇਕ ਸਮੇਂ 'ਚ ਕਰੀਬ 20,000 ਕਾਂਵੜੀਆਂ ਦੇ ਰੁਕਣ ਦਾ ਪ੍ਰਬੰਧ ਕੀਤਾ ਗਿਆ ਹੈ।