ਪਾਕਿਸਤਾਨੀ ਝੰਡੇ ਦੇ ਚੱਕਰ 'ਚ ਸਕੂਲੋਂ ਕੱਢੀ ਗਈ 11ਵੀਂ ਦੀ ਵਿਦਿਆਰਥਣ, ਜਾਣੋ ਪੂਰਾ ਮਾਮਲਾ

ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਸਹਾਰਨਪੁਰ ਜ਼ਿਲ੍ਹੇ 'ਚ 11ਵੀਂ ਜਮਾਤ ਦੀ ਇਕ ਵਿਦਿਆਰਥਣ ਨੂੰ ਸੜਕ 'ਤੇ ਚਿਪਕੇ ਪਾਕਿਸਤਾਨੀ ਝੰਡੇ ਨੂੰ ਹਟਾਉਣ ਦੀ ਕੋਸ਼ਿਸ਼ ਕਰਨਾ ਮਹਿੰਗਾ ਪੈ ਗਿਆ। ਦਰਅਸਲ, ਇਹ ਵਿਦਿਆਰਥਣ ਸਕੂਟੀ 'ਤੇ ਜਾ ਰਹੀ ਸੀ ਕਿ ਉਸਨੇ ਦੇਖਿਆ ਕਿ ਸੜਕ ਦੇ ਵਿਚਕਾਰ ਪਾਕਿਸਤਾਨ ਦਾ ਝੰਡਾ ਚਿਪਕਿਆ ਹੋਇਾ ਹੈ ਅਤੇ ਉਸ ਤੋਂ ਵਾਹਨ ਲੰਘ ਰਹੇ ਹਨ। ਵਿਦਿਆਰਥਣ ਨੇ ਆਪਣੀ ਸਕੂਟੀ ਰੋਕੀ ਅਤੇ ਝੰਡੇ ਨੂੰ ਸੜਕ ਤੋਂ ਹਟਾਉਣ ਦੀ ਕੋਸ਼ਿਸ਼ ਕਰਨ ਲੱਗੀ। ਹਾਲਾਂਕਿ, ਉਹ ਇਸ ਵਿਚ ਸਫਲ ਨਹੀਂ ਹੋ ਸਕੀ। 

ਇਸ ਪੂਰੀ ਘਟਨਾ ਦੀ 12 ਸਕਿੰਟਾਂ ਦੀ ਇਕ ਵੀਡੀਓ ਕਿਸੇ ਰਾਹਗੀਰ ਨੇ ਬਣਾ ਲਈ ਅਤੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰ ਦਿੱਤੀ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹੰਗਾਮਾ ਮਚ ਗਿਆ। ਲੋਕਾਂ ਨੇ ਵਿਦਿਆਰਥਣ ਦੀ ਹਰਕਤ ਦਾ ਵਿਰੋਧ ਸ਼ੁਰੂ ਕਰ ਦਿੱਤਾ। ਜਿਸ 'ਤੇ ਹੁਣ ਵਿਦਿਆਰਥਣ ਦੇ ਸਕੂਲ ਨੇ ਵੀ ਨੋਟਿਸ ਲਿਆ ਹੈ। 

ਸੜਕ 'ਤੇ ਚਿਪਕੇ ਪਾਕਿਸਤਾਨੀ ਝੰਡੇ ਨੂੰ ਹਟਾਉਣ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹਿੰਦੁਵਾਦੀ ਸੰਗਠਨਾਂ 'ਚ ਗੁੱਸੇ ਦੀ ਲਹਿਰ ਫੈਲ ਗਈ ਅਤੇ ਉਨ੍ਹਾਂ ਨੇ ਇਸਨੂੰ ਦੇਸ਼ ਵਿਰੋਧੀ ਕੰਮ ਦੱਸਿਆ। ਅਗਲੇ ਹੀ ਦਿਨ ਕ੍ਰਾਂਤੀਸੈਨਾ ਸੰਗਠਨ ਦੇ ਲੋਕ ਸਕੂਲ ਪਹੁੰਚੇ ਅਤੇ ਪ੍ਰਬੰਧਨ 'ਤੇ ਦਬਾਅ ਬਣਾਉਂਦੇ ਹੋਏ ਵਿਦਿਆਰਥਣ ਨੂੰ ਸਕੂਲੋਂ ਕੱਢਣ ਦੀ ਮੰਗ ਕੀਤੀ। ਉਨ੍ਹਾਂ ਇਸਨੂੰ ਦੇਸ਼ਧ੍ਰੋਹ ਦਾ ਮਾਮਲਾ ਕਰਾਰ ਦਿੱਤਾ ਹੈ। 

