Aadhaar ਨੂੰ ਲੈ ਕੇ ਫਰਾਡ ਤੇ ਬੈਂਕ ਖਾਤਾ ਹੋ ਗਿਐ ਖਾਲੀ! ਇਸ ਤਰ੍ਹਾਂ ਮਿਲਣਗੇ ਪੈਸੇ ਵਾਪਸ

ਵੈੱਬ ਡੈਸਕ : ਆਧਾਰ ਇਨੇਬਲ ਪੇਮੈਂਟ ਸਿਸਟਮ (AEPS) ਇੱਕ ਅਜਿਹੀ ਸੁਵਿਧਾ ਹੈ ਜਿਸ ਦੇ ਤਹਿਤ ਉਪਭੋਗਤਾ ਸਿਰਫ਼ ਆਪਣਾ ਅੰਗੂਠਾ ਲਗਾ ਕੇ ਸੀਮਤ ਬੈਂਕਿੰਗ ਸੇਵਾਵਾਂ ਦਾ ਲਾਭ ਉਠਾ ਸਕਦੇ ਹਨ। ਹਾਲਾਂਕਿ ਇਹ ਸਿਸਟਮ ਸੁਵਿਧਾਜਨਕ ਹੈ, ਪਰ ਇਸਦੀ ਦੁਰਵਰਤੋਂ ਕਰਕੇ ਲੋਕਾਂ ਦੇ ਬੈਂਕ ਖਾਤੇ ਖਾਲੀ ਕੀਤੇ ਜਾਣ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਸਾਈਬਰ ਦੋਸਤ (I4C) ਨੇ ਇਸ ਸਬੰਧੀ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ ਕਿ ਜੇਕਰ ਤੁਹਾਡੇ ਨਾਲ ਅਜਿਹੀ ਠਗੀ ਹੁੰਦੀ ਹੈ, ਤਾਂ ਪੈਸੇ ਵਾਪਸ ਲੈਣ ਲਈ ਕੀ ਕਦਮ ਚੁੱਕਣੇ ਚਾਹੀਦੇ ਹਨ।

ਠਗੀ ਹੋਣ ਦੀ ਸੂਰਤ 'ਚ ਤੁਰੰਤ ਚੁੱਕਣ ਵਾਲੇ ਕਦਮ
ਸ਼ਿਕਾਇਤ 'ਚ ਦੇਰੀ ਨਾ ਕਰੋ: ਸਾਈਬਰ ਮਾਹਿਰਾਂ ਅਨੁਸਾਰ, ਅਕਸਰ ਲੋਕ ਸਭ ਤੋਂ ਵੱਡੀ ਗਲਤੀ ਸ਼ਿਕਾਇਤ ਦਰਜ ਕਰਵਾਉਣ 'ਚ ਦੇਰੀ ਕਰਕੇ ਕਰਦੇ ਹਨ। ਜੇਕਰ ਸ਼ਿਕਾਇਤ ਕਰਨ 'ਚ ਦੇਰੀ ਹੁੰਦੀ ਹੈ ਤਾਂ ਚੋਰੀ ਹੋਈ ਰਕਮ ਦੀ ਰਿਕਵਰੀ ਕਰਨ 'ਚ ਬਹੁਤ ਜ਼ਿਆਦਾ ਸਮਾਂ ਲੱਗ ਸਕਦਾ ਹੈ।

ਹੈਲਪਲਾਈਨ ਤੇ ਪੋਰਟਲ ਦੀ ਵਰਤੋਂ: ਕਿਸੇ ਵੀ ਅਣਪਛਾਤੇ ਟ੍ਰਾਂਜੈਕਸ਼ਨ ਦੇ ਤੁਰੰਤ ਬਾਅਦ ਰਾਸ਼ਟਰੀ ਸਾਈਬਰ ਅਪਰਾਧ ਰਿਪੋਰਟਿੰਗ ਪੋਰਟਲ 'ਤੇ ਜਾ ਕੇ ਸ਼ਿਕਾਇਤ ਦਰਜ ਕਰਵਾਓ। ਇਸ ਤੋਂ ਇਲਾਵਾ, ਤੁਸੀਂ ਤੁਰੰਤ 1930 ਨੰਬਰ 'ਤੇ ਕਾਲ ਕਰਕੇ ਵੀ ਆਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ।

ਬੈਂਕ ਨੂੰ ਸੂਚਿਤ ਕਰਨਾ: ਸਾਈਬਰ ਪੋਰਟਲ 'ਤੇ ਸ਼ਿਕਾਇਤ ਕਰਨ ਦੇ ਨਾਲ-ਨਾਲ ਆਪਣੇ ਬੈਂਕ ਦੇ ਕਸਟਮਰ ਕੇਅਰ ਨੂੰ ਤੁਰੰਤ ਕਾਲ ਕਰੋ। ਬੈਂਕ ਨੂੰ ਘਟਨਾ ਬਾਰੇ ਦੱਸੋ ਅਤੇ 'ਚਾਰਜਬੈਕ' (Chargeback) ਦੀ ਮੰਗ ਕਰੋ।

ਲੋੜੀਂਦੀ ਕਾਗਜ਼ੀ ਕਾਰਵਾਈ: ਤੁਹਾਨੂੰ ਬੈਂਕ 'ਚ ਇੱਕ ਟ੍ਰਾਂਜੈਕਸ਼ਨ ਡਿਸਪਿਊਟ ਫਾਰਮ (Transaction Dispute Form) ਭਰਨਾ ਪਵੇਗਾ। ਇਸ ਫਾਰਮ ਦੇ ਨਾਲ ਧੋਖਾਧੜੀ ਨਾਲ ਸਬੰਧਤ ਸਾਰੇ ਜ਼ਰੂਰੀ ਸਬੂਤ ਵੀ ਨੱਥੀ ਕੀਤੇ ਜਾਣੇ ਚਾਹੀਦੇ ਹਨ।

ਸਾਈਬਰ ਦੋਸਤ (I4C) ਵੱਲੋਂ ਦਿੱਤੀ ਗਈ ਇਸ ਜਾਣਕਾਰੀ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਸੁਚੇਤ ਕਰਨਾ ਹੈ ਤਾਂ ਜੋ ਉਹ AEPS ਸਕੈਮ ਦਾ ਸ਼ਿਕਾਰ ਹੋਣ 'ਤੇ ਘਬਰਾਉਣ ਦੀ ਬਜਾਏ ਸਹੀ ਕਾਨੂੰਨੀ ਤੇ ਬੈਂਕਿੰਗ ਪ੍ਰਕਿਰਿਆ ਦੀ ਪਾਲਣਾ ਕਰ ਸਕਣ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e