ਬਿਹਾਰ ’ਚ ਭਾਜਪਾ ਨੇਤਾ ਗੁੰਜਨ ਦੀ ਗੋਲੀ ਮਾਰ ਕੇ ਹੱਤਿਆ
Thursday, Dec 20, 2018 - 04:29 PM (IST)
ਪਟਨਾ-ਬਿਹਾਰ ਦੇ ਹਾਜ਼ੀਪੁਰ ਵਿਖੇ ਕੁਝ ਬਦਮਾਸ਼ਾਂ ਨੇ ਵੀਰਵਾਰ ਇਕ ਭਾਜਪਾ ਨੇਤਾ ਗੁੰਜਨ ਖੇਮਕਾ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਇਸ ਘਟਨਾ ’ਚ ਉਨ੍ਹਾਂ ਦਾ ਡਰਾਈਵਰ ਜ਼ਖਮੀ ਹੋ ਗਿਆ। ਰਿਪੋਰਟ ਮੁਤਾਬਕ ਮਗਧ ਹਸਪਤਾਲ ਦੇ ਮਾਲਿਕ ਗੋਪਾਲ ਖੇਮਕਾ ਦਾ ਪੁੱਤਰ ਗੁੰਜਨ ਖੇਮਕਾ ਜਦੋਂ ਇੰਡਸਟ੍ਰੀਅਲ ਏਰੀਆ ’ਚ ਆਪਣੀ ਫੈਕਟਰੀ ’ਚੋਂ ਬਾਹਰ ਆ ਰਿਹਾ ਸੀ ਤਾਂ ਉਸ ਨੂੰ ਗੋਲੀ ਮਾਰ ਦਿੱਤੀ ਗਈ। ਗੁੰਜਨ ਨੂੰ 3 ਗੋਲੀਆਂ ਵੱਜੀਆਂ ਅਤੇ ਉਨ੍ਹਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਘਟਨਾ ਲਈ ਜ਼ਿੰਮੇਵਾਰ ਬਦਮਾਸ਼ਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
