ਬੱਚੇ ਨੂੰ ਜਨਮ ਦੇਣ ਮਗਰੋਂ ਕੋਰੋਨਾ ਪਾਜ਼ੇਟਿਵ ਮਾਂ ਦੀ ਮੌਤ, 19 ਦਿਨਾਂ ਤੱਕ ਮੌਤ ਨਾਲ ਲੜਕੇ ਮਾਸੂਮ ਹੋਇਆ ਠੀਕ

ਸੂਰਤ - ਸੂਰਤ ਦੇ ਸਿਵਲ ਹਸਪਤਾਲ ਤੋਂ ਇੱਕ ਚੰਗੀ ਖ਼ਬਰ ਆਈ ਹੈ। ਇੱਥੇ ਕੋਰੋਨਾ ਪਾਜ਼ੇਟਿਵ ਮਾਂ ਦੀ ਕੁੱਖੋਂ ਜੰਮਿਆ ਬੱਚਾ ਗੰਭੀਰ ਹਾਲਤ ਵਿੱਚ 19 ਦਿਨਾਂ ਤੱਕ ਮੌਤ ਨਾਲ ਲੜਕੇ ਠੀਕ ਹੋ ਗਿਆ ਹੈ। ਜਨਮ ਦੇ ਸਮੇਂ ਮਾਂ ਨੂੰ ਗੁਆਉਣ ਵਾਲੇ ਨਵਜਾਤ ਨੂੰ ਬਚਾਉਣ ਲਈ ਸਿਵਲ ਦੇ ਡਾਕਟਰਾਂ ਨੇ ਪੂਰੀ ਕੋਸ਼ਿਸ਼ ਕੀਤੀ। ਨਤੀਜੇ ਵਜੋਂ ਬਿਨਾਂ ਮਾਂ ਦੇ ਬੱਚੇ ਦੀ ਜਾਨ ਬੱਚ ਗਈ। ਕੋਰੋਨਾ ਨਾਲ 19 ਦਿਨਾਂ ਤੱਕ ਲੜਨ ਵਾਲੇ ਬੱਚੇ ਦਾ ਨਾਮ ਪਰਿਵਾਰ ਅਭੈ ਰੱਖਣ 'ਤੇ ਵਿਚਾਰ ਕਰ ਰਿਹਾ ਹੈ।

 ਸਿਵਲ ਹਸਪਤਾਲ ਤੋਂ ਮਿਲੀ ਜਾਣਕਾਰੀ ਦੇ ਅਨੁਸਾਰ ਮੰਗਰੋਲ ਇਲਾਕੇ ਵਿੱਚ ਰਹਿਣ ਵਾਲੀ ਰੁਚੀ ਪਾਂਚਾਲ (28) ਨੂੰ ਸਾਹ ਲੈਣ ਵਿੱਚ ਤਕਲੀਫ ਹੋ ਰਹੀ ਸੀ।  ਉਨ੍ਹਾਂ ਨੂੰ 6 ਮਈ ਨੂੰ ਸਿਵਲ ਹਸਪਤਾਲ ਲਿਆਇਆ ਗਿਆ ਸੀ।  ਗਾਇਨਿਕ ਵਾਰਡ ਵਿੱਚ ਦਾਖਲ ਕਰਣ ਤੋਂ ਬਾਅਦ ਰੁਚੀ ਦੀ ਕੋਰੋਨਾ ਟੈਸਟ ਰਿਪੋਰਟ ਪਾਜ਼ੇਟਿਵ ਆਈ ਸੀ। ਜਦੋਂ 11 ਮਈ ਨੂੰ ਰੁਚੀ ਨੂੰ ਜ਼ਿਆਦਾ ਤਕਲੀਫ ਹੋਣ ਲੱਗੀ, ਤਾਂ ਡਾਕਟਰਾਂ ਨੇ ਬੱਚੇ ਨੂੰ ਬਚਾਉਣ ਲਈ ਸੀਜੇਰੀਅਨ ਡਿਲੀਵਰੀ ਕਰਾਈ।

ਜਣੇਪੇ ਦੌਰਾਨ ਮਾਂ ਦੀ ਮੌਤ ਹੋ ਗਈ
ਸੀਜੇਰੀਅਨ ਡਿਲੀਵਰੀ ਕਰਾਉਣ ਦੀ ਵਜ੍ਹਾ ਨਾਲ ਰੁਚੀ ਨੂੰ ਐਨੇਸਥੀਸਿਆ ਦਿੱਤਾ ਗਿਆ। ਆਪਰੇਸ਼ਨ ਦੌਰਾਨ ਮਾਂ ਨੂੰ ਨਹੀਂ ਬਚਾਇਆ ਜਾ ਸਕਿਆ ਪਰ ਬੱਚੇ ਨੇ ਜਨਮ ਲਿਆ। ਜਨਮ ਤੋਂ ਬਾਅਦ ਤੋਂ ਹੀ ਬੱਚਾ ਰੋ ਨਹੀਂ ਰਿਹਾ ਸੀ। ਉਸ ਨੂੰ ਨਲੀ ਨਾਲ ਦੁੱਧ ਪਿਲਾਇਆ ਗਿਆ। ਬੱਚੇ ਨੂੰ ਵੈਂਟੀਲੇਟਰ 'ਤੇ ਰੱਖਿਆ ਗਿਆ, ਲਗਾਤਾਰ ਇਲਾਜ ਤੋਂ ਬਾਅਦ ਉਹ ਆਕਸੀਜਨ ਅਤੇ ਇਸ ਤੋਂ ਬਾਅਦ ਏਅਰ ਰੂਮ ਵਿੱਚ ਲਿਆਇਆ ਜਾ ਸਕਿਆ। ਆਖ਼ਿਰਕਾਰ 29 ਮਈ ਨੂੰ ਠੀਕ ਹੋਣ  ਤੋਂ ਬਾਅਦ ਹੁਣ ਨਵਜਾਤ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।