ਫਿਲਹਾਲ, ਸਕੂਲ ਪ੍ਰਸ਼ਾਸਨ ਨੇ ਹਿੰਦੂ ਸੰਗਠਨਾਂ ਦੇ ਵਿਰੋਧ ਅਤੇ ਮਾਹੌਲ ਦੀ ਗੰਭਾਰਤਾ ਨੂੰ ਦੇਖਦੇ ਹੋਏ ਵਿਦਿਆਰਥਣ ਨੂੰ ਸਕਲੋਂ ਕੱਢ ਦਿੱਤਾ ਹੈ। ਵਿਦਿਆਰਥਣ ਮੁਸਲਿਮ ਭਾਈਚਾਰੇ 'ਚੋਂ ਹੈ ਅਤੇ ਸਹਾਰਨਪੁਰ ਦੇ ਗੰਗੋਹ ਇਲਾਕੇ ਦੀ ਰਹਿਣ ਵਾਲੀ ਦੱਸੀ ਜਾ ਰਹੀ ਹੈ। 

ਇਹ ਵੀ ਪੜ੍ਹੋ- ਵੱਡਾ ਹਾਦਸਾ! ਦੋ ਸਕੂਲ ਬੱਸਾਂ ਦੀ ਹੋ ਗਈ ਟੱਕਰ, ਪੈ ਗਿਆ ਚੀਕ-ਚੀਹਾੜਾ

In protest against the Pahalgam terror attack, a Pakistani flag was pasted on a road in Saharanpur.

A Muslim female student in the 11th grade stopped her scooter and tried to remove the Pakistani flag from the road. However, as the flag was firmly stuck, she could not pull it… pic.twitter.com/xahSn48gZK

— Angry Saffron (@AngrySaffron) May 1, 2025

ਜਾਣਕਾਰੀ ਮੁਤਾਬਕ, 29 ਅਪ੍ਰੈਲ ਨੂੰ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਵਿਰੋਧ 'ਚ ਕੁਝ ਸੰਗਠਨਾਂ ਨੇ ਪਾਕਿਸਤਾਨ ਦਾ ਝੰਡਾ ਸੜਕ 'ਤੇ ਚਿਪਕਾਇਆ ਸੀ, ਜਿਸ ਨਾਲ ਲੋਕ ਉਸਨੂੰ ਪੈਰਾਂ ਹੇਠ ਰੌਲਦੇ ਰਹੇ ਪਰ ਕਥਿਤ ਤੌਰ 'ਤੇ ਵਿਦਿਆਰਥਣ ਨੂੰ ਇਹ ਚੰਗਾ ਨਹੀਂ ਲੱਗਾ ਅਤੇ ਉਹ ਇਸਨੂੰ ਸੜਕ ਤੋਂ ਹਟਾਉਣ ਦੀ ਕੋਸ਼ਿਸ਼ ਕਰਨ ਲੱਗੀ। ਜਿਸਦੀ ਕਿਸੇ ਰਾਹਗੀਰ ਨੇ ਵੀਡੀਓ ਬਣਾ ਲਈ ਅਤੇ ਵਾਇਰਲ ਕਰ ਦਿੱਤੀ। 

ਇਹ ਵੀ ਪੜ੍ਹੋ- ਫੋਨ ਤੋਂ ਲੈ ਕੇ AC ਤਕ 'ਤੇ ਮਿਲ ਰਹੇ ਬੰਪਰ ਆਫਰ, Amazon ਤੇ Flipkart 'ਤੇ ਸ਼ੁਰੂ ਹੋਈ ਧਮਾਕੇਦਾਰ ਸੇਲ